影片
開飯介紹
提供正宗日本料理大型連鎖餐廳，食物選擇豐富包括刺身、沙律、燒物、天婦羅、石鍋飯、鍋物等。務求令顧客可以在休閒舒適的環境中品嚐最當時得令之料理，體驗日本飲食文化。
繼續閱讀
營業時間
星期一至五
12:00 - 00:00
星期六至日
11:30 - 00:00
以上資料只供參考, 請與餐廳確認詳情
招牌菜
響我寫食評個陣，竟然發現結業， 真係晴天pig力，沙田和民係我好鍾意開餐既地方，次次都要等成半點鐘以上，點解會結業架！嗚... 新界又少一間和民，唉！有日同媽媽睇完電器就同佢黎食，和民沙律可以叫半份就岩晒我地兩個人，菜好新鮮，味道好，鐵板牛肉，牛係自己燒，生熟程度自己控制，肉好＂林＂，三文魚係媽媽最愛，魚夠新鮮，但係同樣飯都凍同硬左d,苦瓜天婦羅好脆但有d油，綠茶吐絲外型加晒分，食落同樣唔錯，大吐絲內有好多小吐絲，加埋雪糕食，一凍一熱
繼續閱讀
今天放工去左沙田行街，可能因為聽日假期，沙田超級多人，揾左好多間餐廳都話要等半個小時以上。最後決定放棄，眼前見到和民，所以唔理啦，衝去羅飛等位今日想吃啲唔好太油膩嘅野，所以即時諗到沙律，友人叫左個豬排飯諗諗下叫多左個小食比自己，至愛wasabi和民當然唔小得食甜品啦，試左咁多次唔同嘅甜品，最鍾意都係呢款。紅豆加綠茶，完美組合.和民啲野食間間差不多，水準OK，不過好似細份左啲
繼續閱讀
位於沙田新城市廣場的和民居食屋經常性地客似雲來，若非某信用咭會員，基本上是不設訂座服務，因此不論晝夜，和民門前必定聚集一眾人們在等位，一等便動輒一句鐘，但食客們毫無怨言，等候期間有傾談的、手機上網的或傾電話打發時間的各自各精彩，可謂將堅毅與耐力這特性表露無遺。要了解為何這食店有如斯魅力，相信離不開食味吸引度、食店位置方便以及價錢合理這三個鐵搭擋。曾經是沙田友的我竟然一直未曾光顧，是因為好多時被長長的人龍所嚇怕，難得某天晚上因緣際會路經此地，加上友人極希望來這裡用餐，既然如此，那好吧! 果然不負眾望，45分鐘後我們入座了。走進和民裡，是紅、啡與黑色系編織出具時尚感的和風格調，有別於一般居酒居，室內環境光線較昏暗，但仍有盞盞微燈引路，是希望為客人與他的朋友或親人們營造出輕鬆的用膳氣氛。饑腸轆轆，盡量撇除菜單上七彩斑爛的引誘，便以秒速下了決定。要注意二人餐桌的桌面面積頗細小，多點一些菜就會出現較擠迫的現象。雞腿肉串先來個雞腿肉串作小吃，上桌時認為雞皮燒得可以再焦黃些，放到咀裡，意想不到是剛燒起的熱度十足，雞肉不算嫰滑多汁，但調味得宜，雞肉附著點點油脂甘香，洒上鹽花同烤的擁有微微焦香又不失惹味。三文魚刺身這三文魚刺身形態頗有動感，一客六片的厚薄適中，肥美亮澤、魚脂分佈平均，食材雖不算最上盛，口感亦同樣嫰滑豐腴。溫泉蛋凱撒沙律很喜歡這個凱撒沙律的新鮮感，除了晾得夠乾水的爽脆生菜和惹味煙肉片作基底，食店以類似餅底質感的芝士薄片取代傳統脆麵包粒和Parmesan Cheese 的位置，是二合為一的版本，多了份濃郁鹹香又沒有減低鬆脆口感，醒胃的凱撒沙律汁與嬌豔欲滴的溫泉蛋液混在一起形成濃稠滑溜的汁醬，讓所有食材都能沾勻，配合洒在面頭的芝士粉，食味和口感皆豐富。海鮮石頭鍋飯店員先端來一個木盒包裹著石頭鍋飯，免得燙手，接著細心問需否拌勻，由於還要拍照的關係，我們善意拒絕了。大大個鮮黃色的生雞蛋黃放在鍋面已夠奪目，材料有小帶子、蝦和蟹籽，份量不多，味道不要期望是鮮味的，中規中矩。這個石頭鍋燒得滾燙，著實聽到飯粒在鍋內遇熱發出劈哩啪啦的聲音，喜歡吃脆飯焦的索性放置久一點才攪拌，吸收了海鮮、雞蛋黃、葱花和紫菜的香氣，煙韌焦脆的過癮口感，同時吃得全身溫暖，是冬季之寶啊!清酒煮蜆蜆肉不算特別飽滿，但每隻蜆都破口而開的，沒有只剩空殻而不見肉的情況。慶幸浸蜆吐沙的工序做得不錯，避免了咬到滿口是沙。吃不出清酒味道但奶白湯色味道清香鮮甜，我也忍不住喝光了。海鮮相撲火鍋將三文魚片、蜆肉、魷魚、雞肉、豆腐、油揚、冬菇、大蒜、椰菜和黃帝菜放入香濃湯頭中涮煮，份量十足。除了菜蔬算新鮮，其餘的味道都沒有多突出，雞件的雞皮很肥厚並有陣很重的臊味和雪味，吃不下口，當中以油揚和豆腐是較為美味。魷魚燒原隻醬燒魷魚肥大肉厚，賣相極為漂亮，烤得香氣逼人又不過份乾身，肉質軟中帶脆又不致過韌，紫紅色的魷魚外皮帶點嚼勁，塗滿惹味醬油香的魷魚一定要蘸上滋味蛋黃醬同吃，是我的心水推介。青柑桔柚子蜜梳打冰凍的大大杯份量充足，青柑桔味道酸咪咪，清新解渴，混入柚子蜜，香甜潤喉。來居食屋的目的日本人上居酒屋大多會點酒後點菜，他們認為藉著喝酒的過程何以令心情和精神得以放鬆。在香港，我們則習慣點滿桌菜餚，不太介意是酒或是普通飲料，只求與親友們共治一爐、大吃大喝一番才是輕鬆快活的泉源。其實無論是著重杯中物抑或美味菜式，能夠在氣氛舒逸的居食屋中談談天、說說地，較鬆寫意地共渡歡樂時光才是重點!
繼續閱讀
今日一班同事去沙田食lunch,揀左和民。我叫左吉列豬扒午餐配凍檸茶，吉列豬扒跟蘿蔔醋汁，餐仲跟沙律同埋面豉湯。沙律真係不用多說，例牌幾粒粟米粒和2片生菜，面豉湯都係一般，吉列豬扒好大好厚，不過炸皮唔脆，冇豬肉味的豬扒，個醋汁真係麻麻地，碗飯好在係熱的，凍檸茶ok，如果以$68仲未計加一，咁就算貴喇！
繼續閱讀
去完海洋公園，去到沙田已經 9:00PM 了，原本BOOK 左8:00PM，知道趕不及打去餐廳改 9:00PM，好在有得改時間啫~由於MAMA有和民卡，可以BOOK枱，生日仲有$100 CASH COUPON，正日仲送一杯特飲，所以好多時生日都去和民食的~自從大埔和民摺左，已經少左好多去和民LU~由於唔係太餓，只係點左6樣野+2 杯飲品1)炸章魚餅 $26熱辣辣的煎炸小吃，次次都會點，好多章魚粒係入面，好食~2) 炸蝦SUSHI $48D飯好散，一夾即爛，唔掂3)火炙雜錦SUSHI $66有3款共6件，三文魚，帶子&熟蝦，賣相好，但帶子好細唔片，無乜趙頭~4)海鮮斧飯 $58有個火係到烘住D飲，熱左就放蟹子撈好即飯，但鹹到爆，D飯又好爛，依款新野叫唔過5)海鮮沙律WITH 拉麵 $48比左一碟日式麻醬，加埋一起好FRESH，好開胃~6) 天婦羅冷喬麥麵 $53BABA激贊，話D冷麵汁好正，好香又唔鹹，仲有炸蝦同茄子，好抵食咁話WOR~7) 青檸可樂 $23呢杯係特大飲品，個杯好巨型的，我飲左淡，幾好飲，而且和民好細心地已經篤好青檸~8) 士多啤梨疏打 $28生日送$30 以下飲品，我揀左依杯，疏打水好夠氣，都幾好飲，係冰太多搞到飲好少可以飲~用左和民卡，有95折，同生日$100 COUPON，只係$237~ 好平AR~
繼續閱讀