影片
港鐵柯士甸站 E出口, 步行約1分鐘
繼續閱讀
電話號碼
23207455
開飯介紹
店舖以懷舊港式茶室作主題，供應食物多元化，如港式車仔麵、中式吊燒雞、及西式小食等。店內菜單最特別是創新的芫茜湯車仔麵，選用的是新鮮生芫茜。
繼續閱讀
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
食家推介
相關文章
本來餐飯食得都幾滿意，但就衰收尾。明明營業到10點亦講明9點半截單可以坐到10點，點知我8點50分未到坐低，跟住落單，9點幾啲餸啱啱上枱我食咗兩啖就直接上張單叫我埋單，咁即係要招呼你先啦？得，我埋。跟住仲有10幾分鐘先到10點，我甜品都未係好食完就走嚟同我講清場仲清晒張枱啲嘢。大姐，不如換個角色，你坐低，未食完我叫你起身走吖？咁食評都係要寫嘅，整體不過不失，價錢就唔講啦，有美國運通又唔太夜嘅話，都係去有折嗰幾間啦，星光行，唔係好遠啫。
繼續閱讀
去完故宮再走進戲曲中心；新嘗試遊園！但原來朋友早已食過數次；覺得好食也推介給我！每個小菜都好食；酸茶魚小辣+酸剛剛好！义燒半肥瘦食都耳仔郁！食到最後甜品都Very good 💯 疆沙奶+特別汁服務態度好好；雖然都多人客但不怠慢！但在射燈下用膳及近門口比較熱了一點！一定有下次！
繼續閱讀
每次去食野感到失望，我都會想去寫食評，已經好耐冇寫過，今日又觸發咗我去寫。因為肚餓，放工時候行到去戲曲中心，想去食餐飯，因為平時夜晚我未必食(斷食)。我諗起遊園有一味煎藕餅，肚餓嘅時候諗起，當堂流口水，一個人坐低，就叫左一碟(128蚊)有六件，另外再叫咗一碗白飯。落左單，轉個頭，即刻有一碟藕餅放喺我面前，咁快嘅，因為如果要煎，當然冇咁快，就算擺落油爐度炸，都要時間㗎。我發現，藕餅嘅表面喺深色，但係裡面夾住啲魚肉就只係僅僅熟，好似係臨急臨忙，急就章，魚肉冇煎透，口味冇咁好(係我有要求)。白飯一碗(15蚊)，唔熱，亦沒有飯香味(可能是我要求太高)。除左肚餓起上嚟我食左幾啖，跟住開始已經冇心機，淨係食咗面頭果塊蓮藕，同埋扒咗半碗白飯，便埋單走了(158蚊)。我明白而家嘅經營成本喺好貴，鋪租人工雜費，158蚊呢個價錢，放喺食材同埋心機上面嘅，都只係會佔好少部份，但係對於一個追求食物味道和性價比嘅人(我)來講，我覺得呢個體驗就係差咗D。香港人成日返去深圳食野，除咗因為價錢平過香港，食物材料嘅質素，服務態度，烹調技巧等，我付出同一個價錢，都會比較容易找到比香港好的(性價比高)。我放假都會返去食，但係平日開工冇辦法，只有留港消費(食飯)，今次呢餐係比較失望。
繼續閱讀
餐廳有室內及室外位置，係呢個唔多人流既戲曲中心，晚市都算好熱鬧，星期六晚市，都有7/8成滿座。 以前經過有見過可與毛孩享餐，但今次電話book時說已不可寵。 😮💨 真可惜，西九區係熱門放狗地方，但現時多間餐廳拒絕寵物， 🙏🏻 希望香港快d修例，改下餐廳與寵物進入事宜，令香港可有更多消費經濟啦🥺▪️脆皮燒腩仔 $128 ⭐️ 5/5▪️遊園素鵝 $72 ⭐️ 5/5▪️黃金炸魚皮 $78 ⭐️ 4/5▪️濃湯酸菜龍躉球 $338 ⭐️ 4/5.▪️台山手工黃鱔煲仔飯 $168⭐️ 4/5唔記得影相🤪.▪️薑汁撞奶 $42 ⭐️ 4/5▪️生磨腰果鮮奶露 $48 ⭐️ 5/5 總括嚟講，Menu好多款菜式都好吸引。今次叫既食物，每款都煮得出色😋好好味。難怪朋友們會多次回訪👍🏻 🅿️ 泊車優惠Mon - Fri $200以上 = 2小時免費Sat Sun PH $200以上 = 1小時免費🥴假日得1小時免泊，有d 孤寒，食飯快食點都要 90分鐘啦😂
繼續閱讀
今日食評✍🏻遊園@戲曲中心同呢間食肆結緣於Covid 期間嗰時的食物水準和服務態度都係『貴賓級』Covid後期嘅水準就每況越下我們都緣盡於Covid 後🥲今日超舊點我哋每次都會食嘅1️⃣芫茜🌿拉麵🍜芫茜係重點湯底都好味但啲墨丸牛丸就好靭咗啲得魚片比較彈牙2️⃣黑松露蛋白炒飯好味但超多味精食完全晚都好口渴3️⃣西蘭花最好味的一道菜竟然同我哋講晚市冇薯條🍟我哋就係為咗食薯條而嚟冇訂位的話要熱辣辣咁坐出面我哋真係第一次受到咁嘅對待不過大部分店員都nice鍾意小朋友對兩米都十分喜愛令我哋都冇咁難受連加一400有找晚市一啲都唔抵食無論大鋪小店我哋都會盡試盡講Follow我哋bw.foodie
繼續閱讀
您可能會有興趣的...