影片
營業時間
星期一至日
08:00 - 22:00
以上資料只供參考, 請與餐廳確認詳情
晚上唔想吃太飽所以去了這店吃車仔麵我叫了一個3餸麵首先我選了粗麵作為麵底然後配料分別是普通魚蛋，牛肚和雞翼飲品是豆漿質量方面粗麵味道普通5-6粒普通魚蛋不算大粒由於我平時較少食牛肚這5-6塊牛肚沒有令我留下深刻印象雞翼是滷水的質素不算高豆漿需自行斟的店舖表示提供熱豆漿但是我用店舖提供的杯斟豆漿時手卻不感到溫暖未入口已知是凍豆漿更重要的是現在是冬天晚上更適宜飲凍飲而非熱飲價錢方面粗麵$9有點貴普通魚蛋$7和牛肚$8都唔錯雞翼$8挺貴凍豆漿是免費送的車仔麵合共$32後來我才發現加底只是$3如果我可以重新選擇我寧願少一個餸加一個麵這樣更化算雖然有不少住屯門既人跟我說這間車仔麵挺好但是我認為質素一般不少車仔麵店比這店些
繼續閱讀
昨晚去安定食日本菜.食完還有一點未夠喉...就去了威威買左碗外賣.....叫左三個餸.....豬紅.豬腸.牛肚.米粉底..........30元......講真30元真係唔貴架,不過番到屋企食的時候發現我的米粉經不是米粉....是米碎要用匙羹不黎食...豬紅又右冇味....豬腸食落去有一陣怪怪地的味道...唔知係洗唔乾淨定鹼水味......牛肚叫做最好架啦....起碼有味先Y同埋唔會一陣味.......冇乜要求的朋友一去都冇防...但如果一心係想食好食的車仔麵就.........
繼續閱讀
威威真係由細食到大, 學生時期, 由佢喺無冷氣嘅大排檔開始, 到出嚟返工都有幫襯, 直至結婚搬屋就無嚟了! 今日路經此地, 就幫襯一下久違的車仔麵店. 比起對上一次嚟裝修過光猛咗, 而家加$5.00仲可配冷熱飲品添.叫咗兒時最愛嘅豬腸,魚肉, 菜, 米粉 $28.00 加杯凍檸茶少甜 +$5.00豬腸夠林又入味, 魚肉爽口, 出面食過無數間, 始終都係威威好食.凍檸茶少甜 真係少甜 好啱我口味 (總好過以前只得死甜嘅豆漿揀)$33.00 有麵有嘢飲, 超滿足!
繼續閱讀
雖然學校同呢間威威好近 亦食過不下幾次不過都唔係自願去 如果唔係個價咁cheap都唔會去以前以價錢黎講對學生真係算超級抵!不過呢家佢地根本就亂咁收錢~佢地鐘意講幾多錢就幾多錢~一時收到好貴一時又收到好平~分明呃錢!同埋環境衛生超級差~又dirty~之前仲見過佢地找錢個時跌左落d食物度~直沉落底但係繼續賣比人~唔撈番上黎~好嘔心~一世都唔會再食!!未食過既用枝搶枝住你都唔好食食左5年 愈黎愈差 黎到呢家係超級差!!不值一試!
繼續閱讀
由於住得近,由細到大都幾經常去.不過越大越少lu~野食方面其實都唔少款揀既,雞翼,豬腸同牛肚都唔錯,羅白有時幾好但就要撞手神喇,有時好甜有時又有渣咁,但魚肉就好粉,真係好似一舊粉~同埋買完佢會好主動落一殼腩汁,呢樣幾好~環境就真係麻麻喇...地下污糟個d都話隻眼開隻眼閉啦,始終屋村車仔麵咁高要求做乜.但見過個阿姐拎住塊千年布抹檯同執人地食完個d碗,轉個頭走去包菜肉餃...有人食完野走就重覆呢個動作...所以有一次碗麵突然多左粒菜肉餃我都唔敢食...仲有一次同阿妹去食,佢食左碗仔翅(PS:唔好味架)飲左1,2啖唔對路,好重漂白水味,於是拎返去換,原來係之前一疊碗用漂白水"la"過,疊高時積住左冇倒乾淨.....好唔好就睇你點睇喇~講真都多人食架,有時仲見到有人等位添,始終味道唔算太差.同埋屋村仔,唔通同酒店一樣咁高要求咩~不過順帶一提...食10次有7次之後都會"去得好暢快",唔知係撞彩定咩=_="
繼續閱讀