影片
電話號碼
26994816
營業時間
今日營業
06:00 - 18:00
星期一至日
06:00 - 18:00
以上資料只供參考, 請與餐廳確認詳情
佢嘅燴意粉係我食過茶餐廳最入味嘅燴意粉！其他茶餐廳嘅燴意粉都係純粹炒埋一齊 但係啲意粉都無味 但係呢間嘅燴意粉係最有味同多汁架！佢仲有豬扒/雞扒/公司燴意粉….等等 因為好怕無咩人知無人叫黎食就會係餐牌上消失 所以決定推介下呢個意粉😋
繼續閱讀
呢間車仔麵店除非車仔麵仲有好多選擇單下午茶已經有一張A4係講緊茶記嘅餐牌仲有常餐同車仔麵揀我就叫左個叉燒菜脯炒飯始終車仔為主係無咩鑊氣同埋調味差啲野飲正常價錢幾平
繼續閱讀
平時都有黎踩單車，不過今日踩到黎呢邊開始肚餓，呢到方便鎖單車，啲野食又不是貴食物粟米魚柳飯老實講:啲粟米汁就唔係好夠熱..但魚柳有翻炸！係ok嘅…啲辣椒油都香辣沙嗲汁腸仔豬扒飯呢個都好食！不過略嫌啲沙嗲汁唔夠多🫣豬扒係炸嘅！好有豬扒味，又唔鞋呢個價錢抵❤️熱咖啡呢個呢…人哋話想消脂😂結果杯咖啡苦到…好濃嘅即沖咖啡☕️凍檸茶嗱！凍飲都係+$1姐😂茶餐廳緊係要飲凍檸茶🍸茶底好，檸檬鮮~甜度岩岩好
繼續閱讀
今日係想同大家介紹吓沙田區好食嘅茶記呢間茶記個門面唔係幾好行過有時都唔會發現到佢但係呢一間平民茶記就係做街坊生意做咗好多年來親呢度個個都係熟客同老闆娘有傾有笑呢間茶記無論午市同下午茶都有好多選擇有炒粉麵飯、車仔麵、炸豬扒韭菜豬紅同撈丁都有不過我每次去親呢間茶記第一時間都會諗起佢個芙蓉蛋飯！因為實在太過出色佢個芙蓉蛋飯我諗係我食過咁多間茶記之中都有頭三甲首先佢啲料好足有好多叉燒火腿洋蔥同蔥花足料之餘好夠獲氣最正係佢煎到有少少燶邊加埋佢個甜豉油 認真一流另外凍奶茶最重要係個茶膽佢濃得來有啲甘味喺我心目中又係數一數二
繼續閱讀
特價外賣自取午市套餐包紙包飲品＄35🥢椒鹽豬扒飯👍豬扒size比較細件， 但係質地唔差， 而且個椒鹽醬汁非常惹味好食， 飯嘅質地唔錯而且飯量充足🥢芙蓉煎蛋飯👍芙蓉蛋非常足料，有叉燒、火腿及洋蔥， 煎得唔油膩好乾身， 味道適中， 飯量亦非常充足35蚊🤑有個好食又抵食嘅外賣飯盒仲有紙包飲品送（得一款無得 揀），的確係外賣首選👍，不過要留意🧐，堂食價錢係唔同㗎😉魚堅總評性價比 4👍(以5👍為滿分)
繼續閱讀
您可能會有興趣的...