影片
以上資料只供參考, 請與餐廳確認詳情
今天放假，與家人來吃午飯。差不多二時，職員剛巧放了下午茶特價點心紙，於是便點選特價點心。兩個人，叫了四個點心加一碗湯瀨。紫菜蠔仔湯瀨 ($11.8)：瀨粉份量頗多，很滑。蠔仔有十幾粒，味道不錯。紫菜有一大撮，很焾，不錯。蝦餃 ($14.8)：餃皮略厚。蝦十分多和大隻，新鮮爽口。鮮蝦菜苗餃 ($10.8)：餃皮略厚，不過煙韌中帶點軟熟，還算不錯。餡料有很多菜，蝦新鮮爽口。蛋黃麻蓉包 ($8.8)：麻蓉包現在已很少有，難得有此點心，當然要試試。包身尚算軟熟，但不夠熱。麻蓉餡份略少，但甜度適中，甜而不膩。蛋黃有一小塊，份量不多，所以不會覺得很油膩。紅豆沙 ($1.8)：不太甜太膩。雖不是很稀，但不夠起沙，也欠缺陳皮的香味。綠豆沙 ($1.8)：［沒試］家人說一般，不是煲得很靚。埋單連茶錢每人$5及加一，共$66，很抵食。不過點心上菜速度十分慢，蒸點心等了半個小時，其他枱也有人埋怨等了許久都未有點心或甚至是漏了單。似乎店方要改善一下服務。
繼續閱讀
假日遊遊盪盪走出柴灣，沒事辦便找個地方歎茶，來到這間街坊酒樓碰著特價時段，就點幾款平價點心試試。意想不到四款食物全部肥佬，七彩炒米粉只有兩條紅蘿蔔和蔥條，不理解「七彩」之名何來？米粉完全缺乏味道，實在教人忿怒！天津菜肉包的包皮厚過綿被，內餡實在太少嚐不清有何用料。潮州蒸粉果亦是「厚面皮」之作，裏面沒有加入花生很是失色。豉汁蒸排骨是較佳的一籠，味道算是可取但排骨太多肥膏，沒肉食矣！雖然是做街坊生意，但質素如此也怕難留客了！
繼續閱讀
年初二同屋企人去（六人），基本上枱枱都滿，但係冇人等位～金珠鹹水角：皮太韌，傳菜員一送到嚟就即食都已經唔脆，有d難咬，但味道尚算ok；香芋肉碎炸春卷：同樣係皮太韌，好難咬，芋頭唔香唔粉仲有d硬，唔好食；快樂蝦餃皇：蒸到乾哂水，但最離譜係佢送嚟ge時候我地冇睇清楚，之後發現其中一隻蝦餃ge皮甩咗一半，d蝦肉都露哂出嚟；蠔皇叉燒包：ok；金牌流沙包：完全唔配流沙包呢個名，佢根本唔係流沙包，因為裡面d餡都係餬狀，流唔郁，而且餡太少，皮厚，蛋黃粒太大而令到食落去覺得好硬；香煎蘿蔔糕：中上，一般酒樓ge水準，對於佢其他食物ge水準嚟講，我覺得已經好難得；蜜汁叉燒腸：似乎佢呢度d點心都有皮過厚呢個問題，叉燒腸亦唔例外，而且係厚得好恐怖，食落口ge時候我以為自己淨係食緊一舊粉；荷香珍珠雞：呢個真係完全接受唔到，爆咸，超級差；蠔皇鮮竹卷：還可以接受；蟹籽燒賣皇：唔好食；豉汁蒸鳳爪：味道都可以，只係賣相差咗d，望落去好似放咗好耐咁樣；瑤柱權湯餃：中下作品；蘿蔔絲酥餅：呢個好味，係成桌點心中唯一一樣值得讚ge點心（我本來仲以為佢最好食ge係白灼菜心），蘿蔔絲同佢個酥皮配合得幾好，正；蒜香蒸肉排：其實即係蒸排骨，唔知點解命名為肉排，佢冇特別多肉，根本係一籠排骨，但味道都還可以．整體嚟講，佢d 嘢食係彈多過讚，但係喺柴灣，酒樓ge選擇實在太少，如果係同屋企人食ge話，或者都仲係會去，因為有老人家唔適宜去太遠ge地方，但係如果有得比我揀ge話，我唔會太想去lo~
繼續閱讀
柴灣區既酒家都唔少，大家競爭非常大，眼見做唔住轉手既有很多，呢間快樂海鮮酒家剛剛轉左新老細，因為飲過幾次早茶都好滿意，所以昨晚同家人到來食飯預祝中秋節。多寶魚, 魚新鮮，鼓油汁做得好味，令至條魚更好味。冬瓜盅, 家人話材炓唔夠多，湯唔夠味，我自己就覺得無問題，都過得去。瑤柱白菜仔, 味道一般生炒骨, 非常脆口，味道非常好，讚！腐乳通菜, 唔會太鹹，味道適中士多啤梨炸蝦球, 外脆內軟，偏甜左少少，唔夠士多啤梨味，但都非常好味！薑蔥炒蟹, 我自已對食蟹無咩興趣因為好多時都會有損傷自已個口，所以寧願唔食，但都食左少少，都幾好味, 但價錢稍貴。脆皮燒腩仔 我的至愛，飲早茶食過多次，今次唔例外，一定要食，皮脆肉嫩，香口，食過返尋味！六人一共 $626
繼續閱讀