影片
港鐵屯門站 E 出口, 步行約3分鐘
繼續閱讀
電話號碼
2440-6666
營業時間
星期一至日
06:00 - 01:30
以上資料只供參考, 請與餐廳確認詳情
招牌菜
食評 (49)
這間坤記在屯門都有一定的歷史，至少在十六年前，我在附近的學校返學都已經有她的存在了。之後在附近工作，基本上每星期都有幾天行過，行了十幾年，每次經過都見到裡面人頭湧湧的，無辦法，新墟只有坤記和連鎖店海皇提供粥品﹑腸粉。其實在幾個月前我在坤記買了一個炒米粉(外賣，叮熱後食)，賣$11，份量有一個飯盒量，所以還可以接受。今天早上很寒冷，想吃粥，見平時去開海皇食，今次就試試去坤記吧。小小的店子內放有十數張圓枱仔，八點幾鐘已經坐滿九成人，自行搭坐之後，便參看餐牌，原來沒有早餐，全部都要散點。油器$8，齋腸/炒米/炒麵$10，感覺上腸粉/小食類收費不貴，但當看到人家在吃的齋腸粉，只有扁扁的幾條，這一刻我開始感到不安。粥品價錢真是看到我O咀，除了白粥是$8外，其他有料粥是$16/$18/$22/$25/$27/$30/$33/$37...我想知道真的有人會用廿幾三十元食一碗粥嗎?想點餐時便叫"唔該"，阿姐在遠處以粗聲地叫說"食咩你講啦!"，我在說的時候，她才施施然行過來，原來要交單給我。我很喜歡吃白粥，今餐都不例外。白粥$8口感好綿，但吃不到任何米香，看到有個前食評寫到，粥內加入沾米粉就做到"綿"的效果，不知是否真的了。豆漿有熱有凍，細碗$8，大碗$10，我不知道細碗是多少﹖但阿姐自行幫我寫細碗。飲熱豆漿，正常情況是糖是自己加的，但坤記的熱豆漿原來預先加入了糖，而且加了好多，甜到飛起，唉~我平時最多只會飲少甜豆漿而已...當熱豆漿放在室溫，不久，豆漿面會凝成一層薄膜，平時在外飲熱豆漿都會有這個情況出現。不過坤記的豆漿是沒有出現此薄膜，明明豆漿的溫度是勁熱爆的，很奇怪呢。看到豉油王炒麵$10的賣相好似不錯，而且有椰菜及蔥條，將麵條送入口後，本人(內心)即時爆粗了，因為...全，碟，麵，都，全，凍﹗不是呀嘛，連少少溫暖都沒有，還說得過去嗎﹖廚房連基本將食物保溫都做不到嗎﹖外面只有十度，我正在吃零度的麵條，不是慘，是什麼﹖蒸蘿蔔糕$11，阿姐話即叫即翻熱，我心想都好，至少有熱食啦﹗份量只有一小磚，質感好實，夾了幾下，糕身是不會散開，我過往在外食蘿蔔糕是分不出什麼是"好粉"，終於，今天在坤記學懂了，連我都食得出是粉雷雷，而且一條蘿蔔絲都找不到，如果寫明是蒸糕還可以過關，另外，要注意的是，它亦不是臘味蘿蔔糕，一來餐名無寫明，二來在此件蘿蔔糕內我只找到一粒蝦米而已。看著食客不斷進入，也有很多人等外賣，實在是一間不愁沒有生意的店子，所以才能將食物的定價定得如此進取，因為點都會有人幫襯。有人會對連鎖店的出品產生抗拒，但個人習慣都會幫襯連鎖店，自己不是不想支持"小店"，但並不是所有小店都是"好野"(都有不少次在小店中伏架啦)，所以想正常食一餐我便會去連鎖店。就好似今餐一模一樣的食物，我覺得海皇出品比坤記的更好，而且又平少少。今餐我當跌錢，以後都不會再來。
繼續閱讀
成日都會參考openrice黎周圍搵食有時間就打下食評比大家參考參考啦第一篇食評就比坤記行完市中心想搵食諗起新墟間粥店就行落去搵食了先知原來叫坤記嗌左滑牛粥同埋炸兩滑牛粥既牛肉夠味又唔會太老,好味從來都唔鍾意食粥而家人大了,為左身體,都不得不多食點對身體好既野黎到新墟食到不錯既粥真係好炸兩就正常,唔係即整,都少少脆算係咁阿姐們都幾主動只係眼見有個客人嗌左幾次都冇人應而少少燥有時太忙,未能為食客服務,都可以諒解
繼續閱讀
食完好口渴，一定落左味精，啲粥落左好多沾米粉，啲人就話煲得綿，其實係無米粥。但附近無其他電粥鋪，其他都好貴，想食平粥得番呢間。 料份量都算合理，豆漿無豆味，得甜味。
繼續閱讀
菜乾蠔屎豬bone粥係無蠔屎，但要知道佢係碗粥既靈魂來架~失色之餘即係欺騙消費者~炸腸又凍又唔脆，但已經見佢係即整架喎~真係好唔明！仲有果啲樽裝既調味醬個樽好污糟好痴手，唉~咁得閒都唔抹下係度吹水~係無咩人幫親姐~都唔係咁做野架~
繼續閱讀
星期日的晚上, 去了坤記吃粥. 這間店子是我第一次幫趁, 可能因為我多數只會到屯門市廣場, 很少去新墟仁愛堂這邊. 我叫了一碗柴魚花生豬骨粥, 老婆則要一碗碎牛粥. 柴魚花生很多, 不過豬骨就好少, 而且真的是"骨", 沒有甚麼肉, 味道上都叫夠味, 又不太鹹, 可以啦! 碎牛粥牛肉很多, 雖然味道只是一般, 但絕不難食. 總結這兒的粥品價錢上我個人認為稍為貴了少許, 但份量上都算不俗, 味道就一般水準, 不太差.
繼續閱讀