影片
港鐵旺角站 E2 出口, 步行約6分鐘
繼續閱讀
營業時間
星期一至日
13:30 - 23:00
公眾假期
13:30 - 23:00
公眾假期前夕
13:30 - 23:00
以上資料只供參考, 請與餐廳確認詳情
香港人一年四季都咁中意烚下烚下🍲，已經無野可以阻到香港人對爭取打邊爐（同民主）既決心😼！加上早排係咁落雨，涼涼地，梗係即刻去打返個蒸氣火鍋啦！一鍋瘋地點就喺朗豪坊附近，約人好方便🤙🏻。．一入到去一眼睇哂，四張大卡位，每張有六個爐頭（亦可以分開做四人卡位同兩人座）。每張卡位都好闊落，唔使驚同朋友膊頭掂膊頭🤘🏻。-店員好細心咁講解一次點菜方式同是日海鮮，因為佢地只會挑選新鮮既海鮮🤩，所以海鮮款式未必日日一樣。$188一個人包十款海鮮，其他火鍋配料$12碟，先食海鮮同配料，最後食粥🤪。．首先揀左標榜無味精、無色素既粥底先，粥底有五款，有粟米、菠菜、紫薯、椰子同甘荀。我地揀左粟米同菠菜，一開始個粥底係好淡味，好似粟米水同菠菜水咁，不過係正常既😙，因為就係要食海鮮既鮮味，太濃味會蓋過哂啲海鮮，到最後煮成粥既時候，個粥底先見真章，好鮮甜🥳。不過食開濃味既都有豉油、蒜蓉同蔥比你調味。．海鮮拼盤一送上黎真係好震撼🤩！店員仲會比埋個計時器你，枱側邊會教你烚每種海鮮既建議時間，唔怕淥到老哂！今日既十款海鮮有鮑魚、肉蟹、生蠔、海蝦、貴妃蚌、青口、白蜆、北極貝、黃刀貝同蕃蜆。整體上都好新鮮🥳，但有幾樣係特別正既要讚下：1. 蜆類：無論白蜆、黃刀貝定蕃蜆都大大粒又無沙，仲要食到啲海水味🌊，超鮮甜🥰。2. 海蝦：手掌咁長，肉質爽甜🦐3. 鮑魚：厚肉得黎又唔韌👏🏻4. 肉蟹：其實佢係粥底精華既主要來源🦀，真係好鮮，啖啖肉！．除左海鮮之外，仲嗌左啲肥牛、響鈴、魚肉餃、雲吞同娃娃菜呢啲火鍋配料一齊烚下烚下🤣。必推響鈴同娃娃菜，吸哂海鮮精華，好好食！其他就不過不失啦！．食哂就加稀飯、南瓜同芋頭落去煮，煮到淋哂就食得架啦😇！粥底極鮮甜，完全食到濃濃既鮮味！粟米海鮮粥鮮得黎會有啲甜味👄，而菠菜湯底就會海鮮味出啲🌊，如果想再惹味啲可以加菜圃同芫茜！．（見到好多食評話個粥煮完都好淡味，同稀水一樣，乜唔識煮陣先架咩？🤣 覺得稀咪煮返杰佢囉🤣🤣 好好彩我食開杰粥，所以唔會一倒稀飯就即刻撈埋黎食！如果想好味啲就記得倒完稀飯之後都要煮多陣呀！）．食埋碗粥真係要捧住個肚走，不過好滿足呀haha🥰！
繼續閱讀
聽朋友講依間啲海鮮火鍋幾抵又幾好食🤤所以特登去左試好西啲海鮮一上到黎真係嘩左聲 兩個人都有咁多😱有鮑魚 貴妃蚌 蜆 大蝦 膏蟹等等😍一位價180幾蚊🙈普遍上啲海鮮都叫新鮮🤔除左隻蝦有少少腥但性價比真係唔錯 食完都已經幾飽🙈唔夠飽既朋友可以再加火鍋料或者佢地可以比你最後加粥啲粥索哂啲海鮮精華好鮮甜🤤
繼續閱讀
聽講粟米椰子湯穩陣，叫咗，湯到，試湯，冇味，唔明點解其他人會讚，入座一定要你食售價188嘅海鮮套餐，冇得散叫，海鮮以外每份收錢嘅配料冇講明單點份量，即係你叫3份食物，佢比1份你都冇得同佢拗。海鮮，質素參差，有d新鮮有d有沙有d唔鮮。其他配料，例如魚蛋都係外購，差極有個譜。環境，冇人服務，仲要加一，員工顧住自己人開party，中間有一兩個著便服嘅小姐過嚟serve 你，唔知點解…個電爐完全冇力，大火開好耐都唔滾。食完之後睇返comment 先知有蒜蓉辣椒蔥，但冇人比過我哋，全程齋豉油加冇味湯底打邊爐。食完碗碟骨碟冇人收，放海鮮木桶漏哂水都冇人理。舖頭出名粥底火鍋但完全唔係想像嗰回事，只係最後比d白粥你用嚟撈你用剩嗰d湯。第一次好想快d食完走。
繼續閱讀
係去光顧依間店當日，買左個二九折Coupon，不過去到先發現即日買係唔認可既！之前食過😢不過都照食！我係星期五晚8:30去，見到座位Full哂既，但無人排隊。食物方面，因為以前去過某間粥底火煱食，對比之下，呢間湯底實係好淡！好淡！打足兩個鐘，可惜最後加了米糊後，煲出既粥真係太稀，兼無乜海鮮味道。。之前去個間係好濃既南瓜+海鮮味。。
繼續閱讀
旺角～感覺是年輕人的地盤、今日陪大少嚟朝聖買東西、行到攰一於係附近搵間餐廳醫吓個肚、用 “某 “” App 嘅 Early Bird 火鍋有半價、順便可以休息下。小店主打海鮮火鍋（一人一鍋）、3 個人叫佐3 份不同嘅湯底試試～ 粟米～ 菠菜～ 椰子普普通通、可以10 道鮮味海鮮包括 ；1）日本白蜆2）越南蕃蜆3）紐西蘭黃刀貝4）本地鮮魚片5）韓國北極貝6）大蓮貴妃蚌7）陽江生蠔8）大蓮鮑魚9）泰國海中蝦10）菲律賓肉蟹每種海鮮都非常新鮮、尤其是海中蝦同肉蟹、上枱後重係扎扎跳。要挑剔的話、本地鮮魚片用普通淡水鯇魚片、而且切得太薄、係個鍋內刷一刷就散哂。貝類品種太多、感覺重複、食完覺得有點膩。追加食物～象拔蚌仔 、對、又係貝類。。。～ 美國三角牛肩（例）、一睇就覺得係長年雪藏肉、不過賣 $68 有半磅、真係無得投訴、食唔食自己決定啦。。。～ 雞腿肉～白漁蛋～ 娃娃菜～珍珠荀可以、都係大路貸～ 豬潤有驚喜、願意花長時間清洗乾淨無異味、肉質爽滑、不過都係建議少吃、內臟一片起兩片止。最後可以免費加米飯將鍋底變成海鮮粥、不過已經好飽了。綜合係一個給年輕人祭肚嘅好地方。
繼續閱讀