影片
營業時間
星期一至五
12:00 - 14:00
17:30 - 00:00
星期六至日
12:00 - 15:00
17:30 - 00:00
以上資料只供參考, 請與餐廳確認詳情
千江雪吃了三次午餐，總結來說都不太滿意。第一次吃普通午餐，味道普通。第二次吃雞煲，漏單不認，明明全店得3臺客，也可以忘了把單放入廚房，侍應本不相信自己3臺客也漏單，一直跟我們說雞煲較耐，直到等了40分鐘我們要走，他才發現漏單，而且上了雞煲後又漏了油菜單，最後我們只有五分鐘吃雞煲油菜。今次因為想不到吃什麼，一行三人才又來吃。見出了有特式煲，而且本著貴野有好，我和同事A又忘了伏味，點貴的餐，再一次中伏。青銅鼎火鍋，配日本極牛肉。鍋內有冬菇豆腐雜菜，牛肉配菜均非常普通，均不能有什麼評價。我的火鍋還加錢把白飯轉烏冬，幸好，這個烏冬是全餐最好。飲品本想點楊枝金露，侍應說味道得怪很多客人均接受不了，我改了柑桔蜜。超甜人造糖味，要等冰塊全融才能入口，這樣也叫飲品，還是給客人選擇可樂吧~另外同事點了滑蛋豬扒飯，比我們的火鍋便宜50%。味道也是普通，但起碼不算貴啊~
午餐還要加一服務費……
繼續閱讀
第一次寫食評.因為真係好差.坐個位仲要滴水.唔明下面D相點解影得咁令.第一...刺身個底係無雪.雞翼得雪藏味.壽司D飯有怪味要吐反出黎.三文魚唔好食.和牛上碟已經黑蚊蚊仲要石頭咁咬唔開.雞串個汁成PAT野.炸蠔個皮厚過隻蠔.係得天婦羅好少少.真係唔洗食個半鍾.上完兩rd已經走得
繼續閱讀
今日喺呢頭開會'未夠鐘就自己去搵食~心中想搵個地方可以坐耐少少～唔會比人望同趕~順便跟下D文件~記得Ｈ８有好多食店可以諗下～５點多Ｄ好多地方都未開~所以由高層開始數落~''車立''門開到呢間,燈都未開以為''準備中'',多口問句開門未,3位服務員一齊答我: 開左..其中一個男的~好熱情地講解價錢,見咁情況,我都樂意去試下~男服務員帶我去距離門口唔到十步的卡位,可能方便佢地招呼LA我要求坐入少少的窗邊位置, 男服務員話那邊未開...~__~" OKOK...坐落就睇下有咩食~放題食品心中有D預算~亦好明確知道自己想食咩~點菜紙款式簡單易明,菜名唔會太花巧,刺身壽司各有10款左右,我個人都只係試當中數款~熟食燒物款式好多~真係要小心眼闊肚窄~點菜後好快上菜~當然LA...點計我都係包場的客人喎~!哈!!!刺身的陳設好簡單~感覺就好似執貨一樣~有貨就放上去~毫冇心意~~最唔好的地方係刺身係直接放喺冰上~食慢D的話,D魚就浸喺D水到了...我呢D係咁慢的人,最後係要自己隔走D水繼續食,做飲食的冇理由發覺唔到啊~!三文魚一般貨色~心中明白呢個價錢會係差唔多的質素,食落魚香味唔重~感覺好超巿,冇令人興奮的感覺~只點了一次~劍魚腩 - 切細條,入口感覺雖魚香唔係超香濃~但都感覺到魚油喺魚肉之間滲出~!立魚 - 比想像中好~至少保持到清新鮮甜的水準~但都係點左一次~!甜蝦冇頭的~~有少少失望~已經好少食咁細隻的甜蝦了~打孖食都過唔到口隱~而且唔夠爽甜,點左一次就冇點了~!!海胆手卷係我的大胆嘗試!結果都唔算失望~紫菜好脆,海胆雖唔係好鮮甜,但未去到腥的境界,但SIZE就大左少少~冇辦法安哥~!沙律冷盤比較失色~入口好室溫~唔係好新鮮的感覺~凍豆腐就真係切了兩件豆腐再淋上豉油~太求其了吧~燒玉子係來貨出品~所以唔會有任何要求,都唔會差得去邊~只怪冇咩味~厚燒波蘿 - 切得薄左少少,燒得唔算好夠火,外層未燶~失去左外熱多汁的口感~羊架 ~唔知係漿汁定係燒燶了,有點黑..羊羶味唔咁重~入口味道過咸,可能醃得太重手了~燒物炸物出品唔算好特別~但求到位~唔好太過火太乾身~燒魚餅蟹餅原來係街市打邊爐的丸類拎去燒~!燒多春魚正~唔會燒得好乾身而且仲有好多魚春~夾上唔易爛~!!燒三文魚係我的至愛~燒得外脆肉滑~仲可以分頭,骨,鰭咁點~各取所好~~甜品方面有牛X公司雪糕,但係因為已經好飽,所以冇機會試~有點可惜~!期間服務員的招呼真係好好~上菜也收碟都快~可能佢見我一枱都係文件吧~!一邊食一邊搞自己的文件~仲一邊出汗~可能係近廚房同門口的關係吧~真係有D難頂~~但見差唔多夠鐘~所以都冇必要出聲了~~相信都唔會有下次..總括黎講..這個價錢的話,先放下自己的要求及幻想.. 真心希望佢地他日可以有所進步
繼續閱讀
今日細妺生日!本來想開開心心一行十人去試下日式放題,點知未上餐廳,單在樓下等 電梯就等咗成 15 分鐘有多,上到餐廳16樓,還要落一層。好了!坐低點嘢食 「(入紙+上菜)=30分鐘」。本來食1個半鐘,最後只餘下1小時。食D嘢又cheap,菜單上形同虛設!真喺想果樣無果樣!加上經常溜單,又要我哋寫過,上菜之後好久都未到,催咗幾次,跟著同你講今日無晒這個菜,真喺食到一肚火!生日都食得唔開心,話生日有蛋糕送但都係無!以後都唔會再光顧啊!
繼續閱讀
同兩個老朋友難得約到出黎搵間好野食都肥不足惜啦xd思前想後，時長價錢地點都考慮過（其實我地窮仔主要睇錢份上-__>-位於尖沙咀H8既千江雪似乎都balance到我地既要求，不過當然唔係話全部都做到滿分雖然上網上openrice睇，唔少人都話佢麻麻，甚至係劣評但冇所謂啦，反正中伏都係同朋友一齊中（我知我係好衰xddddd咁唔多講啦快快手訂座驚冇位:^)刺身感覺都幾新鮮既:^0三文魚每次黎既部位都唔同，有次食既係腩位！油香濃郁，肉質細嫩豐腴，但因為冰住夠凍，唔會有油膩既感覺甜蝦夠清甜，綿身卻不會有霉掉既感覺其他刺身食落味道幾正常，質素都合格的仲要冰住個溫度保持到，刺身唔多筋又唔會結埋冰咁特色料理千江雪既主打就係佢地既「食字料理」充滿中國特色既菜式名又有諗頭既:^)荊軻刺秦皇即是火炙劍魚腩，老實講唔知炙左d咩不過魚肉冇咩脂肪，稔身得黎唔會霉，係幾香口既加上醬汁酸酸地都唔會膩滯，味道都可以既火燒阿房宮係三文魚腐皮壽司味道都ok既，佢既醬汁係似沙律醬，但有點牛油香，creamy及酸甜三文魚碎味道唔太出，冇油膩感食材配上腐皮壽司，講真同平時食既冇咩大分別，其實gimmick真係主要係個名堂到串燒及燒物冇咩特別想講XDDD雞翼同雞肉串都係平時食到果種，唔會差得去邊既，夠熟囉xd燒一口牛其實幾香口，牛肉香味重，調味亦得宜，但我地覺得韌左d燒牛舌調味係真係剛剛好既，牛味都重，仲有少少爽口，可惜……都係韌囉炸物及天婦羅炸物感覺有點油……脆度合格既，但炸漿有點多（唔係指濃稠），亦容易軟淋掉炸蠔係多汁鮮美既，食落唔會話太肥膩，蠔味都算重我地幾中意炸芝士年糕，黏黏地但外層唔算太油膩夠熱，熱得均勻，因此佢中間芝士部分仲係會流心既:^)食落香口，芝士濃郁，年糕軟糯夠QQXDDDDD仲有食好多野但冇點影到整體我地覺得都可以接受既唯一怪怪地係佢飲熱茶要遞紙叫佢加-___>-漏單程度中等啦，有幾次叫左野都係冇黎，但通常上到既份量係差唔多既服務方面果晚都可以喎上網見唔少人話職員態度差又催黎催去但當晚上特色料理時真係有介紹下之後叫人既回應率都高既，又冇點黑面催趕咁約出黎吹下水食下野，笑笑下又過左一晚講真唔使話特別去計劃要做咩大事一齊Hea下已經可以好開心希望日後多d有呢d機會同朋友出黎啦致某小姐，祝你早日清數有錢，開心d啦給親愛的男神，祝你順利完成職務同埋解決到煩惱，都係開心d啦兩位有咩搵我啦，我太得閒xddd仲有遲下要一齊實現理想:^0
繼續閱讀