影片
開飯介紹
供應不同配套的任食火鍋、精緻點心及中式小菜，並以港式及四川口味為主，其中酸菜魚是招牌菜之一。而蒲公英造型的燈飾，使環境時尚有格調。
繼續閱讀
特色
適合大夥人
家庭親子
營業時間
今日營業
10:00 - 16:00
17:30 - 23:00
星期一至日
10:00 - 16:00
17:30 - 23:00
以上資料只供參考, 請與餐廳確認詳情
有關獎賞計劃
朋友推介旺角的火鍋放題，於是去了旺角彌敦道601號創興廣場5樓～淥鼎記，港鐵旺角站E1出口，或者港鐵油麻地站A1出口，交通非常方便。店內面積相當大，處處都是卡位，座位寬敞，整齊清潔，裝修華麗時尚有格調。菜譜簡單易明，食材豐富，多款配套湯底款式，港式和四川口味為主，適合大眾化。小寶套餐每位$238先來餐前小吃，酥炸雞件和麻辣雲耳，雞件炸得酥脆，肉質嫩滑多汁還是暖口。麻辣爽脆又嚼勁。重慶雞煲，在鍋內稍為炆煮，服務員及時翻炒，開蓋時香氣四散，雞件鋪滿紫洋蔥、芹菜、芫荽、紅椒粒、八角、花椒，雞肉入口非常嫩滑多汁，吸入鍋底的調味汁，每件都覺美味可口，二人有足夠份量。湯底是花膠美人鍋，湯底內有多塊花膠、杞子和紅棗 ，先喝一碗，湯底火喉十足，花膠味非常香濃。安格斯極佳級精修肥牛，香濃牛脂味，肉質很嫩滑，確是牛的極佳級。安格斯牛板翼，大塊薄切，淥幾秒片刻即熟，肉質幼嫩多汁。依比利亞黑毛豬，肉質嫩滑彈牙，油脂比例剛好。丹麥網豬肉質幼細嫩滑，吸入花膠湯汁，四款肉都無比好食，值得一讚。蝦丸、墨魚丸彈牙爽口。菇類品種很多又新鮮，生菜和粟米放湯又甜又爽口。自家製竹蔗茅根茶，清涼又順口。還有清甜的西瓜和火龍果，為這餐寫上完美句號，真是捧著肚兒走。
繼續閱讀
朋友仔講咗好幾次要嚟 #淥鼎記 試吓佢哋個「爵爺套餐」，呢晚終於成事。餐廳以暗黑風做主調，加埋啲裝飾本來都幾特別😉 本身佢哋嘅食物質素同款式都唔錯，不過座位安排太窄，我哋五個人竟然被安排迫埋喺一張仲細過張麻雀枱嘅餐枱，擺埋啲餐具，中間就只係夠位擺抵個爐😅 而阿姐每次上菜，都唔理三七廿一就成盤食物隊埋嚟，如果照佢嘅安排，除咗單手捧住嚟食，我都諗唔到其他方法😅 不過最得意嘅係個女服務員，每次都喺無預示底下幫我哋加湯，試過想叫停佢… 但就被回一句「咩呀？咪加緊湯囉！」😅 真係少啲EQ都頂佢唔住！講返啲食物，我哋揀咗 #醬香烤魚 做主食（酸菜魚、蘿蔔牛腩、羊腩煲、椰子雞、雞煲…六選一），魚身啖啖肉，醬汁調味都幾香濃，唯一美中不足係欠缺香辣味道，爭咁啲啦😅 之後再嚟嘅係 #魚生拼盤 🐟，#刺身 都算幾新鮮，加埋巨型嘅 #海鮮拼盤 同 #肥牛併盤，造型非常吸睛👀 啱晒鍾意 #相機食先 嘅我🤤 最後上嘅當然係 #火鍋，#花膠湯底 味道還可以，不過 #火鍋料 都算係幾多選擇，除咗系統上，出邊嘅大雪櫃都好多唔同嘅丸類同小食選擇🤤 埋單前每人仲會有杯 #HäagenDazs #雪糕 做 #甜品，啱晒啲大胃王嚟幫襯😎📍 淥鼎記 (旺角)彌敦 道601號創興廣場5樓
繼續閱讀
呢度晏晝就係酒樓食點心夜晚就做打邊爐放題一個價錢食晒前菜 雞煲 刺身 頂級手切牛拼盤 豪華海鮮拼盤 40幾款火鍋配料無限時任食等我今次試吓「爵爺套餐」無限時火鍋放題先！🫕•爵爺套餐＄378（所有套餐星期五、六、假期及前夕＋$10；特別日子及前夕+$20）•前菜🥗枝豆 避風塘炸魚片•豪華時令刺身🍣有三文魚腩 牡丹蝦 帆立貝 北寄貝 鮑魚5款刺身全部由日本直送新鮮鮮甜•主菜六選一🍽️椰子雞 / 藤椒烤魚 醬香烤魚/重慶雞煲老壇酸菜魚/山城毛血旺/清湯蘿蔔牛腩揀咗重慶雞煲 雞肉好滑好嫩 唔嚡唔老 份量好多啖啖肉唔會剩係得骨 醬汁非常惹味 仲帶點麻香•食完雞煲就揀湯底打邊爐揀咗八寶冬瓜鍋(限定)🍲一上枱超震撼 成圈冬瓜喺個鍋入面湯底一滾起梗係飲咗啖湯先 超級清甜•頂級手切牛拼盤🥩油花好靚 肉質結實細嫩牛味濃郁 好有驚喜•豪華海鮮拼盤 🦪有蝦 蜆 扇貝 鮑魚 手打丸 扇貝成隻手咁大隻全部食材都食得出好新鮮 完全唔會有雪藏味•食到呢度已經飽咗一半之後再用QR code嗌其他嘢食出面仲有個自助區 提供丸類蔬菜火鍋配料雪櫃也有多款飲料🥤•推介黑松露豬肉丸 水餃 生蠔冇限時慢慢坐都得 啱晒同朋友聚餐最後仲有雪糕食添😋
繼續閱讀
旺角淥鼎記「爵爺」手切牛及海鮮晚市火鍋放題，人均三百多元，一定能滿足你的味蕾 🔸錦繡前菜 蘿蔔炆牛腩，入味非常 🔸豪華時令刺身 鮭魚、北寄貝、杜丹蝦、帆立貝同鮑魚 刺身質素比美居酒屋 🔸主菜六選一 我們選了招牌主菜老壇酸菜魚，份量十足，大大片生魚片，魚肉嫩滑 跟住開始火鍋放題，湯底選了海皇海鮮湯，主要以海鮮海蝦帶出鮮味 🔸上頂級手切牛 手切牛油脂分佈 ，肉質軟腍而且肉味香濃👍🏼 🔸豪華海鮮拼盤 包括有海蝦、鮑魚、扇貝、花甲、手打墨魚丸同手打梅菜豬肉40多種火鍋配料任食，肉類海鮮類可用手機qr code 下單，蔬菜其他配料及飲品放置在自助區，非常乾淨衛生 火鍋配料包括有 肉類： 安格斯肥牛、安格斯牛板翼、伊比利黑毛豬、伊比利亞梅豬、紐西蘭羊肉片、鮮雞件等 手打丸類： 手打墨魚丸、手打梅菜肉丸、芹菜香菇餃、菲菜豬肉餃 海鮮類： 廣島蠔、沙白、脆骨腩、脆肉院、魚標 🍨甜點 每人送1杯Haagen-Dazs雪糕 淥鼎記 旺角彌敦道601號創興廣場
繼續閱讀
第一次帶爸爸試新式酒樓，網上睇到咦間介紹咪今日帶爸爸同家人們去試下..五位大人兩位小朋友兩位嬰兒排隊登記攞位已經同門口服員講左人數..亦已經拎左票等有枱就入坐..等左陣就有位黑色套裝女服務員好大聲甘問坐係度既人而家入吾入去㗎。我聽到咪話入啊。佢就問我人數我就講返俾佢聽..佢話甘多人仲有小朋友同嬰兒未有枱住..你等下先啦。我聽完心諗甘你又甘大聲問坐係外面既人.. 我都費時出聲咪坐返低等..再等陣佢又勁大聲而家有張六人枱你們入去啦..我入到去張卡位枱邊可能坐到我們呢？我見到𥦬口邊張卡位枱好像大過而家咦張，咪問佢轉個張得吾得？佢話個張枱同我而家張一樣大..我話咦張真的坐晒啊。想轉個張枱.之後佢又話個張有人訂左。甘我問佢有無另一張枱可以大啲呢？佢話而家無我要再等..我問佢等多耐到，佢話你預12:30左右..當時時間係11:30。幸好有位女服務員來處理..咦位女服務員態度真的很好好詳細解釋同安排枱..因為佢考慮到我們人數同有嬰兒關係根本無可能坐到卡位枱…轉左張圓枱俾我們享用美食。食物好味道，但我覺得門口服務員真的要改善一下服務態度。
繼續閱讀
您可能會有興趣的...