影片
以上資料只供參考, 請與餐廳確認詳情
25/5/2008 星期日晚聽人講芝士屋好好味今晚一試,好失望芝士冇芝士味!食物味道強差人意仲有,環境有點dirty
繼續閱讀
12 April 2007 (Thur) - 晚飯友人心情不好，叫我陪佢食飯，我哋本想上樓上cafe，發現價錢真係較貴，咪入黎呢度食，其實係睇中佢出面擺出黎既牛油焗多士，因為友人話蒜頭屋既牛油焗多士勁好味，我哋打算黎呢度試下！入到去一個人都冇，即刻彈返出黎，哈哈～～但係我話反正都要食，唔怕啦，試下啦，再入過去問下兩位waiter係咪開緊，佢話係我哋就求祈坐個位！睇咗陣menu，其實佢哋餐都真係好平下，但係最後我哋都決定食佢個是日晚餐A同C，分別係芝士煙肉牛柳飯同意式千層麵！套餐有湯，法式麵包同餐飲跟！我哋兩個share食兩個set，可以兩樣都食下嘛！個意式千層麵真係只有芝士同麵，人哋出面既通常係有啲牛肉喺入面，但係佢就乜都冇囉．．．>_< 然後係個牛柳飯，確實啲牛柳係好淋，但係好似淋得滯，滑散散咁，有啲恐怖，反而塊煙肉好味好多！食到咁上下，終於到戲肉，因為打算叫嗰個牛油焗多士，嘩．．． 黎到其他客人都望住我哋，可能見我哋食完兩個set又食多士，仲要係咁巨形嗰種！面頭既牛油係好多好香，但係．．．．呢度既牛油相信一定係用最唔靚既牛油，否則唔會咸成咁．．．所以我哋覺得佢下面既白麵包同個少燶既皮好食啲！不過我哋都唔會再黎，waiters完全冇笑容，又有隻蚊滋不斷’蘇’優我．．． 唉．．．
繼續閱讀
今日同男友諗住去旺角睇下有咩好野食，之後見到芝士屋個2人套餐A好似幾好，就放棄食食開的意房菜，就去試下，點知，勁後悔，148+加一咁的價錢令我完全失望。湯：普通的羅宋湯，唔係，應該係加左勁多茄膏的羅宋湯，即係完全唔係羅宋湯，連港式羅宋湯都唔係的羅宋湯，真係，慳錢到佢啊！沙律：我點左煙三文魚沙律，以為會幾好啦！點知佢的二人份量，等於平時的一人份量，三文魚就得個唔知五小粒定六小粒！上面有少少醬咁！三個小食：分別係鹹到死的法式焗田螺、酸到死的墨西歌雞薄餅同無味魷魚圈！食到呢到，我的男友有個得意的發現，就係，沙律、薄餅面上的同點魷魚圈的醬係同一種！嘩！大佬，你唔係節省到咁啊！…都係唔好咁快下定論，個三隻醬係橙色，酸酸地咁，我唔敢一口咬定你係一樣，但應該都差唔多嫁啦！最後我要左個石頭飯，呢個差我唔怪你，但真係無味囉！最後個甜品，拎到黎我唔知比咩反應你好，細到啊！真係一口糕？唔好玩啦！試問你邊值148再加一啊？
繼續閱讀
芝士屋同蒜頭屋係同一個老細呢件事我好多年之前已經知道, 所以佢地兩間野既餐牌基本上無咩分別呢期分別去左兩間店度食lunch, 果然係同一個老板, 大失所望！唔知係唔係頂左手比人呢, 點解同3年前既質素差左咁遠既?????3年前我食既意粉, 種類好有風味, 又真係好好味, 賣相好, 夠特別, 唔算好貴！但而家既意粉一d味都無, 我都未試過食幾個款既意粉可以全部都無味, 最後我要狂加七味粉！清淡如水！仲有d款式呢, 越好食果d就越唔賣！3年前有白汁墨魚意粉同埋原隻魷魚意粉1年之前有辣汁豬柳意粉同埋豬肉生姜燒意粉都非常好食！而家得返哂d無謂包裝咖哩飯, 同埋d燒骨同埋吞拿魚醬果d意粉, 仲要一d味都無囉！而家得返最好食既係肉醬焗薯意粉, 因為果pet沙律醬係有味的！我希望呢間店個老細睇到呢d留言呢，就反省一下！再係咁樣落去係唔會有客返轉頭架！質素越來越差！以為自己有名氣就得架啦咩? 有名氣而又做得差, 咪就係臭名遠播之嘛！辣汁豬柳意粉, 永別啦。
繼續閱讀
18/8(五)我和朋友吃過木田園雪糕後去女人街上街我想起去芝士屋試吃我朋友無問題我很開心終於試下吃白汁碎三文魚意粉-吃得白汁ok,但意粉幼~有點乾,吃不到意粉~我很失望白汁忌廉湯-吃得麻麻,沒味蒜茸包-吃得ok,很軟sp:我真的很失望,我以為自己吃好味~~下次我和朋友不幫襯
繼續閱讀