影片
營業時間
今日營業
07:00 - 21:00
星期一至日
07:00 - 21:00
以上資料只供參考, 請與餐廳確認詳情
食左多年大快活，由早餐，午餐，下午茶至晚餐都有吃，雖不是美味食物，但也是打工仔的快餐選擇之一。今晚由於見到有減 $5 優惠，便叫了兩款泰滋味套餐試下，分別是 「泰式香矛鴛鴦扒飯」和 「青咖哩豬頸肉飯」，兩個套餐都是跟一杯菠蘿椰汁特飲和甜品芒果糯米飯。但整個餐來到真係覺得有點不知所謂，鴛鴦扒極細塊，賣相怪怪的，豬扒乾到一個點! 青咖哩衹係綠色的液體，沒有咖哩味，粗條的豬頸肉，整體像吃兩餸飯，但味道比兩餸飯還要差!菠蘿椰汁特飲沒菠蘿味，基本上甜味都沒有，椰汁味有少少，都吾知飲緊杯乜野!芒果糯米飯有賣相，味道還可，芒果比較差!今晚第一次來呢間新開的分店，吃了一餐太難吃的食物，其實好難想像做飲食的，點樣煮 d 甘難食既野出來，如果吾識煑泰國嘢，不如吾好搞？專心做好本身的食物， 咁先對得住啲消費者 !
繼續閱讀
又到糧尾，我通常都會搵啲平嘢食🥹～咁啱見到佐敦開咗間新嘅大快活，就諗住頹頹地食就算，竟然俾我見到呢個幾吸引嘅二人餐🤩！除返開$59一個人，又有小菜、又有特飲⋯仲有芒果糯米飯做甜品添🥳～見咁抵，就即管試一試佢😋！✨火山骨二人餐 $118✨泰式汁火山骨（微辣）🍖就咁食落去係有啲似煲完湯嘅豬骨🙈～點埋個湯汁食會好好多！研究咗一陣，我估個湯應該係雞湯再加酸菜🫣～酸酸微微～又幾開胃嘅😙～✨點都唔落味精系列（小菜）- 咕嚕肉有冇落味精我就真係分唔到啦😂～就算咕嚕肉冇落⋯其他都應該有😝～個味道就不過不失啦～唯一略嫌炸得唔夠脆😕～但勝在份量十足！兩個餸都咁好送飯，包你一定飽🤪～不過兩個option都係肉，如果其中一個餸可以有多啲蔬菜就更加均衡啦😌！✨菠蘿椰汁特飲🍹唔算難飲嘅，但菠蘿同埋椰汁我覺得唔係好夾😂！好在可以轉其他特飲～我就飲咗檸樂🥤～配小菜最正😎！✨芒果糯米飯🥭個芒果糯米飯算係咁，糯米軟硬度適中👍🏻，甜味主要來自於個芒果醬，椰汁都有椰香味嘅，冇投訴喇😗！CP價：🌟🌟🌟🌟Encore機會：🔥🔥🔥環境氣氛：🧸🧸🧸（新開張幾乾淨）🔖 #大快活 (尖沙咀) @fairwoodfans📞 28564047🔍 尖沙咀彌敦道172-174號太平洋大廈1樓#k_razyfoodie #k_razyfoodie快餐推介 #hkfoodie #hkfood #香港美食 #美食推介 #吃貨日常 #真實食評分享 #佐敦餐廳推介 #拍拖好去處 #相機食先 #朋友暢敘 #火山骨二人餐 #泰式汁火山骨 #咕嚕肉 #菠蘿椰汁特飲 #芒果糯米飯
繼續閱讀
留意咗呢間大快活一段時間，因為在尖沙咀彌敦道旺角警署對面，窗外是一片綠油油的景色，人來車往！環境好靚。曾經這裏是貴價西餐，但依家變成大快活，用平民價錢，都可以欣賞窗外彌敦道美景！午飯時間唔算多人，建議用點餐機自助點餐。對窗的主要是單人座位，幾適合一個人自閉，又望到靚景！點了叉雞飯配奶茶多奶，叉燒和白切雞的份量也合理，紅糙米更加健康，我喜歡這個配搭！熱奶茶多奶，做得很好！幾十蚊的價錢，可以靜靜地吃着飯欣賞出面的熱鬧，真係好超值！
繼續閱讀
您可能會有興趣的...