影片
附加資料
謝絕於本餐廳享用非兩草食品和飲品。
營業時間
今日營業
12:00 - 16:00
17:00 - 21:00
星期一至日
12:00 - 16:00
17:00 - 21:00
以上資料只供參考, 請與餐廳確認詳情
成間店都好大陣懷舊味佢哋嘅枱仲要係木紋摺檯真係好有回憶不過呢度都唔淨止有港式嘢食仲有馬來西亞菜的滑蛋叉燒三文治 - $25本身諗緊叫滑蛋叉燒飯定脆邊蛋飯好一見到呢個三文治即刻做到決擇因為叫晒兩個飯一定食唔晒但三文治就可以試到個叉燒蛋之餘又一定食得晒呢份三文治都幾足料滑蛋生熟程度啱啱好夠滑之餘又唔會生到一拎上手食就跌岀嚟叉燒份量好多係略嫌有少少碎不過唔知係咪特登架呢？蛋炒豬腸粉 - $27油膩感爆登但腸粉係好滑嘅加埋雞蛋炒都幾夾加少少豉油已好好味香煎脆邊蛋肉餅飯 - $42十分欣賞個脆邊蛋因為真係好脆蛋黃夠晒大粒同流心以為會係蒸肉餅點知原來係用煎炸方式嚟整都幾香口飯底撈咗豬油同豉油所以成個飯都變得好好味朋友鍾意食蔥仲要叫埋多蔥雖然我唔太食咁生嘅蔥但咁嘅配搭又幾OK小籠包胡椒湯 - $40胡椒湯都係岀色有好重嘅胡椒味小籠包咬開好多湯汁肉味都幾濃郁而且夾得起個皮唔會一夾就爛但都唔會覺得好硬或者好厚胡椒肉骨茶 - $38入面嗰幾嚿肉都幾鞋口飲落係好重嘅胡椒味天氣凍飲完個身係真係暖咗嘅不過同朋友一致都係鍾意藥材味重啲嘅肉骨茶多啲淨香茅雞扒 - $22本身唔諗住叫呢個不過見到隔離枱叫咗個雞扒飯勁香呀！所以叫咗個淨雞扒雖然唔係即刻食但都仲係Keep到超級Juicy而且好嫩滑塊皮仲煎到好脆邪惡但都要食油菜 - $15正常發揮羅漢果水 - $22唔好睇佢黑媽媽咁其實都幾甘香仲有少少甜甜哋咁可以中和返頭先食咗咁多油膩嘅嘢而且感覺都幾下火
繼續閱讀
懷舊味十足的新概念茶餐廳形式
我住喺旺角，不過呢條街真係好少行
睇佢開嚟旺角專門去搵
12點剛剛開舖
不過12點已經有好多遊客排隊所以夜晚再早少少來排小籠包胡椒湯 - $40
皮唔硬亦唔厚，岩岩好啱
唔會一夾就爛
有好濃嘅胡椒味
小籠包咬開好多湯汁
肉味好濃郁胡椒肉骨茶 - $38
我同女兒都係湯泡飯愛好者
女兒可以食小辣
可以承受呢個辣度
心想如何係天氣凍嘅時候食一碗真係超正啊
因為唔係嗰種藥材味好重嘅肉骨茶
所以女兒好鐘意咖央多士 $25
包烘得香脆，有少少乾身。我女鍾意，我覺得就ok啦～
菜心正常發揮嘢飲👌下次要試試招牌滑蛋飯叉燒或者滑蛋叉燒三文治
繼續閱讀
好耐冇黎食，同阿妹今日黎食，心心念念個肉餅飯，12點正排隊排到12點半，個侍應不停出黎問有冇3位4位，明明前面有幾批2人，入到黎又要等得耐，好食係好食，但又覺得冇以前甘好食，小紅書俾人傳到成個打卡點甘，香港特色餐廳香港人唔配食啦
繼續閱讀
放假睇戲前同朋友係旺角食晏，諗起兩草，之前想試不過好少行到白布街呢邊。因為我地咁岩12點，原來12點岩岩開鋪，一黎到已經有條長隊，前面有10幾人，開鋪順住條隊直入，原來餐廳內仲有上層。好在早到，如果1、2點時候應該都要排隊。▪︎香煎脆邊蛋肉餅飯▪︎$42面頭個煎蛋好靚仔，禁Qrcode落單時禁左多蔥，煎蛋同個名一樣個邊好脆，有賣相有實力。平時唔太食肉餅既我，今次比佢呢個推介吸引左，呢個肉餅係我鍾意既質地，肉質實淨唔會好似平時食個啲肉餅咁有肥肉同鬆散既感覺。肉餅飯配埋佢個豉油汁好惹味。▪︎小籠包胡椒湯▪︎$40小籠包發揮正常，一咬流湯，胡椒湯飲左些少但都幾胡椒有些少嗆喉，所以試一兩淡湯就夠。▪︎胡椒肉骨湯米▪︎$45呢個係友人點既，正常發揮唔算特別出色。個肉我試左少少都係普普通通，加上本身又麻麻地排骨類。個湯唔係好濃味個啲藥材味重肉骨茶，係輕口味帶點胡椒味既湯。整體黎講，旺角兩個人食，除返都係63.5左右
繼續閱讀
今日嚟到一間慕名已久嘅餐廳 @twogreens.hk ，佢以前喺大坑道小有名氣，搬咗過嚟之後人氣亦都不減。呢間餐廳主要係食馬來西亞菜，佢就勝在每樣嘢都細細碗，咁就算一個人嚟試到嘅嘢都會比較多。小籠包胡椒湯 $40呢個算係佢哋嘅招牌，我見好多枱都會叫。佢嘅胡椒湯係幾香，辣辣地咁。小籠包就中規中矩，唔算皮薄餡靚，但都未至於厚皮乾身，入面亦都有少少嘅湯汁。味道：6.7/10胡椒肉骨茶佢嘅湯底都係胡椒味比較重，基本上係冇乜中藥味。但比起小籠包湯會多咗肉味，而且佢會提供蒜頭辣椒，加埋落去會更加惹味。至於排骨都大大嚿，肉質軟淋，但又未至於霉，整體都唔錯。味道：7/10香煎脆邊蛋肉餅飯 $42呢個真係幾邪惡，燶邊嘅太陽蛋，配上香煎肉餅，基本上唔會難食得去邊。加埋佢哋嘅秘製醬油，就更加好味，甜甜地，帶油香，加埋蛋汁簡直一流。但佢嘅肉餅比較薄，口感唔算好豐富，勝在煎得香脆。味道：7/10滑蛋飯叉燒 $40佢嘅叉燒令人有少少愕然，因為佢係叉燒碎，好似蝦米咁樣，但食落都幾香口，有少少似臘腸邊咁，自帶油香，配埋滑蛋同甜豉油，其實又唔算太差。味道：6.5/10咖央多士 $25佢嘅麵包烘得非常之香脆，但因為麵包同埋牆都比較薄，食落比較乾身。咖央嘅味道亦唔係太突出。味道：6/10兩草 (白布街) (旺角)旺角白布街16號地舖
繼續閱讀