影片
港鐵尖沙咀/尖東站 N2 出口, 步行約3分鐘
繼續閱讀
電話號碼
90806927
付款方式
其他資料
加一服務費
以上資料只供參考, 請與餐廳確認詳情
食家推介
心思思想食火鍋，找到了這間樓上舖，個名好日式，上到去，裝修都係好日式，牆壁上仲有好大幅好澎湃的壁畫，好靚，這裡還有多部電視播緊球賽，聽伙記話這裹係可以睇英超的，相信有球賽時，這裏一定好爆滿。原本想食雞煲之後打邊爐，但伙記推介這裏的湯底全部是真材實料煲出嚟的，建議我們一試，既然是日式系，火鍋湯底今日當然係揀咗豬骨濃湯底啦😅⋯⋯湯底果然好濃郁，打邊爐前先試一口，非常入味香濃，湯底還有杞子紅棗，好補身😂另一特色，每枱有一盤醬料，任客人自己混醬，醬料多達九款，再加上三支醬油：柚子汁、燒汁及生抽，非常貼心。火鍋材料叫了以下：M5和牛牛腹心（中間那款）及牛板腱，個人覺得牛腹心牛肉味比較重及有質感，而牛板腱也嫩滑，配上芝麻醬更能吊起牛肉味。雜丸拼盤：共有八款丸，炸魚蛋、牛丸、貢丸、墨丸、魚片頭魚、芝士丸、包心丸、魚皮餃等，都係一般常見打邊爐會食到嘅丸類食物，全部都新鮮及彈牙，這一盤拼盤也算抵食。還有蔬菜籃及生蝦：蔬菜籃都包含咗好多種材料，有粟米、金菇及其他菌類、有皇帝菜、娃娃菜，菜心等等，洗得好乾淨至於生蝦可以話係全晚的精髓，因為非常新鮮、大隻及非常彈牙，肉質好鮮甜，是必食之選。
繼續閱讀
朋友搵到呢間新開嘅火鍋雞煲店所以即刻嚟試吓先啲調味料都幾多選擇同埋擺得幾靚海鮮 - 時價海蝦都幾新鮮-蟶子皇夠晒大隻淥兩淥已經夠啦如果唔係就會熟得滯好甜，無沙而且夠爽甜-大蜆就正常發揮-赤貝大塊厚肉咬落勁爽脆-重點就係呢隻龍蝦淥熟咗之後超級鮮甜肉質好彈牙食完將個龍蝦殼同埋個蝦頭放落個湯底度啲蝦膏同殼熬成嘅湯底超級鮮甜用嚟煮菜同放落個烏冬度令到啲食材更加好味湯底方面我哋揀咗日式鯛魚濃湯 - $108都幾鮮甜入面仲有紅棗同埋杞子所以令到成個湯底更加甜武藏野手打烏冬 - $48呢個係店員推介我哋嘅佢介紹個當湯底煮到好濃之後就可以倒啲湯落呢個烏冬度好似沾麵咁食有龍蝦熬成嘅湯底令到個烏冬都變得好鮮甜呢個食法都幾新鮮同特別鵝腸 - $58份量都唔少㗎喎鵝腸本身都大大條所以淥完都唔會縮到好細口感好爽脆-娃娃菜 - $58都幾新鮮索埋個湯更加清甜-萵筍 - $48大塊爽口打邊爐入面食返啲蔬菜感覺都健康啲牛舌 - $58大大片都幾爽口-澳洲M5和牛上腦心 - $78呢個部位好似都幾少見我哋都係第一次食幾滑同幾有牛味港式風味雞煲 - $168/半隻雞件好滑好入味佢係入味得嚟啲雞仲Keep到好滑好少可以食到咁樣嘅雞因為平時一係就唔入味，一係就好鞋口我哋今次淨係叫咗少少辣姐因為唔知辣嘅程度有幾高咁少少辣都幾惹味嘅下次可以再挑戰高程度少少嘅辣。我哋去嗰時舖頭好似仲未有酒牌店主話可以自己拎走上去飲都幾開心🤣🤣
繼續閱讀
今日落完雨,天氣涼涼地,來打個日式邊爐。湯底係師傅精心準備既鯛魚湯,好中意飲,同埋呢個湯底好有新鮮感。我同朋友都情迷海鮮,叫得比較多海鮮,連小食都係。個汁煮鮑魚調味上佳,再切成薄片,賣相美觀。而蟶子肥美得黎又冇咩沙,相當唔錯。個幾串蝦放係個賣相得意既盤到,味道都唔錯。鮑魚都洗得好乾淨,再加埋沙白,即時令個湯更加入味。我地叫左個烏冬,擺盤都係好有心思呀,而且好好食,有兩份,夠我地食,再加埋D配料食,好夠味。
繼續閱讀
打邊爐通常都係中式，咁今日就係喺間日式舖頭食個日式火鍋。雖然都有啲人來都會食下雞煲，（日式店但亦有中式雞煲食）但我覺得來得日式舖當然係食啲正宗嘅日式嘢啦，襯返個環境呀嘛😛😛嗌咗個“日式豬骨濃湯”湯底，跟住慢慢掃qr code，喺度搵嘢食，都未揀完，店長就送咗一碟“凍食鮑魚”請我哋食，真係好surprise吖，雖然係送嘅，但一啲都唔馬虎，啲鮑魚qq彈彈好好食呀👍跟住睇吓我哋又揀啲咩食呢？我哋揀咗“墨魚丸”、“手作蝦滑”、“粉腸”、“美國羊肩肉片”、又有“冬菇”和“蟹味菇”，中式、日式食品各有啲啲，主食就揀咗“武藏野手打拉麵”。粉腸數量多又粉粉嫩嫩的沒異味，good。冬菇及蟹味菇亦好新鮮好日式風味，當然同個豬骨濃湯好夾啦。而主食係煮熟左嘅手打拉麵，就咁擺好係個拉麵碗度，要食嗰陣自己淋啲豬骨湯上去，掂晒👍👍好似自己整咗碗拉麵咁，好玩。
繼續閱讀
收工後繼續跟朋友覓食，朋友話有間新開嘅和風火鍋想試味。聽講湯底係由餐廳自家熬制，飲得又可以打邊爐。餐廳湯底主打日式湯底，有豬骨湯、雞白湯、鯛魚湯，以為食緊拉麵😂好特別 又有高質食材打邊爐，龍蝦、蟶子王、M5和牛等朋友唔喜歡吃牛同海鮮所以都無叫到🥲🥲醬料方面有柚子汁、豉油、薑燒汁以及其他日常配料，柚子汁同薑燒汁係十分少見。港式風味雞煲半隻$188佢哋係即order即煮，所以都要啲時間上菜，今次揀咗中辣。雞到了十分香氣撲鼻，見到有好多配料去炒雞，流晒口水🤤雞肉熟度剛好，肉質爽彈。味道十分夠，夠辣好惹味 無叫錯👏🏻日式雞白湯$98落咗大蔥、杞子、紅棗去煲，感覺好養身🤣 飲落去微微雞湯，唔會好濃。啱啱食完濃味雞煲最適合配個養生湯烚下烚下～娃娃菜$58份量都多，菜好新鮮手打蝦滑$58十分彈牙，不過唔太食到蝦粒🥹鵝腸$58食呢啲最緊要清洗乾淨，腸腸都大條肥美白鱔$88鱔片肉質彈牙，好食雀巢檸檬茶$15礦泉水$10
繼續閱讀
您可能會有興趣的...