影片
營業時間
星期一至五
12:00 - 15:00
18:00 - 23:00
星期六至日
12:00 - 16:00
18:00 - 23:00
公眾假期
12:00 - 16:00
18:00 - 23:00
以上資料只供參考, 請與餐廳確認詳情
招牌菜
今日同男友拍拖行尖東海旁,行下行下就行到海港城,行完優之良品,見到間日本料理,應該都幾貴下,即管過去睇下個菜牌,有個铁板二人餐$11xx有沙律,什綿刺身,龍蝦铁板,银雪鱼,牛肉,炒飯,湯,甜品.係海港城這個價都ok!之後我男友見到一個非常扺食既二人餐$498,我話就食這個餐啦!男友話但唔係铁板餐喎,我就話無所為一手拖了他入去了.我哋就叫咗這個套餐:前菜有個日本蕃茄沙律,食得出真係唔同非常鮮甜加上日式麻醬GooD,跟住係什綿壽司,有五款:三文鱼,鮮帶子,熟蝦,油金魚同碎吞拿鱼,其實我見到散叫每款都要成百蚊一客,一個字(抵),蝦天婦羅,蝦大大隻,燒羊架一啲都唔so,最後有個手打烏東,係我最鍾意食彈牙嗰種還有甜品雪糕.美中不足係我想叫一個原個柚子雪葩,佢無貨其實唸住三月八日同媽咪再去食多一次,點知佢裝修緊,為有等下次吧.
繼續閱讀
大年初二晚，托我妹妹既鴻福，有幸可以去海港城頂樓停車場睇煙花。我呢d一向對"食"好有planning既人, 晨早就諗定睇完煙花去邊到食飯同book定枱啦~ 但因為係年初二既原因, 大部份餐廳一係未開工, 一係爆棚... 又要考慮到睇完煙花人潮阻塞既問題, 最後決定左試一試菊膳...奇怪，人地間間都爆滿，我地去到餐廳既時候居然得2枱客，仲要望落都係國內遊客... 已經覺得有問題...打開menu，一望原來係"高級貨"，唔緊要啦，新年開心嘛，我地一行5人就係咁叫；係咁食... 講真，食物質素真係麻麻... 食日本菜黎講，最重要既連魚生都唔新鮮，其他夀司呀、卷物呀、串燒呀、鍋物果d，普通到同食放題差不多唯一可取之處係，佢地既服務不錯。亦可能因為根本客都冇個既關係，唔serve你serve邊個呀，每食一、兩道菜都會主動換碟，旁邊既waiter都好醒目，見到我地想要乜都即時送上，呢樣野真係其他餐廳好難搵到既~最後望到張單，打左個突，盛惠$4,5xx
繼續閱讀
老爸離開了我們，這段期間，不能往別人家，不能赴喜宴，不能慶祝生日，但是到了太座生日的一天，約她吃頓飯也是有必要的，反正大家都要吃飯，而吹蠟蠋和吃蛋糕的環節則欠奉，也沒有祝她生日快樂，太座是明白事理的人，她沒有因此而不快。太座在對岸上班，我移船就墈約她在尖沙嘴吃飯，順道看看聖誕燈飾。走入了海港城，首選的中菜要等八個籌，意大利餐廳亦不遑多讓，不想跑來跑去，只好接受這間日本餐廳。看這間日本餐廳內外，周圍都掛了些聖誕裝飾，相信都是由員工自行製作，效果就像小學生佈置班房，而且「娘」味十足，其實沒有這些聖誕裝飾的日本餐廳會較順眼。除單點餐牌外，還有二人套餐，我們選了$538 的一款，包括有煙三文魚沙律，雜錦刺身，焗蟹蓋，吉列豬柳，咖喱飯，雪糕，太座另點一杯蜜桃乳酸梳打。煙三文魚沙律，每人一小碟，混了油醋的沙律放底，兩片煙三文魚放面，菜蔬也算新鮮，爽脆微酸，吃後令人開胃，而煙三文魚，沒啥香味，質感欠應有的彈性，質素只是一般。接著是一碟刺身，有四款海鮮，都是大路貨色，三文魚，不夠肥美，也沒有三文魚的香味，吞拿魚顏色很深，味道與平日吃過的有異，但不是變壞，也許品種不同？油甘魚味道正常，也很爽口，令人回味，甜蝦也是可以的，雖不是鮮甜，但勝在中型的體積較少吃。焗蟹蓋顏色不甚鮮明，深深沉沉，蟹肉中帶有鮮冬菇粒，蟹肉很散，鮮甜味欠奉，雖不是難吃，但絕不吸引。接著下來，主菜是炸豬柳，上了麵包糠的豬柳有四件，是二人份量，碟旁有一堆沙律裝飾，另一小碟醬汁給豬柳調味。之後，每人又送來一碟白飯和咖喱汁。豬柳外層炸得頗香口，而內裏仍很嫩滑，肉味濃郁，醮點汁醬更添美味，咖喱汁有一兩件薯仔，咖喱辛辣度屬中級，香料味道複雜，送飯一流，與豬柳同吃也是尚佳配搭。甜品是每人一球綠茶雪糕，綠茶味道甘甜，值得一讚是其盛器是預先冷凍過，因此雪糕不會很快溶掉。蜜桃乳酸梳打味道可口，蜜桃味香甜而沒有人工化味道，乳酸味順喉，有汽好飲。老婆大人，雖然言語上沒有對您說生日快樂，但是經過三十年的相處，彼此會明白大家的心意，說話只是形式上的表達而已。今年，一切盡在不言中！
繼續閱讀
原本朋友想同我去隔離間海景意大利餐廳食飯，點知佢話無reservation無位.... 因肚餓又唔想周圍搵食，就去左隔離呢間日本餐廳。叫左帶子甜蝦刺身，好一般，一籌司都好食過佢！一客雜錦蝦天婦羅，啲蝦好瘦，又唔夠熱。。。燒長腳蟹，肉係好大舊，但好醎！燒牛舌，有根又un嘅！燒茄子，面頭啲汁都ok, 甜甜地，可能我本身鐘意食茄子，覺得尚算不錯，但我朋友就不太喜歡。。。仲叫左三客刺身，分別係三文魚、吞拿魚腩同海膽，三文魚同吞拿魚都無味嘅，仲要食到有根嘅！我諗住留返件海膽最後食啦！點知我個fd食完，喝住我唔好食，佢話臭架喎！我見到佢都有少少出左水，中間條線變左黑色，我見到唔食好浪費，點知我個fd都係制止我唔好食.... 碟嘢都唔係放左出黎好耐之麻，最重要係，我地原本打算食鐵板燒，點知我地點親嗰幾款燒物全部都唔係我地前面個廚司燒嘅。。。唔知喺邊度燒好拎過黎嘅。。。可能我地唔識點啦，點親都唔中。。。今餐食左$14xx.... 收得人呢個價錢，俾啲咁嘅食物人！有無攪錯呀！唔怪得隔離兩間餐廳咁多人，呢間就水靜河飛啦！真係離譜！！
繼續閱讀
已早一個星期訂檯, 怎知被安排在緊急出口門前坐, 被迫夾在4人檯和鐵板燒檯之間, 分明便是硬放一張2人檯想多做生意, 感覺並不好受 點了一個二人餐後, 食物很快到, 但… 香草焗羊架不香反而很穌, 又un, 要用刀大力切才食到 炸蝦天婦羅, 扁pat pat又唔熱, 好像一早炸定有客人點才送出來, 食落還有點油益味, 真得不怎開胃. 稍為好一點只有沙律和烏冬, 正正常常, 但沙律來了2個, 我們以為一人一碟, 食了一半, 有個女待應突然間走過來二話不說就拿走一碟, 我們不知發生什麼事, 找人問又話check下先, 原來二人餐只是有一碟, 但客人點餐怎會留意食物是一碟/一碗/x隻. 現在是餐廳有問題, 上錯菜一句對不起也沒有說便拿走客人的食物, 他們夠竟知不知道這是很不禮貌的, 真的十分離譜! 而且waiter時常走過來問d食物還要不要, 很趕客, 想客人早點離開, 星期五做多轉生意也不要太過份吧!
繼續閱讀