影片
港鐵寶琳站 B1 出口, 步行約3分鐘
繼續閱讀
營業時間
星期一至日
11:00 - 23:00
以上資料只供參考, 請與餐廳確認詳情
食家推介
近月香港治安都麻麻地，所以少左好多出街食飯呢。有時出街都係食個Tea行陣就回家。雖然我一向都唔鍾意一日2餐都出街食，平常都係一係食Lunch或Tea，一係就食飯晚。不過依家係冇得揀食晚飯，只有早去早回。放假起身晏左，早餐晏左，一心出去食下午茶，去到商場一邊睇野，一邊左睇右睇邊間食店既下午茶抵食。因為好耐冇食過生牛河，所以揀左越棧。老實，好掛住幾年前將軍澳中心既Food Court，果度有間平靚正既越南野。早幾時既生牛河只係20幾蚊就有一碗，如果係其他舖要4-50蚊呢。依家就算係細碗D既下午餐都要4-50蚊了。但包飲品，現在黎講唔算貴了。三個餐三杯飲品，分別係檸茶，菜蜜同珍多冰（？）唔係好記得婆婆叫果杯係乜，有D Jelly粒係入面的。生牛河，本來個碗已經比平常Lunch的細碗，麵量係比想像的更少，仔真係食2個都唔會夠飽呢。食完一碗，食埋串燒加蓮藕餅，跟住再去買多個雞蛋仔，先叫做頂得住。雖然份量係少D，但都幾好味，牛肉浸湯浸得岩岩好，重有少少紅紅地，未熟晒，食落又淋又嫩一D都唔老。如果可以多幾片就好囉。依個串燒蓮藕餅個份量真係好少，串燒其實佢根本就係得2個半串的，2串加埋先係平常食果D既一串；佢咁鬼細串，雖然比4串就差唔多。蓮藕餅如果多一塊會好D。味道就冇乜特別，不過佢個沙嗲醬唔錯。下次應該黎食Lunch或Dinner，比多少少食晒正常份量。其實一向我同婆婆都細食的，真係好難得我會覺得份量少。依間野味道係OK，但下午茶份量真係好鬼細份，唔怪得就算有下午茶，但見大多數人都叫番正價野。講真，正價又唔係真係貴好多，但睇人地的份量就多好多囉。
繼續閱讀
突然間很想食牛脷，一諗就諗到食越棧嘅牛脷湯河，越棧之前來過很多次，都是食牛肉或豬扒湯河或檬粉 !今次再食牛脷湯河，都沒有令我失望，牛脷有四片，夠厚夠大塊，又夠淋沒有根，感覺軟綿綿，牛脷是有獨特的味道的，喜歡吃牛脷的人一定知道，今次還試了新推出的雞湯，感覺ok，加埋芽菜和小小指天椒，非常美味 😋還加了個生菜，夠爽脆 ，可惜太少！白蘿蔔夠入味，夠通透，但又不會太淋 !椰汁三色冰，椰味濃，又有啫喱紅豆，材料多，顏色又夠豐富😄
繼續閱讀
$40一個下午茶，包野飲，其實幾平既。咁我就叫左個雞翼撈檬食，份量下午茶會少，但係，得3分1好似有少少過分...其實4啖就可以食完！之後我再加+$8生菜，呢個正價菜同樣份量少左呢杯椰汁綠豆冰，好似食緊冰皮月餅咁，但飲飲下會覺得勁甜，唔好飲！總結，下午茶堂食可能會份量正常啲，外賣就了
繼續閱讀
今日下午茶試下越南嘢， 呢間係香港有好多分店嘅越南餐廳， 口碑不嬲都唔錯， 屹立喺香港咁多年， 一定有佢嘅原因。下午茶算係幾平， 40蚊 一碗粉仲包一杯飲品。佢有著明佢啲粉係細碗裝， 所以碗湯分嚟到細細碗唔好覺得出奇呀！我份人比較經典， 所以叫咗一款經典嘅生牛肉湯河， 生牛肉都算幾嫩滑， 點埋佢嘅招牌雞醬， 簡直昇華成為一種美食。 湯粉 最重要係個湯底， 佢嘅招牌牛骨湯底都算過得去， 喺味精唔係太重嘅情況下， 我認為佢過到關。 佢送嘅飲品 ，即使係凍飲都唔使加錢， 淨係呢樣都贏曬。結論係40蚊個越南湯粉下午茶 抵到爛！
繼續閱讀
前幾日落樓下食飯，見間間都要等位而淨係越棧唔需要就入左去食，之前食過幾次都唔覺得有咩特別，今次見佢新出左個心靈雞湯就試一試。我叫左個扎肉豬排金邊粉。一試個湯出乎意料地好飲，真係好似平時因嘅雞湯，幾鮮甜。而個扎肉就比較似魚蛋，至於個豬排就因爲浸住湯所以唔脆，如果用多隻碟分開上會更好。整體而言，包埋杯野飲都係$60嘅晚餐，而味道有唔錯，值得再食。
繼續閱讀