影片
以上資料只供參考, 請與餐廳確認詳情
要找個既好食，又要坐得舒服，又不會趕人走的食肆。經朋友介紹下，就去了饕芘廚房。上到去到環境真的超適合我們，靜得來，又有燈光。店主要是越南菜和泰國菜，因為我和SA妹準時，另外兩個團友遲到，我們個肚又餓，所以我們先叫前菜食住等。先來一個小食拼盤(細)，HKD128，個雞翼好正，惹味到爆橙。成個小食拼盤中只有個扎肉廢了一點，沒有讚的空間…隔離枱見我們食得津津有味，都跟住我們點餐。酸辣鴨舌，HKD50，本身我都食得好辣下，這個堅辣，想TAKE RISK，就可以點這個。不過，鴨舌都KEEP到爽口彈牙，只是要飲水救火。咖哩牛腩麵包，HKD128，食這個會飽過食飯的。包皮脆，內軟，配以咖喱，份外醒神。而且牛腩份量都幾足料，好好牛肉味，絕對要ENCORE，但記得要即食，不要放涼。肉碎生菜包，HKD88，不過不失，但價位稍高，沒特色。蝦球芝士，HKD48/4粒，老實講，我食不出有芝士味，覺得是芝麻蝦波，而且不夠彈牙，全晚最失望之作…冬蔭公湯，HKD98，好多料，但不LIKE它不夠熱。個湯偏酸，不算辣，只要熱一點，我會更欣賞。另外，仲點了4杯DRINKS，結帳要HKD642，價錢都OK，大家都叫做滿意。
繼續閱讀
我地一行五人訂位黎到呢間越南菜館，有Ｄ似西餐廳座位舒服， 點左個餐入面有小食併盤：味道ＯＫ有，紮肉，春卷，鳳爪等皮蛋釀蝦滑：將皮蛋擺落蝦滑成個炸，都幾ＭＡＴＣＨ什果沙律，冇特別軟殼蟹咖哩飽： 軟殼蟹炸得幾好， 配包同咖哩汁吾錯青口同冬蔭公湯一般覺得似西餐多過似越南菜，但都算ＯＫ既價錢偏貴
繼續閱讀
其實都係無意中serach到呢間餐廳, 因為約朋友在旺角太子呢頭食飯, 我突然又想食越南嘢, 上嚟OR搵下有乜食, 當然search可以用tablemap訂枱的食肆啦~ 咁就睇到呢間, 又見佢食評好似幾好, 於是試一試, 就book枱~ 我仲要係果朝先book枱, 見到仲有大把時間供選擇, 仲心諗呢間嘢一定唔會太多人食, 但去到先發現, 除咗已經有人坐緊的枱之後, 其餘枱都已經reserved, 枱與枱之間都空間都唔太多, 幾close下, 仲要不停有人walk in, 雖然呢間係樓上舖, 但都好多人識食~雖然呢度話係iron man的主題餐廳, 其實只係門口放咗只大公仔, 然後有個玻璃櫃放滿figuer公仔, 其他裝修擺設完全冇關係lor~ 不過我唔係為咗iron man而嚟, 所以唔會失望~ 法式軟殼蟹米紙卷切開有六件, 直徑約有2寸咁闊, 一口係食唔哂的, 入面包咗少少軟殼蟹, 多多檬粉, 幾塊生菜葉, 仲有d青瓜絲蘿蔔絲, 我永遠食到天一半地一半, 實在太大舊, 而個米紙又un un地, 好難咁咬開, 所以用力一咬一拉, 就整散哂, 跌到成碟都係~ 越式網皮春卷好脆好正, 個餡好似鹹水角果d餡, 一碟有6條, 每條約2寸長左右啦~ 連佢跟上的生菜, 好似都係得6塊, 多1塊都冇, 啱啱好夠一條包一塊~ 咖哩皇麵飽配滑雞超巨型的麵包, 對兩個女仔嚟講, 真係好難KO佢, 我地都食咗一半, 算係好勁架喇, 因為我地仲叫咗其他三樣嘢食, 見到隔離枱一男一女, 除咗叫呢個大麵包外, 只係叫多一個小食, 佢地仲食淨得多過我地, 我地都唔算好浪費啫~ 肉碎生菜包我仲以為係淨肉碎, 原來都夾雜咗d豆粒蔥粒的物體, 眼見佢好似好多辣油咁, 好彩食落都唔係好辣, 我都接受到, 再加埋用生菜包住食, 更加清爽冇咁辣~ 三色冰好多年冇飲過三色冰呀珍多冰之類的越式特飲, 今次我都諗咗好耐, 究竟飲三色冰好定珍多冰好, 結果都係選擇咗三色冰, 我都唔知點解, 叫果陣口快快叫咗三色冰, 咁就是旦啦~ 佢三色冰真係有三色料, 有d爽, 有d烟un, 其實都唔知咩嚟, 不過最緊要就係佢唔係太甜, 又唔會太濟~估唔到出街食飯, 冇特別去叫菜食, 差不多碟碟都有菜, 真係夠哂健康, 唔會淨係食肉咁濟, 不過以兩個人嚟食, 都係眼闊肚窄, 食淨半個麵包, 已經比其他人食得多了~ 可能我地太耐冇食越南嘢, 好多嘢都想食, 而且第一次食呢間, 唔知d份量如何, 下次會識控制的~
繼續閱讀
在廣華出來，四圍行行找地方吃午餐，但眼見地下食店有些仲未開門，唯有向高處望望，就發現有間開了，門口掛了「送自助沙律吧」，好吸引。上條長長樓梯，樓梯周圍擺了公仔，上到去立即望望沙律吧，有些失望，咁少料，好過無喇，叫了香茅豬扒飯（＄39），無諗到會咁大碗，雖然不便宜，但質素並不差，香茅豬扒很大片，肥的部份很甘香，啖啖肉，好滿足。幸好蔥蒜充足，蔥蒜是整碟豬扒飯的靈魂，如果無了它，整體味道大跌。
繼續閱讀
上次用Table Map第一次訂台就是來吃Hobby記得那次用餐的印象不錯 除了因為餐廳環境特別還因為食物的質素和格價都是成正比的滿意但這次我真的有點失望 因為只差了半年而已先說個《泰式豬頸肉》好了…我想請問一下：這個是炸豬肉乾嗎？ 為什麼會又乾又硬的呢？連在百佳超市裡的熟食檔買的都比這個好吃多了《泰式海南雞飯》聽說是這裡算有名的菜式但海南雞幾乎是沒有雞肉可以吃到 只有骨頭而已油飯沒有味道 醬汁難吃 除了賣相 什麼都沒有點出了兩樣難吃的..就說一下比較好吃的吧《越式蒸粉包》是熱騰騰的 應該是剛蒸出來的喔但那個粉皮很厚的 比廣式腸粉皮還要再厚一點還好裡面那些餡料蠻多蠻好吃的 有肉碎香菇蝦米等等《馬拉盞通菜》炒得蠻香的 菜也炒得剛好 蠻青綠色的《生菜包》是用豬肉碎配著一些泰式香料炒香的味道是一點點酸和辣 包著生菜吃蠻不錯 只是不太特別每個人還點了一款泰式飲料 但除了我的椰青之外其他飲料都是沒什麼味道的 這樣每個人還要120元!!都沒吃到和喝到什麼像樣的 太不值得啦~~\_/
繼續閱讀