影片
港鐵旺角站 B2 出口, 步行約2分鐘
繼續閱讀
營業時間
星期一至日
11:00 - 00:00
以上資料只供參考, 請與餐廳確認詳情
閒來無事又上綢搵食，首先吸引到眼球嘅就係「比利常餐」呢個名，用「常餐」做鋪名嘅餐廳經已少見，再配上一個咁常見嘅西人名「比利」，就決定去一探你虛實。正值新年，街外自然少人，所以等位都唔使，不過餐廳檯與檯設計比較貼，舒適度只係一般。之前經已上網睇過餐廳最推薦嘅就係「焗豬扒飯」，雖然有$30下午茶版嘅「迷你焗豬扒飯」，不過為試下真正實力，梗係試翻$50原版。配餐附上餐飽及餐湯，餐飽無乜特別，至少一定唔係隔夜，而且有翻至微熱，算係咁㗎啦。反而雜菜湯有小驚喜，用料幾足，而且無乜味精感，湯料亦都幾好食。因為焗豬扒飯係即叫即整，所以食完前菜就差唔多出爐，算係值得一讚，至少我唔洗放個飯攤凍等我飲完個湯。講翻個焗飯，賣樣算係幾好，用咗炒飯底，雖然蛋份量較少，亦做唔到「金包銀」效果，不過都食得出蛋香味，可惜未夠乾身。鋪面嘅茄汁調味唔錯，唔會太酸、唔會太甜、亦唔會太咸，配上鮮茄同西芹、洋蔥幾好，混合無乜落鹽嘅炒飯恰到好處。另外加上芝士焗到微燶拉絲，而且份量幾多，令成個焗飯昇華。以$50嚟講，我會期望會有一塊較大較厚身嘅豬扒，可惜現實同我心目中仲有一段距離。雖然豬扒較薄身，做唔到原身嘅Juice感，不過調味方味唔錯，而且無Over cook，保持到鮮嫩唔韌，而且仲幫你切好一小塊，方便易食，算係一個小貼心。整體以$50食到一個有份量（食唒成份都幾飽下），好味又唔錯嘅焗豬，應該都無乜嘢好投訴啦。
繼續閱讀
是日實在特別, 無論午餐和晚餐都置身於麥兜故事的場景中, 中午到訪過 茶餐A 後, 晚上來到位於旺角的全新茶餐廳 - 比利常餐。比利常餐位於旺角通菜街, 即先達廣場旁滿佈小巴的一段路, 來到附近, 看見這個巨大的招牌, 實在沒有找不到的理由。雖然以「常餐」作為店名, 格局卻比一般茶餐廳高檔一點。找遍整個餐牌都找不到「常餐」, 唯有退而求其次, 選擇了「晚餐 1」, 跟餐的麵包體積甚大, 熱度十足, 質感鬆軟, 以這種格局的餐廳來說, 完勝了！想不到連餐湯也相當認真, 這客粟米忌廉湯絕對不是開粉或溝水貨色, 連很多中檔餐廳也做不到。聽說焗豬扒飯 ($62)是鎮店之寶 (至少也是一號餐), 亦很自然與某「大」連鎖快餐店的版本比較起來。面前這個版本幾乎是一客「焗朱」的完美示範, 炒飯有鑊氣、粒粒分明; 豬扒鬆化有肉汁; 茄醬甜酸度剛好; 整體來說, 絕對不能跟「大」比較。不過, 從其他食評看到的, 又是另一回事, 只能夠說這裡的出品水準應該未夠穩定吧?熱奶茶水準則不及茶餐廳水平, 只屬一般。很多人說旺角沒有甚麼好東西吃, 如果比利常餐的「焗朱」能夠保持是晚水準的話, 相信這裡會成為「檸茶」的其中一個旺角飯堂。
繼續閱讀
係旺角兜左幾個圈，終於搵到呢間新開既平民西餐廳．比利餐廳，一聽以為同足球明星比利有關，其實無咩關係正值午餐時間，雖然環境不大，但入到去之後座無虛席，成間餐廳得兩個人幫手，無人得閒招呼我地，我同女朋友於是乎就坐係最入面二人抬．成間餐廳個格局特別，小型但牆山都掛滿圖畫，主力牆都有可以裝修改造過．先望一望餐牌，見到$50幾$60就有一個連餐飽連餐湯連飲品full set lunch ，認真夠飽都算抵食．我同女朋友叫左兩個set．我地叫左個豬扒飯．先講下味道，豬扒飯大家可能不禁會想起某某快餐店，但係坦白講可能呢個仲差．首先個豬扒又大塊又硬，建議下次廚房煮"lum" d 或者用第二隻材料．另外，女朋友就話叫我記住要講洋蔥吾夠多．可喜之處就係分量夠大同埋cheese夠多．$65 真係物非所值，味道好一般，甚至有Ｄ淡．最大問題係個汁吾夠多，成碟意粉好似吾夠水準．不過賣相不錯，份量恰好，不失平民西餐廳之譽．建議：檯與檯之間加條小通道，主力牆前改做卡位，後面就可以放方型檯．而家太窄了．出入都會影響到其他客人．以新開張餐廳，食物質素真係有待改善，不過如果想平平地享受全套西餐，就不失為一個好選擇．下次會再試，到時睇下會有咩轉變~
繼續閱讀
第一次寫食評, 今次寫係因為食到個兒時口味既焗豬扒飯.餐廳位於通菜街, 小巴站對面, 由細到大喱條街都係食面, 茶記, 快餐, 好好奇有間西餐廳. 決定一試. 裝修都幾有 style, 似西方懷舊小店.餐牌主要係sell 套餐, 飯, 意粉, 扒都有D. 唔記得有18 定20款.同老婆兩個人叫左焗豬扒飯同卡邦尼意粉, 焗豬飯雖然成日食, 但係喱間做得都幾出色, 飯底乾濕度剛剛好, 豬扒唔錯. 好耐都未食過咁有水準. 問一問經理, 原來佢地係新開業. 佢仲話老板目標係想做到日賣300 - 500 個, 講真就真係唔多信, 冇所謂, 當聽下!卡邦尼意粉水準都唔錯, 賣相同味道有驚喜, 係MK 比較難搵到.最後特別一提係新張期內送芝士cake, 好滿足!
繼續閱讀
係旺角同屋企人搵嘢食見到呢間餐廳試業，抱住試下心態坐底食嘢。裝修OK ，坐得舒服，見到好多人食緊芝士焗豬扒飯，咖哩同英式全日早餐，最後叫咗焗豬同早餐，雖然已經係晚餐！焗豬飯好正！芝士小"燶" 好鬼香！d飯唔干，夠汁同唔會太咸，認真值得一試！好少食到咁既質素！英式早餐味道ok 但不夠英式，選料選擇可以更多！值得一讚，待應態度親切，冇MK feel!
繼續閱讀