影片
港鐵佐敦站 D 出口, 步行約2分鐘
繼續閱讀
附加資料
全素餐廳
營業時間
星期一至日
11:00 - 23:00
以上資料只供參考, 請與餐廳確認詳情
食家推介
招牌菜
今日食茹素的日子，工人放假沒有煮嘢食，帶了我的老公及囡囡去到呢一間網上好多人介紹嘅素食午餐buffet試吓，聽晚12點已經開始，於是就入咗去用咗＄78一個人（平日價，不用加一）食咗一個經濟又實惠的素食buffet ,入到去地方唔算大，客人也不是很多，店員已經即刻招呼我們。不過呢間餐廳剛剛做素食buffet午餐所以未有好多人知，我都提大家如果可以的話提早訂位啦！裏面有一張小小的長桌，放咗好多唔同種類嘅食物，都十分之多元化。而且食物補充得好快。營養湯味道唔錯，而且冇味精，材料真係有好多，老黃瓜、豆、紅蘿蔔之類嘅嘢，我個女飲咗兩碗！萄汁時蔬勁好味，食得出是用心做的，因為裏面用咗有啲好清新嘅香矛去做，其他素食店好少有。左邊嘅豆腐好野未，我好鍾意佢用咗好入味嘅梅菜蒸。現場有好多新鮮熱辣辣的炸物。白飯加左番薯，好有心思。鍋巴好美味，好新鮮同埋香脆，另外佢嘅叉燒係我覺得最好食嘅，好有叉燒味，燒得外脆內軟。沙津位置提供左唔同嘅新鮮蔬菜，仲有自家做嘅泡菜，素雞腎和酸齋，另外店舖亦提供唔同嘅醬料，例如甜酸醬同意大利醋等。甜品選擇比較少，不過都已經食到好飽了，我個女食咗好多件桂花糕，仲有好有椰汁味嘅紅豆椰汁糕，記住4，歲以下嘅小童係唔收費㗎 ！仲有呢度嘅服務係唔錯㗎，店員不斷問客人食物嘅質素，看得出他們是很想用心做得更好!呢一度係需要大家食完之後自己動手回收自己用過嘅餐具！
繼續閱讀
嬲到呢!!!!!!作為一個係尖沙咀嘅打工仔,一心諗住搵間平靓正嘅餐廳. 上佢個官網寫到明下午茶優惠38蚊，去到變左58蚊.個陣我已經坐低左，我就問佢你個網係寫38蚊喎，點解依家變左58蚊?個侍應話網上邊個個舊嘅，咁我都算諗住都試下先，見下抵唔抵先.我就叫左十谷粥同山竹牛肉，等左一陣十谷粥上左，勁細碗🙄我諗得250ml，粥水黎，啲十谷都唔知去哂邊咁我食完碗粥個牛肉都未到，我都差唔多食左15分鐘.個侍應話蒸緊，我本身諗住個山竹牛肉會好似酒樓個啲咁只係變左素.點知一黎到囧左，勁細仲好似比人切左一半咁食呢餐都食左40分鐘🙄趕時間嘅唔好黎食，咁到埋單一心諗住58蚊。點知佢收我70蚊，我就話你當時無講過喎，個侍應先話要收茶錢同加1 如果話用70蚊食到勁飽就ok姐🌚點完都唔飽，早知我去利強記買兩個雞蛋仔用50蚊左右食左佢好過
繼續閱讀
約了好友們，為其中一位好友慶生。因大家也不太喜歡吃肉，便選擇了波羅密。生日的那位好友已光顧了數次，說不錯。我們只有三個女仔，我是最後一位到。這是星期一的晚上，人不多，亦有很多吉枱。但不知怎的，他們竟安排我們坐二人枱，那我便要坐在路邊。另外，我們預先已知道會遲，所以我在當天上午約十一時便打電話改時間，由 18:45轉 19:00，沒有人聽，留了言。一直沒有人回覆，更沒有人 reconfirm booking。還有我們在吃飯當中，收銀的姨姨分別過來兩次，問我們要不要糖水，我們說暫時不要，她硬塞餐牌給我（天呀，我們枱上還有食物呀！很有壓迫感！！）朋友光顧了數次，最近那次是農曆新年，朋友說先前幾次糖水是免費送的。一個月之差，政策已改。我覺得服務可以做得好一點，reconfirm booking是基本。另外，不要給人壓迫感，始終出外吃飯是想輕鬆一下。食物方面整體可以，有些失望是想試椰子燉湯，見其他食評說不錯，但原來是秘製菜式，要預訂！我們叫了五道餸菜，兩個糖水。第一道是黑松露香煎白靈菇，黑松露很香，白靈菇質地很柔軟，只是露笋偏老，有渣。第二道是士多啤梨骨，這道味道很好，酸酸甜甜，亦很似肉。用竹庶做小竹簽，環保，也可以咬，加強了肉的甜酸味道，有心思。第三道是海苔凍豆腐，很普通，味道一般。第四道是咸魚肉餅臘腸煲仔飯，咸魚粒太咸，蓋過了肉餅及臘腸味道。但值得欣賞是飯焦很好吃，很脆！同陳漢記煲仔飯飯焦可相比。最後一道是意式黑松露金湯海皇素翅，味道尚可，豆腐嫩，只是沒有黑松露，竹笙不多，多點竹笙口感較好。另外質地不夠稠，偏稀，不像翅。至於糖水蛋白杏仁茶，是一大敗點，太甜，完全嘗不出杏仁味，甜味好像產前檢查要飲的葡萄糖水一樣難喝，又完全沒有蛋白，$33一碗非常貴！
繼續閱讀
第二次到波羅密素食，兩次都有驚喜！響應Green Monday，今日Green 1 Green食肉獸注意，相比食肉，食素無好飽好濟嘅感覺，但心理生理上都會有種清新感覺（好難形容，要自己體會）分享下我兩次食完，覺得正嘅1. 黑松露白靈菇我大愛黑松露，原來配白靈菇咁夾咬落去Juicy，賣相好靚，亦都無菇菌類霉霉地嘅味2. 椰香養顏燉湯好多人都推介過，一試覺得都似落重本有新鮮嘅椰汁香味，又有近排大熱嘅桃膠3. 京式牛仔柳同枱嘅食肉獸都話似食肉，估唔到個汁醬都做到咁似
繼續閱讀
"香積厨中修妙供菡萏座前獻酥酡飽餐甘露煩惱凈維摩居士不奈何"在餐牌第一頁看見這四行詩句, 期望真的能"飽餐甘露煩惱凈". 如今都市人確實有太多煩惱, 有人說買東西可減壓, 亦有人說""食餐好可以清煩惱". 我們一行六人步進餐廳內, 第一個感覺就是有點兒熱. 今天有32度確實很翳焗, 當我看見另一枱客人不停在擦汗, 就知道原來並不是我們的問題, 所以趕快叫服務員將冷氣調較涼一點, 他們反應也很快速, 不消數分鐘, 大家也感覺涼快了不少. 再望望四周的環境, 本人覺得燈光有點怪怪, 暗暗的 ,色調感覺不舒服, 就好像以前屋邨用一些白光管, 突然覺得情調和氣氛有點不配合. 遠處看有一座三四尺高的金觀音, 很祥和的感覺. 不經意肚在打鼓, 於是趕快點菜. 最先上枱是金湯海皇素翅, 顏色十分好看, 金黃色但又不落俗套, 湯不會太甜, 清清的! 素翅亦有口感, 跟真正的差相比也不太差太遠.金榜題名有蛋白加素翅,還有蘆筍, 蛋白夠滑, 素翅爽口, 蘆筍新鮮, 簡單的一度菜但做得不錯.鬼馬叉燒, 網上有很多人推介, 食落口確實好味, 其實就是油炸鬼, 外層味道濃郁, 裏面雖然不算脆口, 但也不會很油膩十分好味.蜜汁叉燒, 這款叉燒口感截然不同, 感覺比真正的叉燒更好味, 不過如果喜歡吃肥叉燒的就會覺得不夠喉.香芋BB斑, 一共有六條剛好足夠我們六人, 份量啱啱好,外皮不算薄脆, 但內裏香芋味道濃郁, 口感亦不錯. 細細條的芋頭魚原來比大大條的更好味.古法蒸法輪卷, 朋友說是當晚比較失望的一味餸, 味道十分平淡. 但其實我覺得最尾有一度清淡的餸菜, 也不失為好事, 否則就全部都太重口味.黑松露菜粒牛蒡炒飯, 黑松露味道淡淡的, 菜粒脆脆的,飯粒夠乾身, 反而牛蒡沒有跑跳出來, 但由於大家已經很飽所以也食剩了大概半碗飯.飯後甜品是必須的! 腰果合桃露是我最愛的, 濃度剛好不會太杰, 合桃味很香, 再加上腰果, 真的是香上加香.金瓜蕃薯和桂花糕都做得不 錯, 彈口而味道清清的, 最緊要是不會太甜 做飯後甜品最啱!我們六人談天說地, 風花雪月, 無所不談, 大家都覺得十分輕鬆又吃得開心, 再加上 這一頓美食真的令我們"煩惱清"!
繼續閱讀