影片
以上資料只供參考, 請與餐廳確認詳情
印象中以為佢係日本過江龍嘅香港店. 幫襯之前, 忘記睇 openrice, 結果…….!!!!!6:15pm到達, 冇乜客, 裝修中規中矩, 環境合格.套餐包括小食 + 拉麵 + 蜜桃特飲. 先尼小食墨魚丸, 超細粒, 冇乜味. 跟住係魚介拉麵, 無論湯底, 麵身及配料都係普通港式拉麵舖水平. 至於蜜桃特飲, 淨係飲到甜味!最大鑊係之後幾口渴, 嚡! 應該係味精囉!服務方面 : 係茶記水平結論 : 冇睇 openrice, 後悔已太遲.
繼續閱讀
兩個人約下午1:30去到, 完全不用等位, 得三枱, 到處都係空枱, 咪想搵張4人枱坐得舒服D,兼擺埋袋 .但店員聲稱其後會多人, 逼住要坐埋一角的二人枱. (其實全程都係Keep住3/4枱, 侍應得兩個, 水靜河飛, 根本冇乜生意)團購的拉麵套餐的味道一般, 湯底完全不如聲稱熬製15小時.2 個拉麵餐附有2個小食, 我們點了忌廉餅 同 餃子. (團購時標明為"蟹肉"忌廉餅, 完全食唔出有蟹肉)而另一個小食--餃子, 等了良久, 原來攞錯去另一枱, 而那枱亦用筷子夾過, 那侍應匆匆拿回廚房, 不到2分鐘, 再拿給我們一碟"聲稱"係新整的餃子, 我們把將之擱在一旁, 完全冇食過.總而言之, 不會回頭再試.
繼續閱讀
恕我孤陋寡聞，實在唔知無敵家已在香港開了店，離開九龍公園往下望，赫然一間無敵家在面前，前個月去東京錯過了，於是什麼也沒詳細諗，就上去幫襯，門面的裝潢夠有特色的，找來不少特色的懷舊海報，及酒樽，暗暗的燈光真夠氣氛的。論食物：先講拉面（無敵家出名拉麵）點了個地獄豬骨湯麵，實在嚐不到湯底有多少心機，淡淡的（連Ｘ千拉麵的湯底都不如）不過論賣相（碗，配料的擺設）又真的不錯。點了個海膽壽司，壽司真的很好！夠鮮味！其他一般壽司店賣的海膽都是乾癟癟的，這裡吃的海膽卻是水汪汪的，有我四月去日本築地吃的海膽剌身的程度！更有築地程度的價格，要六十八元兩件～點了個特飲，有酒精的醉酒紅莓，其實幾乎等於酒吧的SEX ON THE BEACH，只是這間用的只有紅莓汁及清酒（兌水），酒吧賣的來得經濟。西京醬煮牛舌本來很憧憬牛舌的美味的，但這碟牛舌實在隨咗是煮韌了的肉之外什麼也不是，沒了那種獨特的牛騷味，而且那個甜甜的西京醬（我覺得似泰式芒果糯米飯的椰醬）實在跟鹹肉不甚配搭，這餐吃了四百零五元，實在不甚划算，兩個人這樣去實在去到四次Ｘ千拉麵了～不是為了補償東京旅行的缺失也不會去了。
繼續閱讀
步入餐廳內，環境係幾有心既佈置，吊左D日本酒樽，掛左D日本畫等。地獄豚肉拉面湯底好差，無味之餘，仲要唔夠辣，今次真係地獄，感覺到佢湯底無用足料整。另外，豚肉係較瘦既，所以肥脂欠奉，唔夠軟。炸雞軟骨個漿太厚啦，所以唔夠香口。成餐最好竟然係因為LIKE FB PAGE而得到既枝豆，鮮甜，面灑左D鹽，幾好味！
繼續閱讀
今晚同FD 慶生, 我地揀咗TST無敵家. 一處寧靜空間我地叫咗好多燒物又開酒!! 太HAPPY 啦!!燒魷魚. 一D都唔覺得好硬GE 感覺, 燒到岩岩好. 仲好鮮甜燒赤鯛魚, 係出面D日本餐廳比較少見到, 而且我都係第一次食: 鯛魚燒小食就食過, 唔知新鮮燒GE味道會係點呢!1 係白魚肉; 好鮮味 mad:我地有個食素人士, 就叫咗個日本蕃薯比佢!!1唔會好油. 天婦蘿式, 可以用咝日本GE 蕃薯, SO 比較甜, 而且好香蕃薯味 無敵家有個雞肉軟骨棒配日本雞蛋, 個店員推介食落去好有雞味、甜甜地, 值得一提係佢果雞蛋混合的雞汁加埋D雞粒, 我諗如果用來送飯會更加好食生日果FD 太LOVE 雞啦, SO 叫咗果雞皮蝦卷以為好普通啦!! 點知食落又幾好食WOW, 雞皮GE香味加埋蝦GE鮮甜另外GE豚肉荔枝卷: 好特別, 之前睇食評食到呢個好食咁就叫黎試下又唔錯WOW !! 甜甜地GE荔枝、無想到竟然同豚肉又幾匹配 WOW !!最後食咗刺身拚盤, 好靚呀!!佢石切到DISPLAY 咁, 有D唔忍心食TIM !! 佢D刺身件件都好鮮甜, 仲好厚TIM GA !!有牡丹蝦, 三文魚, 吞拿魚, 油甘魚同赤貝~~ 正 !!食完人個CAKE 飽飽走人LU !! 大滿足呀!!
繼續閱讀