影片
西鐵尖東站P2出口 / 紅磡站 或 各途經尖東及紅隧之巴士路線
繼續閱讀
營業時間
星期一至六
11:00 - 22:00
以上資料只供參考, 請與餐廳確認詳情
招牌菜
朋友放假專登唻搵我食LUNCH,就算下呢間啦.坐得舒舒服服,野食都OK.我地都係叫左紅酒汁牛仔骨飯/意粉.個湯普通白湯,見佢細細杯都幾飽下.牛仔骨夠唸,但如果下次可以細心D CUT埋D肥膏就好啦(可能望落會大件D?)個汁都幾特別。總括來說幾好呀,可再試~
繼續閱讀
結婚週年紀念，老婆book咗枱食dinner，原來book果時已經講明要梳化位，但去到先話唔比我地，幾經辛苦同作先肯比張4人枱我地，但之後就好似要想等我地馬上走咁款，原來係因為有有負責人有朋友黎，要我地個位，係咁攞人留意住我地。食物方面，真係非常非常普通，只可以用一句不過不失黎講，首先一客牛排就唔算特別好食，唯獨係個黑松露意粉煮得比較香d但味道方面都係無咩特別。不過就算佢地煮得好食，咩都會o係賣單時令人覺得唔想再去呢間野，門口就話可以比咭，但當我地比咭時就話部機壞咗，當但當我地話唔夠現金時就好神奇地無問題。總結一句，呢間野話係九流服務都已經比面佢。
繼續閱讀
一開始，set dinner冇西冷扒，因為冇入貨接著，跟餐加個炸蠔，冇蜜糖雞翼來左，好似有d乾，想要沙律醬或茄汁點下，冇辣肉腸Pizza，唔知點解多左好多野，滋味一般Carbonara, 張相有隻蛋係中間，來到變左一堆菇，問下係咪來錯？佢話係新整法甜品得泡芙，冇得㨂，餐牌上的甜品相是假的最後埋單，門口明明寫住幾款信用卡標誌，點知原來係卡機壞左，要比cash唯一可取係侍應肯將四人梳化枱轉比我倆，雖然笑容不多，態度卻可嘉，應對尚要改善，就算有什麼新整法亦應先在點餐時同客人講聲不過功不抵過，set dinner都唔入貨，客人點菜時又唔講冇貨，去到諗好哂先話冇，極度不爽，要比個喊！
繼續閱讀
成日想搵個可以同閨密足膝詳談既地方但都硬係搵唔O岩~今日終於比我遇到..值得分享。咁O岩遇著友人O係尖沙咀返工，來到半島中心外的 Bubble Dream Café。同為愛貓者，探過忌廉哥，向半島中心過去，數分鐘就到~一入到去就比哥幾盞ball ball燈飾迷住，簡單卻時尚。坐位大多是沙化位，同朋友坐到唔想走，環境不是最大的重點，這裡的食物卻令我感到意外!蜜糖雞翼，外皮有輕輕煎炸過，但不是很油膩，外面再用上小小香草同蜜塘汁掛上雞翼。味道是有蜜糖香，同時帶有香草味；口感外脆內嫩，唔似平時出面D CAFE用埋哂D雪藏味雞翼=/芝士牛肉漢堡，如果同是芝士迷，一樣會戀上!濃濃ge芝士同牛肉互相配合， 每咬一口都有牛肉汁流出，仲有D新鮮生菜同蕃茄~推介成為每次必點的美食。意大利包~雖經烘焙，但不是硬生生的，表面是小小脆，內裡仍是鬆軟的。夾著的煙三文魚沒有很濃的煙燻味，不是那種一咬下去滿口帶有苦澀味的那種，是淡淡的煙燻味，很容易入口!熱朱古力~太甜了..不喜歡=(..但友人卻大愛...最後我就用我杯chocolate 換左佢杯cuppucino
繼續閱讀
尋日同朋友行街, 行行下落出雨又見攰攰地就就去搵食喇本身打算食壽司, 但間間都要等好耐, 等到唔想食..見依度等1張台ONLY. 又好似幾舒服咁就入左黎坐, 係我唔知叫咩好個陣, 老闆就過來介紹我試下黑色幽墨我都聽唔明佢講講咩@.@ 之後老闆笑笑口咁話墨魚麵, 哈哈! 個名改得真的夠幽默所以我就叫左佢個”幽墨” +個鮮蝦露旬扁意喇!落單個陣佢仲話: 係喇! 試下我地個新廚手勢喇! 好野黎架!先黎個扁意，一黎個陣有少少酒味，幾香之後好快就到我個”幽墨”喇。都ok喎, 食完個嘴都無黑蚊蚊, 煙煙un un 再加埋d 蟹子幾好食。我地又嗌小食又叫意粉再加多2杯野飲同甜品，仲避埋雨，埋單2個人每人都係百零蚊
繼續閱讀