影片
以上資料只供參考, 請與餐廳確認詳情
步入餐廳已見到天花板華麗既水晶，內籠擺設及裝飾都給人感覺富麗堂皇，環境就比較黑了一點，射燈都只集中在餐桌上。金菇肥牛卷，雖然見到好多啡色似豉油既液體，但一入口淡到唔知食緊咩，完全無味既？淡豉油還是燒汁再溝水呀？肥牛乾鞋硬到齊，完全無牛肉味道，跟樹皮差不多。金菇同樣完全無味，金菇本身水份多，個汁必須比平時調得濃先可以架 ﹗依個顏色、依個賣相、依個擺位，當然係劣 ﹗炸魷魚鬚，味道同質感都滿意，炸醬鬆化，不乾不硬。不過油到反光立立令，油浸魚鬚。炸廣島蠔，石頭咁硬掟死狗炸蠔 ﹗粗麵包糠炸到海膽刺一樣，又硬又尖，直程刮咀呢，勁 ﹗咬開檢查一下，炸粉勁厚，包到隻蠔仔實一實，夠晒安全。裡面廣島蠔其實好鮮，但煮到如此田地非常浪費 ﹗地獄湯手打烏冬，用透明玻璃碗盛載好前衛喎，有點唔習慣。烏冬肯定係手打，不過質感偏硬、水份較乾、嫩滑感強差人意，比較似泥膠多一點。湯底大路可接受，單調上湯帶點辣，配料就無咩喇，得少量野菜。
繼續閱讀
--- 江川手打烏冬專門店--- 呢間係旺角，主打手打烏冬既食肆來頭認真唔細!! 長期榮登開飯網排行榜第一名，不過就係累積劣評排行第一，足足有成64個劣評「第一次咁嬲」、「食到想打人的手打烏冬」、「不知所謂」今次我地一於親身試下，睇下會唔會成為中伏既一份子夜晚7點3左右去到，發覺門口都幾多人排緊隊喎 門口既侍應姐姐講完仲補上一個非常勉強既微笑咁因為唔想等咁耐，加凳都無所謂啦入到去先見到原來成間舖都係得一至兩張四人枱隔離枱都同我地一樣要加凳添餐廳入面環境都幾乾淨企理雖然我地坐既位係正洗手間門口，但都唔會話有咩異味不過就略嫌俾天花上面既射燈射住，令到成個人好熱好唔舒服咁睇睇餐牌，精選一人前既野食賣相都幾吸引而且都幾豐富添，有前菜、烏冬同甜品，一於就叫兩個試試啦照燒雞扒烏冬配麵豉湯底同埋野菌生薑炒牛肉加豬骨湯底烏冬另外位朋友再叫多個滑蛋豬扒粟米湯烏冬侍應既態度唔錯，雖然唔會話好殷勒，笑容滿面咁但起碼坐低時都會俾杯茶我地，落單亦唔會叫極都無人黎而食物過左幾分鐘後亦都送到，效率令人滿意等等，既然佢既環境、服務樣樣都ok，莫非佢出事既原因99%係來自佢既食物？！繼續睇落去啦，我地有圖有真相。。。精選一人前既前菜 螺肉普普通通，無驚亦無喜照燒雞扒烏冬配麵豉湯底雞扒皮脆肉嫩....佢做到一半！皮夠脆，不過肉就真係唔係嫩喇，仲有少少霉既感覺但勝在食落夠香口惹味，都唔算太差而烏冬既麵豉湯底就食得出誠意十足，落足料！因為.....佢真係好好好好好鹹啊！！平時食烏冬會連埋湯一齊食，濕濕地連埋滑滑既烏冬，正！但呢個真係唔得，飲多兩啖湯可能要同腎石say個hi不過都有好處既，起碼d烏冬夠哂味嘛野菌生薑炒牛肉加豬骨湯底烏冬牛肉、菇加燒汁，對嗜牛既朋友黎講係無敵既組合！牛肉雖然有少許韌，但總算係可接受既程度，至少唔會完全嚼唔到似香口膠可惜既係，佢個燒汁實在係太鹹，而佢又實在落得太多了。。。但同時要讚一讚間餐廳夠哂"體貼"，知道配菜太過重口味，就配一個"清淡"既烏冬黎平衡一下呢個豬骨湯底很清很清....清到就似..水一樣品嘗既時候好奇妙，隱約係試到有少少少少味但係係咩呢？又講唔出喎，總之就唔會係豬骨啦=.="滑蛋豬扒粟米湯烏冬雞蛋滑溜溜，豬扒淋淋地，洋蔥硬硬地，加埋係入得下口的而個粟米湯底真係用上粟米蓉，感覺好稠，愛吃粟米既朋友應該會鍾意！精選一人前既甜品 芒果味雪米糍 影完相即刻將成個鯨吞入口之際...咦？個皮咁軟既？入面舊雪糕入口即溶既？？三秒鐘就成粒融化吞埋咁快既？？？。。。。。。。。。。。。。。。。。。。。。。。。。。。。。。不過味道唔錯，至今我地既肚亦都冇作任何抗議至於間餐廳既招牌食品---手打烏冬味道如何呢....其實都幾滑，但有點粉粉的，亦同彈牙差很遠很遠很遠很遠食落口感同超市幾蚊包既烏冬真係差唔多。。。總括黎講，食物質素一般，但總算叫飽肚兼唔算難食約$50一位既價錢，係旺角應該會有更好既選擇，不過揀佢黎開餐亦未去到中伏咁誇張既或者佢放棄再用手打烏冬作招徠，會減少食客因為"希望愈大，失望愈大"而生既怒火啦餐廳名稱：江川手打烏冬專門店 Egawa Udon地址：旺角西洋菜街152號消費：每人約$50 (晚餐)
繼續閱讀
這個星期到這家餐廳吃過兩次 :1) 午市餐套一鯖魚set $36+ $5 轉烏冬(番茄湯) = $41烏冬相當大碗(對我), 勉強吃完, 質地也有彈性 ; 番茄湯非常豐厚番茄味, 有很多番茄蓉, 但是湯底太鹹..烤鯖魚(有7英寸長) 新鮮美得很. 2) 下午茶--牛肉烏冬 (日式湯底) $30食物份量: 烏冬是少於午市餐套的, 湯底太鹹 (again !) 烏冬質地也比上次午市較差一點點 (不明白 )服務和衛生/清潔也令人滿意. 無加一, 算抵食, 不明白為什麼這麼少客, 但我喜歡靜的餐廳. 整體而言, 還是午市餐套好吃, 也有更多的選擇; 會再去但會試不那麼鹹的湯底.
繼續閱讀
經過一輪烈日暴曬與舟車勞頓後，回到香港，兩夫妻完全沒有意欲吃任何熱的東西，在旺角區終於找到一個可以只吃「冷野」的地方，這地方就是也一間「江川手打烏冬」。因為大家其實胃口都不太好，所以只是叫了一個「日式胡麻冷烏冬」、一客「鮮蝦乳酪什果沙律」和一罐冰凍的可口可樂，便成了這天晚上全部都是「生冷野」的晚餐。這兒的「日式胡麻冷烏冬」材料都幾多，有開邊的凍蝦、火腿絲、雞蛋絲、蟹柳絲、青瓜絲等，紅紅、綠綠、黃黃的，令人食欲大增，加上尚算煙韌的冷烏冬與味道濃郁的日式胡麻醬汁，確是頗為清新開胃，不過這店子的胡麻醬汁下得有點吝嗇，吃到最後，醬汁不是太夠，可要扣分。至於「鮮蝦乳酪什果沙律」，用上大量的沙律菜、蕃茄與什果粒，還有多隻凍蝦，健康就健康了，而且賣相也不錯，可是這沙律有一個最大的敗筆，就是沒有下其他較美味的沙律醬汁，即使連較清淡的油醋汁也沒有，而是用了原味的乳酪來調味，這沙律又那能不顯得味道平淡呢？！不過這也怪不得它，它明明叫「鮮蝦乳酪什果沙律」，所下的當然是乳酪汁啦，這次我可真是「姜太公釣魚------願者上釣」，自作自受了。
繼續閱讀
兩口子平日在太子附近，多數會選大門橫丁的手打烏冬 (自從2-3年前人地介紹之後，都常去食)近來有朋友說這間不錯 (不同的朋友 - 這個對吃是沒有感覺的...XDDD)，吃了一次...我想不會再幫襯中午放工後同太太約在太子地鐵站，本來打算上新世紀吃杏花樓經過這一間，記起朋友說的便想一試入到店內，看到裝修簡單，比起大門橫丁乾淨整清，心想：下次大門橫丁冇位可以黎呢度他們出名的是手打烏冬，也有一些燒物 - 賣的與大門橫丁也一樣，現時正做緊買一串串燒送多一串於是我點了一個漢保扒沙嗲湯底烏冬太太點了金菇肥牛麵豉湯底烏冬另外再點一串雞軟骨 & 大蔥牛肉粒講真，唔用大門橫丁比較，本身佢地D食物質素都很差我很喜歡食沙嗲湯底的烏冬，大門橫丁的湯底很有質素這裡的 (可以看看圖片) 簡直是清水加辣汁，完全係唔掂烏冬口感是可以的，漢堡就很一般太太的那一個更差，那個金菇肥牛 (低難度的食物) 都可以做得不好吃有一陣雪的味道 (或許解凍不好吧)，吃不到一半便放棄。另外麵豉湯就一般般燒物更加不用說，雞軟骨冇味, 大蔥牛肉粒的牛肉粒很 UN總之成日印象很差....同太太有一個共識係 : 一定唔會再返來希望佢地睇左會改善下 - 唔係有心要人地生意做唔住
繼續閱讀