影片
營業時間
今日營業
12:00 - 21:00
星期一至五
12:00 - 21:00
星期六至日
07:30 - 22:00
公眾假期
07:30 - 22:00
*星期一至五（平日）：半自助餐
12：00 - 14：30；
18：00 - 21：00
星期六、日及公眾假期：全自助餐
12：00 - 14：30；
18：00 - 21：00
以上資料只供參考, 請與餐廳確認詳情
有關獎賞計劃
屯門西鐵站附近開有一間「Hotel Cozi」酒店，之前筆者曾和家人到訪他們2樓餐廳「The Platter」品嚐自助晚餐。最近得知他們的自助午餐轉了日韓主題，於是又過來試試。「The Platter」以火車為餐廳主題，把座位營造到像坐在火車包廂內，幾特別。和風主題當然離不開剌身，當天供應了三文魚、吞拿魚、魷魚等5款，質素都幾新鮮。另外也有冷麵、漬物（味附螺肉、中華沙律）這些日式食物。冷盤方面還有凍海鮮，有蝦、翡翠螺、麵包蟹和青口4款，其中以麵包蟹最好食，encore了2次。而沙律、芝士、凍肉這類自助餐常見款式，「The Platter」同樣都有供應。日式的，有串燒、清酒煮蜆、鰻魚炒飯和牛肉湯烏冬。湯烏冬是即場煮的，烏冬口感幾煙韌，同行朋友喜歡到連吃了2碗！而韓風的食物則有春川辣雞、泡菜煎餅、蔘雞湯。煎餅入口充滿泡菜的酸辣，幾惹味。除了主題的日韓美食，也有豬肋骨、炒菜、牛肉等其他熱葷。甜品選擇都相當豐富，蛋糕有4-5款，雪糕也有3個牌子提供。而且也有窩夫，以及深受小朋友歡迎的朱古力噴泉。
繼續閱讀
用餐日期：2024/03/05可用餐時段：半自助午餐 用餐費用(每人）：113.8餐廳環境：環境整潔乾淨 冷氣足 檯與檯之間闊落 坐得舒服 服務：服務員服務有禮貌態度好 收碟及時 食物及時refill自助區：有沙律+冷麵+麵包+湯品+芝士+甜品+水果+雪糕+飲品1-沙律菜麵包湯品芝士味道不錯但選擇變化不大 雪糕還是本地牌子味道一般不推薦 希望店方改善2-冷麵：這冷蕎麥麵做得過稔味道不好 不推薦 希望店方改善3-甜品：這次甜品改進的地方是朱古力噴泉多了2款水果配料 但這次沒有了紅豆糯米糍 換了一款炸面包+朱古力糕 甜品選擇比以往少 希望店方改善 4-水果：有2款 這次還是沒去皮 希望店方改善 5-飲品：這次即磨咖啡機有Coffee/White Coffee/Espresso/Cappuccino選擇 是店方改善的地方 試了White Coffee 味道不錯 如奶泡再多些厚些更好 推薦 如咖啡機可增加Latte選項更好 主食：選了烤紐西蘭肉眼牛扒配法式芥末肉汁+ 經典英式啤酒炸魚及薯條配他他汁1-烤紐西蘭肉眼牛扒配法式芥末肉汁：份量足 這次牛扒夠大塊也不肥 有牛味 牛肉外香口內嫩滑 配菜也煮得剛好不過稔 推薦 如牛扒切得厚些更好 2-經典英式啤酒炸魚及薯條配他他汁：份量足 炸魚炸得夠脆 炸粉醬料調味不錯也不咸 炸粉有點厚 炸魚整體味道好 推薦 但薯條不夠外脆 如炸粉可薄些 薯條是英式粗薯條外脆內軟的會更好 總結：這家環境舒適 自助沙律吧沙律麵包湯品芝士質素不錯 現在eaxxgo上有半價優惠後半自助連主菜價錢吸引 希望店方會改善炸魚的薯條質素 和可增加羊肉/三文魚主食選擇 整體是值得推薦的半自助午餐餐廳服務加分之處：這家是定期會幫襯的半自助午餐餐廳 之前2024/02/20幫襯時結帳差了$10 發現後因已離開了餐廳 店家同意$10差額先記帳等再幫襯時再扣減 這次來幫襯店家爽快幫忙減回$10差額 是服務加分之處餐牌資訊：
繼續閱讀
嚟到2024嘅新年，見今次「悅品度假酒店」最近推出咗性價比極高嘅「喜迎新春住宿計劃」，最平住宿＋自助午餐＋自助早餐都只係$1388up! 特別係「新春海鮮自助午餐」令我開啟咗海鮮盛宴🦀。.熱盤區：燒美國安格斯肉眼，黃金蝦蟹棗，泰式紅咖喱鴨，菜膽雞，燒龍脷魚柳半蕃茄汁，紅酒燴澳洲和牛尾，即煮烏冬拉麵。.評價：特別推薦燒美國安格斯肉眼，每口肉質都係十分鮮嫩，入口即化，絕對是滿滿幸福感！另一最愛既係黃金蝦蟹棗，條條炸蝦都披上滿滿嘅咸蛋黃醬汁，十分惹味，仲有粒粒炸蝦棗，入口彈牙，外脆內嫩，完美搭配；泰式紅咖喱鴨，濃郁嘅咖喱味同鮮嫩嘅鴨肉相得益彰；另外仲有即煮麵檔，可揀烏冬或拉麵，搭配濃郁湯汁，叉燒，滷水蛋，紫菜等，回味無窮。,海鮮區：各式刺身，壽司，白蝦，青口，鮮蜆，麵包蟹，翡翠螺。.評價：刺身新鮮，清爽爽口，尤其係八爪魚，吞拿魚，三文魚，超級鮮美！新鮮刺身嘅鮮甜喺口中綻放，簡直停唔到口！另外，白蝦都好值得一試，入口彈牙，沾上雞尾酒汁，酸酸甜甜，極之鮮甜美開胃.炸物區：炸咖喱角，薯條，多款天婦羅.評價：炸得酥脆，尤其係炸咖喱角，童年嘅回憶，外酥內嫩，好邪惡！.冷盤/沙律/甜品/雪糕區：.超過10款沙律，藍莓cheese cake，迷你蛋糕，朱古力噴泉，即製迷你窩夫，水果，布里芝士，藍芝士，車打芝士，煙鴨肉，沙律.去到最後要滿足埋個甜品胃，雪糕款式豐富，口味多樣，主打Haagen Diaz，Cocoberry，尤其推薦Movenpick，每一口都係幸福滋味！可以搭配埋即製窩夫，Perfect。
繼續閱讀
結婚三週年，緊係要慶祝返成個星期啦！今次就去酒店食自助午餐，食飽飽之後再去睇畫展。呢間自助午餐想去好耐，因為聽聞悅品酒店嘅buffet 係抵食又好味，好多住屯門嘅朋友仔都推介我地嚟試～一入酒店，就嘩左聲，因為呢到嘅裝潢好靚好modern, 好岩我地呢啲年青嘅couple 嚟，而且仲非常光猛乾淨，感覺好舒服！而且自助午餐仲有非常多食物選擇，無論凍盤，海鮮🦞，熱盤，甜品，沙律都有好多款，而且每一款食物味道都非常唔錯，每一樣食物都食到心機！酒店午餐buffet連加一只係338，仲要包飲品🍸，真係非常抵食！而餐廳同酒店大堂嘅裝潢用左企鵝仔加雪國列車，打卡一流！凍盤有凍蝦、藍青口、面包蟹、翡翠螺、赤貝刺身、八爪魚刺身、鯛魚刺身、吞拿魚刺身、三文魚刺身、熟蝦sushi、三文魚sushi、玉子蛋sushi等等每一款都好新鮮，面包蟹嘅膏仲好柔軟，好有鮮甜！藍青口係好嫩滑，食落仲有啖啖海水味，超鮮甜。翡翠螺唔會韌，係超新鮮軟嫩，非常好食！其他刺身都不過不失，每一樣都好新鮮，我地仲encore 左幾次tim!熱盤貴妃雞貴妃雞大大隻，唔肥，煮到岩岩熟，非常嫩滑，我地仲拎到脾位，真係食到舔舔脷。南乳豬手豬手炆到超腍超入味，基本上係唔使用口咬，入口即溶化！好食到忍唔住食左幾件！泰式炒蜆蜆肉好新鮮飽滿，泰式醬料好惹味，一口一粒，真係唔知食左幾多粒！泰式熏魚熏魚超滑，火喉控制得好好，而且超級入味，又係encore之作！甜品有窩夫、朱古力噴泉、朱古力小蛋糕、芝士餅、抹茶卷蛋、桂花糕、啫喱糖等等。仲有任食Häagen-Dazs, Movenpick 同CocoBerry 雪糕，每款都有3-4種口味，我地仲拎左Movenpick 加去窩夫tim! 真係好滿足呀！📍 The Platter (悦品度假酒店‧屯門) (屯門)屯門建豐街4號悦品度假酒店‧屯門2樓
繼續閱讀
搬左黎屯門3年 我地都無食過悅品酒店嘅buffet所以上星期就去試吓☺️我地本身唔太大食 半自助晚餐就岩哂我地樣樣都可以試少少😍我地今次嘅主題係南歐風味火腿本菜可以揀2款 我地揀左海鹽烤安格斯肉眼配紅酒汁同埋香煎海鱸魚配檸檬忌廉汁🐟安格斯肉眼我地叫左7成熟師傅火候控制得啱啱好 唔會煎得過老肉質鮮嫩 好重牛味👍🏻而海鱸魚🐟好嫩滑 無骨啖啖肉配埋檸檬忌廉汁好開胃 小朋友都食左半塊😝其他野食就任食嘅 包括左湯、海鮮、沙律涼盤、麵包、串燒、甜品、雪糕等等主題嘅南歐風味火腿當然唔少得Parma Ham伴密瓜咸香味濃 連埋清甜密瓜一齊食好夾😙另外仲有多款火腿肉片提供 全部都幾好食👍🏻而海鮮就有蝦🦐、青口、蜆同海螺 都好新鮮串燒有燒茄子🍆、翠玉瓜、香腸等等 仲有小朋友最愛嘅炸薯條🍟湯都有2款 一款係中湯 另一款係南瓜湯🎃我地試左南瓜湯 勁幼滑 好好飲😉甜品款式都好多 有雪耳糖水、啫喱糖、杞子糕、朱古力噴泉、朱古力泡芙、紫薯杯等等每樣都細細件 可以試多幾款😝屯門悦品度假酒店距離港鐵屯門站只係3分鐘步程 好方便🙂食飽飽之後 仲可以係餐廳出面打下卡有好多好可愛嘅小企鵝🐧同埋附近仲有vcity行街😉
繼續閱讀