影片
電話號碼
2465-1228
營業時間
星期一至六
06:30 - 21:00
星期日
07:00 - 21:30
公眾假期
07:00 - 21:30
以上資料只供參考, 請與餐廳確認詳情
招牌菜
隔左大半年無去大快活，再去晚餐既時候竟然俾到驚喜我今次主要食佢既「唔落味精系列」，點左兩個咕嚕肉（4.5/5），因為驚佢太細唔夠4人食。其實份量一個人食應該岩岩好，味道酸酸香香，好開胃，而且咕嚕肉無骨食得好方便，要黎送飯真係一流😋除左肉，仲有菠蘿洋蔥等配菜，幾足料！除左咕嚕肉仲叫左乾蔥豆豉雞（4/5），我嘛嘛地中意豆豉所以只食了一舊，但家人都話好惹味，又係可以要黎送飯。另外佢個飯都幾大碗，我都食唔哂。下圖左上角就係豆豉雞，右上係咖哩牛腩飯（3/5），唔算辣，不過不失啦！值得一提既係大快活既晚餐唔需要自己到水吧取，付款後店員會給一個圓形既機器，放係枱上貼紙既地方，就會有專人送餐過黎，好好服務haha 我會再去的！
繼續閱讀
久不久過來良景，由於今天時間緊迫，吃個快餐午飯好了。以往這家大快活環境比較糟，座位又迫，但近年似乎有裝修過，環境舒適了不少。友人點了新出的野菌菇意粉，我的午餐就是焗豬扒飯。炒底依舊，朱扒好大塊，肉質夠淋，配上菠蘿和茄汁實在吸引！貪心的我邊吃邊想，假如再配上芝士就完美了！
繼續閱讀
相約幾位舊同事午餐一聚, 屯門食lunch處處等位.我點了蘑菇南瓜意大利粉/加羅宋湯.羅宋湯份量頗多, 味道跟一般茶餐廳相同, 用了大量椰菜, 但蕃茄味就有點假.蘑菇南瓜意大利粉 sell 素食保證, 南瓜有約 5 大片, 片片足料, 亦煮的好淋.蘑菇汁很濃很 creamy, 但又一點不膩, 超讚!意粉份量超大, 大得我吃不下要帶走部份.意粉煮得剛好, 不太淋不太硬, 快餐做到這般很難得.
繼續閱讀
去完新裝修好既良景大快活~ 好驚喜~ 叫左麻辣火鍋，另加1公升可樂、4 oz 豚肉、4 oz 肥牛、豆腐~ 2人用~前幾日都試完其他快餐店~ 有比較~ 所以覺得大快活勁得!!!環境: 附近太多食肆, 可能大快活唔係大家first choice….所以8點去到都大把位~~~職員: 感覺幾親切, 有笑容, 唔會一食完即收趕你走o個隻~醬料: ~ 拎火鍋食物旁有5-6款醬料任拎!! 雖然比起酒樓既少d, 但作為快餐店算係咁!!! 仲有膠兜仔俾你裝，夠衛生 (雖然唔多環保...)，而且兜仔size 夠你放哂整塊牛肉~相比其他快餐店~ 只有豉油同麻醬咋~ ~ 如果可以改善--- 唔該可唔可俾番辣椒粒??? 個人愛辣, 但在火鍋豉油加辣椒油好奇怪 X.X……重點--- 食物:無論豚肉同肥牛都掂!!! 如果大家去過其他快餐店，都會好有同感: 食物賣相永遠你食既都同廣告有好大距離~ 但今次相似度有90%~~~ 豚肉真係一片片分開哂, 肥牛更加係一卷卷整好哂tim~ 而且兩者個盤都好乾淨冇血水ga…. 其他快餐店o個d 基本上係 “成堆上”--- d 肉貼住哂點都夾唔開 or 未溶哂仲黏住…..結果都係要全部放入火鍋 “一獲熟”--- 完全唔叫 “拾下拾下” lor……..至於新推出既麻辣湯底，初初食唔錯，夠香夠辣!!! 但隨著不停加上湯，濃度淡左…..如果加湯時可以加番d 辣就好lu後話: 其實試過唔同地區，都覺得如果附近都其他快餐店既，大快活都比較少人….但其實佢既食物真係唔差，佢加價次數同幅度都少過人啦~ 所以如果大家下次想食既支持下佢地啦~
繼續閱讀
阿活黑豚扒飯,真的超棒!好吃呀!我下班後就去外賣拿回家吃,剛好最近看到報章廣告見到大快活有新的東西所以就專成去嘗一下想不到累豚扒味道剛剛好!不會太濃!而且是即點即炸,很香脆呀!有咖喱汁同蘑菇牛肉汁2款選擇我選了蘑菇牛肉汁,因為咖哩汁都已經嘗過很多次啦!有新東西當然要點新的東西嘗啦!蘑菇牛肉汁的味道都是剛剛好!再配上黑豚扒和珍珠米一起吃,就真是不用我再講啦!一級棒耶!如果10分是滿分,我給10分呀!
繼續閱讀