影片
開飯介紹
餐廳主打和牛海鮮雞煲，設有特色魚鮮湯底，可以無限添加指定食材，另外亦設有定價相宜的午市火鍋放題。
繼續閱讀
營業時間
今日營業
12:00 - 00:00
星期一至日
12:00 - 00:00
以上資料只供參考, 請與餐廳確認詳情
有關獎賞計劃
好耐無見既朋友約食飯，揀左依間係旺角既邊爐，貪佢夠就腳同埋可以坐得耐👍揀左個海鮮套餐，一開始上左個雞煲，甘我地揀左少辣少麻，味道非常好，夠惹味啲配料都好入味。而雞件都唔少，仲好滑，所以叫多左一碟雞食（雞係任食的）👍 之後有刺身食，每樣每人一件但只有三文魚係任食，有d 可惜。因為最好食係啲蝦同埋帶子😂 味道幾好幾新鮮，唔錯👍👍最後就係打邊爐，甘叫左3.6牛奶煲，但湯底就麻麻，因為無咩牛奶味，海鮮好新鮮，隻蝦仲識郁的👍👍 整體黎講都算幾高質，環境比想象中好，人唔多岩曬想靜靜地既聚會👍👍 可以再黎😋
繼續閱讀
今日去食醉雞鍋， 估唔到咁好味， 隻雞又滑又有酒味。雖然我係食lunch 味，但份理都好多， 每個人都有四碟肉😨，其他野仲要任食！ 味道和質素都好唔錯👍 但留意返，可能個人比較細食，食完個雞bo 和牛肉加少少野已經好飽😫大食既人真係更抵😵加返少少個人評分先：菜： 有幾款，款款都好綠好新鮮，每份用獨立的器皿裝住， 鐘意食菜可能要攞幾轉肉：因為係午餐， 肉係定左每人四碟， 但每一塊都比出面既厚， 仲好有肉味！丸類： 個人好鐘意佢個芥辣貢丸，但佢個牛丸都好好味。 其他無試， 真係太飽飲品：如果無記錯， 有四個雪櫃，都放滿左飲品， 自己可以慢慢揀仲有甜品、醬、野飲揀添，真係抵到震呀！強推醉雞鍋！ 必食呀！
繼續閱讀
第1次寫食評😂見好多香港人都唔選擇留港消費，覺得遇到好既餐廳，要寫返個食評係，支持一下，以免執笠🥲之前一直食開麻甩爐既大埔分店，每一次去質素同服務態度都好好，今次去旺角分店食lunch 放題，真係勁抵食，2個人埋單先$260!!重要食到好飽牛肉既質素好好，雖然係定量左，每人好似有3定唔知4碟，但重有其他自取既菜，種類唔算多，但係每樣都好新鮮同高質素。如果大家重係留港消費既話，不妨去試下呢間雞煲打邊爐
繼續閱讀
與朋友於3月9日 (星期六) 中午試過卜卜蜆煲連自助火鍋後, 發覺此店無論食材, 味道超正之餘, 勝價比高, 絕不欺場. 於是決定一星期後, 15號 (星期五) 晚市再去一趟. 坦白說, 兩次均吃到滿載而歸! 大力推介此店, 必定令大家一試難忘! 其實認識此店乃透過社交平台的廣告. 得知此大埔店出名且受歡迎. 剛巧得知此旺角店早一陣子被人整蠱, 數晚有人透過 openrice 共 booked 了十張檯😩,最終沒出現, 以致 walk-in 客未能接待, 因此得罪了 walk-in 客; 故且拉朋友來試下! 坦白說, 沿油麻地至旺角彌敦道大街小巷實在太多食店, 位於大街的旺角店鋪租一定不平, 加上北上貪平的人太多了, 生存一點也不容易. 午餐:選擇也不少, 因我不好牛, 朋友與我一起選了A餐 - 美國黑豚肉片套餐100分鐘的半放題, 兩人共有6碟肉, 肉料高質, 非凍肉店的便宜貨, 大片, 食出豬肉鮮味😚. 湯底則選了混你個醬卜卜蜆鍋, 蜆鍋上檯大件又新鮮, 煮熟後極鮮甜, 醬汁惹味, 不過咸, 滿分👍! 食完蜆後在櫃取菜時, 才得悉除了雪條,雪糕外, 其他包括丸類, 餃子, 曫鈴, 魚皮等等全部任食 😄😁, 喜出望外! 不客氣了😅! 所有丸子全部試了. 99%高質, 除了雲吞較水餃遜色🤣. 尤其兩款日本小食, 包括中華沙律和螺肉同樣高質, 尤其螺肉 , 粒粒分明, 不會被一 'pat' 醬汁黏住數粒, 更不像坊間有些店舖感覺存放了很久!最後, 二人埋單連無限添飲的飲品, 只收$260, 超抵! 飲品款式亦多. 晚餐:我和朋友選了五重奏套餐, 包括無限飲品和雪糕,雪條!先上檯的是一隻凍蟹, 鮮甜,非常吸晴; 而冰火翡翠螺依人頭計, 共2大粒, 辛辣. 剌身拼盤, 尤以大蝦最為出色, 連我不好甜蝦的人也拇指大動👍. 海洋拼盤更不用說了, 擺盤靘之餘, 已串在竹纖上的蝦仍嘗試掙扎, 證明了其新鮮程度. 食到欲罷不能😂🤣. 晚上嘗試特濃花賿雞煲 (每位加$20), 花膠片不薄, 非便宜貨, 煮得軟滑, 好食! 湯甜. 最後是對雪糕和雪條的評價, 因不好榴槤的關係, 就算有許多榴槤雪條也與我們無關. 而甜筒則因品牌關係沒有吃😅. 朱古力夾心雪條尚可, 至於椰子包芋頭雪條則較普通, 因個人較喜歡全條椰子雪條多一點. 芋頭雪條實在非我杯茶.總括而言, 所有食材都非常出色, 除却雪糕雪條.否
繼續閱讀
今時今日香港人一到周末便北上，貪內地食嘢平夾抵，其實本地一樣有又平又抵食嘅舖頭。大家不妨留港消費，幫吓香港小店。「麻甩」的中午邊爐套歺只可以用超值嚟形容，我哋今日揀咗$108一位，食足100分鐘（如果食60分鐘更只要$88），另加$10 任飲無酒精飲品套餐包每人九片份量十足嘅美國黑豚肉（係厚身的不是薄如紙那種，以我哋兩個女士嘅食量已經好足夠），另加任食各款任食蔬菜（有娃娃菜、西洋菜、西生菜等）、各式肉丸（牛丸、貢丸、陳皮魚丸、龍蝦丸、海膽丸等）、水餃雲吞等。午市有四款湯底任揀：混你個醬卜卜蜆、蕃茄朱骨、香茜胡椒豬骨同上湯金柳素翅冬瓜鍋底，每人加多$20更可以揀特色湯底如特濃花膠雞煲、招牌麻甩雞煲等我哋揀咗卜卜蜆湯底，d蜆大大隻又鮮甜，湯底味道好濃加埋黑豚肉真係好好味，d肉丸同水餃唔係雪藏貨好高質如果男士或大食人士加$40 仲可以任食肉類，真係一啲都唔貴。我地最後埋單只係每人$130，已經大滿足到夜晚都食唔落飯，走時已book 定星期五放工去試佢地嘅晚市邊爐套歺，除咗有午市嘅特色湯底外仲加多一個雞煲，外加肉類各式丸類仲有海鮮併盤同新鮮魚生送，勁期待呀
繼續閱讀
您可能會有興趣的...