影片
電話號碼
83008308
營業時間
星期一至六
11:00 - 21:00
星期日
10:00 - 21:00
以上資料只供參考, 請與餐廳確認詳情
食家推介
今日有外國朋友黎香港玩，等梗係盡地主之誼帶佢地去山頂欣賞風景，睇完風景去商場行下街既時候，難得地見到泰昌，當然要比朋友嚐試下香港特色小食。 泰昌既蛋撻相信所有香港人都認識，因為連彭定康港督都食過讚好！佢地蛋撻有酥皮同曲奇餅皮選擇，我自己就揀左曲奇皮，真係好好食！蛋撻熱辣辣，餅皮牛油味非常香濃！而蛋撻充滿蛋香，中間蛋汁香滑juicy,又漲卜卜，外國朋友都話好好食！
繼續閱讀
其實山頂地方靚就食咩都咁好味，食個景都夠曬啦。好可惜係山頂遊客太多，變左好多時都搵唔到地方坐低食野，我試過等翠華等左9個字都未有枱+__+ 。上星期日我又同一家人帶埋狗狗去山頂行山山啦，行完又未夠鐘食飯又餓餓地，周圍餐廳都坐滿曬人，咁就唯有喺山頂廣場行下兜下…咦，發現左間餅店可以配飲品外帶飲品同糕餅﹝好似外賣套餐咁﹞，咁就不如試下啦！普通蛋撻6蚊，芝士蛋撻7蚊。我見好似幾得意就試下。事實上芝士真係有勁多種，有啲就好咸好重味；有啲就好硬好企身；有啲好香但食落淡口…蛋撻本身肯定係甜，所以要簡一隻適合既芝士都唔容易。熱辣辣既蒸氣上升，伴隋住陣陣蛋香，舌頭最先接觸的必定係蛋撻皮。呢個蛋撻唔係酥皮，但又唔可以叫得曬係牛油皮/曲奇皮，因為佢唔似牛油皮/曲奇皮咁重牛油味同用既麵粉應該唔同一般麵粉。外皮可以清楚見到一粒一粒深咖啡色谷麥既物體，食落唔會好甜，個皮脆身同乾乾地身好有咬口。相信有谷麥的蛋撻皮應該比較健康，就算配合芝士都唔會俾人一種”is too much”的感覺。泰昌用的芝士香得黎唔會好咸，芝士溶左之後拉到出黎但又未至於咬唔斷。先食到皮的鬆脆、到芝士的濃香再到蛋的甜滑，成件事好有層次。到個主角蛋啦，夠曬熱之外仲滑到冇朋友。鮮豔的黃色好吸引我去一食再食！
繼續閱讀
蛋撻，已經系香港數一數二既地道小食 雖然系英國流傳落流既小食 但香港就系將蛋撻發陽光大既地方。闊別山頂n年 今日終於再泥 多謝男朋友個朋友系山頂纜車站度工作 送左2張免費車票比我地。我地系山頂商場度閒逛 甘岩見到個好大既蛋撻擺左系度任人影相 原本系泰昌餅店既宣傳品 甘我地就好好奇奇甘去左買個蛋撻食喇。口味好多 有原味、芝士、藍莓等等 各式各樣 仲有分so皮同餅皮 我就偏愛so皮 男朋友就中意餅皮多d。我地望住廚窗入面既蛋撻同價錢表 諗緊買邊個好 亦都因為價錢表比較混亂 又無全名又無分開逐個逐個寫 我地就問阿姨喇 但系阿姨既態度好差 一開始系敷衍答問題 顯得好吾耐煩 之後又吾想理我地 淨系收完錢掟袋蛋撻比我地。究竟我地做錯咩呢？呢個芝士蛋撻系餅皮 芝士味一般般 餅皮亦吾系做等特別好食 但系比起三流麵包店既蛋撻系好好多 但其實有d出都既連鎖餅店eg美心、凱施既蛋撻都吾好食 反而有d細細地既餅店仲好食 新華茶餐廳出名既方形蛋撻大大個又厚實又好食都只系$5 而呢個就要$7 我就覺得貴左少少 比得$7食芝士蛋撻我會揀pie&tart先！
繼續閱讀
最近，聽到天文台預告天氣，下週會開始轉涼！趁著這星期天氣尚未轉涼，我還是走上太平山兜個圈，沿途影下風景照！順便食些東西醫肚。 由於工作關係，星期六沒有食午餐，下午 3:00 才收工； 由上環到山頂，足足花上兩小時！ 昨日天氣好，能見度又高！ 上到山頂，已是近黃昏！還是先行山，欣賞迷人景色，遲些食東西吧！好了！看過風景又影夠相片後，是時候找地方進食！印象中，山頂廣場的食肆比凌霄角平宜！即管走上去看一看！走到2樓，見到有間 <泰昌餅家>！記得既出名又是招牌的蛋撻！一定要買來食呀！除了主打蛋撻之外，還有各式的中式餅食及麵包...等！看勻全間店子，發現有瑞士卷試食！正呀！瑞士卷 (試食)這裡有一盤瑞士卷給客人試食！整齊地放上瑞士卷並切好！方便試食！甜度剛好！鬆軟綿綿！少量的忌廉更增添滋潤感！ 小吃多滋味，食一小件已足夠！令我更驚喜的是原來店外有個露天茶座！真是妙極了！不用邊行邊食嘞！ 見到那醉人的夕陽美景，自然令我想到張學友的夕陽醉了及 Eason 的夕陽無限好！環境滿分！就算食十幾$蛋撻都抵番哂！不過，衛生方面，認真麻麻地！ 要依賴食客自行保持地方清潔！可是，滿桌蛋撻碎及膠袋，真是大殺風景！至於蛋撻，除了傳統的牛油皮原味之外，還有創新的芝士味及藍苺味！一於嚐試新口味！ 芝士味蛋撻 $7先試試這個芝士口味吧！鹹甜交集的配搭幾有新鮮感！我以為會有芝士餡，只有表面薄薄一層的焦面芝士！難免有點失望！ 可能是先入為主的關係，總是被那股芝士香吸引住了！蛋漿甜度適中，撻皮很香脆鬆化！藍莓味蛋撻 $7以一點藍莓果醬點綴，賣相還可以！心想！不會只有表面這一點吧！咬開之後可見內裡的藍苺果醬甚豐！好像流心狀態！ 酸味的果醬味與蛋撻的香甜幾匹配！比前者更有層次感！兩者牛油味重！就算我洗手後，仍徘徊牛油香！
繼續閱讀