影片
港鐵尖沙咀/尖東站 H/ R 出口
繼續閱讀
開飯介紹
來自北海道的米薄餅專門店，薄餅底由飯製成，亦供應沙律、意粉、天婦羅及甜品等菜式。
繼續閱讀
營業時間
星期一至日
11:30 - 11:30
以上資料只供參考, 請與餐廳確認詳情
第一次到訪落戶香港北海道的米比薩，流浪日本時已經食過不同的米類食品。今晚同朋友藉此機會一試在香港烹調的米比蕯食品！今日餐湯是鮮忌廉白箘磨菇湯配蒜蓉包，湯比較稀身又唔熱、湯料足夠可惜比較多油，飲了一半已經放棄！蒜蓉包夠脆口但蒜及牛油味唔多。千島沙拉牛油果米比蕯，買相都幾好、入口米餅底比較乾身狧到牙肉都痛、沙律菜唔夠新鮮。比薩唔係好夠熱、涼了又比較油！香草辣茄海鮮意粉，採用日式洋風烹調方法，入口有小小辣味、意粉烹調時間剛剛好，最奇怪是沒有海鮮味？可能海鮮唔多，帶子細到差小小睇唔到又完全冇鮮味，有點可惜！柚子蜜餞雞翼是最冇誠意之作，雞翼炸得幾香口但太細隻又廋又乾、企圖用柚子蜜去調味是失敗中失敗！柚子蜜只會使到雞翼外面太甜，完全唔協調！今晚冇點套餐都唔平，平均食物都比較油、服務普通又唔主動幫忙！未食過米比蕯可以一試，晚飯套餐勝價比高點！但米比薩就唔好以此餐廳為標準！
繼續閱讀
自己係半個日本人，行到尖沙咀見到有間日式西餐餐廳，當然試下午市時段忙，服務一般當然可以體諒，但食物方面真係太離譜，我點左個蛋包飯，餐湯跟麵包，但麵包竟然係我就食完先到，湯是凍的，蛋包飯汁小味道差，蛋超薄片，沙律菜的菜是乾的，米飯未煮熟除了個炸豬扒可以接受外，其他就好似食垃圾一樣！失望
繼續閱讀
為了趕及看7時半的電影，天還未開始黑，我們已經開始進食。由於用晚餐時間比平常要早，不太餓，加上趕時間，我們2個人只是點了2款菜. 餃子好普通的餃子，外皮軟淋淋，有點油膩；沙律菜尚算新鮮。帶子米比薩即叫即做，等了約30分鐘，賣相不錯， 熱辣辣，大大的原隻帶子配上蛋,芝士和飯，口感香脆，飯蕉有點粘牙。吃兩件剛剛好，吃第三件感覺太多，有點膩。整體素質可以，米比薩的做法新穎，味道也不錯，下次再去要找多些人，可試更多不同種類。
繼續閱讀
之前係isquare睇完戲經過呢間米比薩, 就比佢門口食物嘅外貌吸引左, 想揾次黎試下... 今次去食, 真係一肚子氣!!!首先, 果晚其實係閒日, 間餐廳係冇咩人, 但係個waitress死都要安排我地兩個人坐正門口位! 我明明見到裡面係完全冇人 好多位! 門口位嘅感覺超差, 每個行人行過都會望入黎!!!!講返野食, 我地叫左一個二人套餐... 頭盤係一d海鮮冷盤, 好多沙,又冇味(連蟹柳都冇味= =)... 跟住有個蘑菇忌廉湯同蒜蓉包, 個蘑菇忌廉湯好難飲, 有陣酸, 仲有成層油係度-_-以為蒜蓉包實冇死, 點知係凍嘅!!!! 第三樣就係白汁龍蝦仔意粉, 個意粉嘅味同忌廉湯一樣嘅=_= 龍蝦仔 一般般, 得d芝士味... 第四款係主打嘅米pizza, 賣相不錯, 個底真係成舊飯咁... 味道都唔錯(因為有千島醬), 食第一塊都唔錯, 到食第二塊開始就覺得好漏好濟>< 飲品用試管上, 雖然幾得意, 不過份量好少, 同埋只係普通嘅有汽巨蜂提子汁... 最後一道係甜品, 服務真係好差, 我地門口有幾格客人都舉手叫waitress, 埋單或者係叫上甜品, 但係兩個waitress就自己係度傾計, 其他客人都好鼓燥!!! 最後叫左好耐先上到甜品... waitress仲要係你面前執晒你d碟, 又抹枱抹到d食物殘渣飛到周圍都係....-_-""""" 甜品係芒果布甸, 奶凍, 同埋芝士蛋糕... 因為門口位坐得太唔舒服, 服務又差, 又食得好濟, 甜品都係試左啖就埋單走了!!!
繼續閱讀
之前係bee crazy 見到有甜品自助餐團購,重會送haagen dazs 家庭裝雪糕連埋保溫袋加埋服務費都係$127就諗住同朋友試下啦,入面環境係幾好既,但一見到張甜品紙就有點嬲啦,最普通既芝士蛋糕果欄刪剩一個最普通既焗芝士蛋糕,不如唔好話有芝士蛋糕啦,芝士蛋糕重唔係一件件,係咁既,圖白色果舊係就係有芝士味,但可惜一啲都唔滑,淨係好散既糊狀物咁,冇硬度同口感可言。但最難食都莫過於呢個心形既朱古力慕斯,食落口冇咩朱古力味,口感好水,入口好似好沙咁,超難食而最令人發指既莫過於店舖聲稱既北海道牛乳製成既甜品
,以下既草莓芭菲的確係超普通既軟雪糕,好似m 記軟雪糕咁,肯定唔係用特選北海道牛乳,呢個雪糕一啲牛奶味都冇!再食就係呢個貌相都好嚇人既宇治金時玉子,亦即係綠茶紅豆燉蛋呢隻綠茶既顏色未免太假吧!!!根本就唔係醬料,綠茶水而已,而燉蛋都一樣失望,唔滑唔 creamy唉,真係超級失望,買果陣見佢話有60多款甜品,實質來來去去都係得幾款,好似芭菲咁,只係有唔同醬混唔同生果,再加同一款普通軟雪糕,佢咁就當自己有4款甜品,咁即係將十款生果分別放係同一個軟雪糕到佢就話自己有十款甜品啦,咁同呃人有咩分別?!食得唔開心諗住攞返個家庭裝haagen dazs 都好,點知都只係得雲尼拿味,冇得揀其他,灰爆總結就係,我唔會再黎食甜品,平唔代表要比垃圾我><!!
繼續閱讀