影片
開飯介紹
霸王山莊於二零零三年開業, 為顧客提供京、川、滬、杭等中國名菜。其自家創製之「麵霸王」及「點心霸王」兩款系列食品更是獨一無二。
繼續閱讀
營業時間
星期一至日
11:00 - 23:00
以上資料只供參考, 請與餐廳確認詳情
招牌菜
食評 (83)
今日去左沙田拎D野，順便食個 <霸王TEA>叫左個茶餐 : 酸辣湯麵+馬豆糕+凍柚子蜜 $34唔知幾時開始變得好鐘意食酸辣食物，e.g.酸辣湯、冬蔭公 係突然咁轉左口味，以前最怕就係食又酸又辣既野喇~ HAHA，人大了口味變化真大，人哋就話大肚姐姐鐘意食酸辣野啫，咁點解我會咁呢，真奇怪!依度既酸辣湯係令我成日心思思想返來食的，夠酸又夠辣，調味很好，次次嚟都係依個味，而黑金剛是指D麵條，我好鐘意食D煙UN既野的，不過當我食過冬蔭公公D煙UN 薯粉後，依度既金剛麵已經無咁鐿意食LU~ 唉，我又變心了，以前初初食黑金剛令我感到驚為天人，今天再來，已經無左之前既驚艷LU~甜品為馬豆糕，馬豆糕D豆未煲淋的，好硬的，唔好食啊~凍柚子蜜夠凍，不過好少柚子蜜，唔夠甜AR，甜D好飲D MA~
繼續閱讀
本身一心想食「霸王」北京填鴨, 但大左肚, 老公仔唔俾食, 於是點左以下東西:紅油抄手: 豉油太甜了, 差點蓋過辣味! 叉燒薄脆卷餅 (忘了原名, 自作): 雖然不是該店推介, 但口感特別, 有驚喜! 擂沙湯丸: 趁熱食, 相當好味, 不過燙口, 小心! 蒜泥白肉: 賣光, 掃興啊!
繼續閱讀
是次我地揀星期日，咁就可以出街食其他野啦，去呢間＜霸王山莊＞係哥哥揀嘅，我就Book咗1830，我打電話Book枱時佢話分兩個時段：６點及７點半。吓？我問可唔以６點半呀？佢又話得喎，８點交枱，即係食個半鐘，以我地家人來講，個半鐘當然夠有凸啦。呢晚我地好準時６點半去到問有枱未？其實當時已經見到門口有人開始等位，但職員都話有枱喇，帶咗我地入去最裡面的位，冇出面咁嘈，都幾好，你知啦，而家好多食店為求做多幾枱客，冇咁多位都會收過多Booking架嘛，一去到就有位唔使等張枱又大，的確係幾好。通常我地出街食飯都係每人要揀一個餸嘅，揀完後再睇吓仲有冇其他野想食，夾好就點菜。是次點咗：①﹣馬蘭頭拌豆乾 ($62)②﹣霸王小籠包(４個) ($32)③﹣青椒毛豆乾絲跟薄餅(杭) ($68)④﹣嘉興梅干燒肉配饅頭仔 ($88)⑤﹣砂鍋雲吞雞(半隻) ($148)⑥﹣霸王炒飯(杭) ($69)⑦﹣草莓桂花糕 ($22)（飯後才點的甜品）﹣茶位(位) ($8)﹣小食(位) ($5)﹣加一服務費5人＝Total $609我地一行５人，只有２小碗＜小食＞，仲要每人收＄５的小食，雖然係幾好味，不過好貴囉。今次我揀咗＜馬蘭頭拌豆乾＞，第一次也是唯一一次食都係我第一次去上海的《上海老站》食嘅，果次食完真係覺得好好味又靚，可惜今次食後感到大不同了！睇樣都ＯＫ靚仔嘅，可是麻油味過重也過量了，豆乾又少，我地５個人個個都話呢個唔惦，只能食到麻油味同一丁點馬蘭頭味......我就好失望啦。＜霸王小籠包＞皮薄肉餡都唔錯，湯汁鮮甜唔死鹹。＜青椒毛豆乾絲跟薄餅＞炒得唔夠乾身，油了點，睇落醬汁好多以為會好鹹，又唔算太鹹，味道都ＯＫ，反而跟的薄餅煙煙韌韌，仲受我地歡迎。＜嘉興梅干燒肉配饅頭仔＞...嘩，好肥呀！我當然冇食，不過家人就好似好鍾意啦，好快已經清咗，不過就淨下好多梅菜，因為真係幾鹹，有饅頭仔夾住食都鹹哩，同埋饅頭仔只有５個，太少啦，唔夠用來夾餡食呀。我又係第一次食＜砂鍋雲吞雞＞，好白痴地先知道原來真係有雲吞架...哈哈哈哈..XD呢知好好味，正！個湯好鮮甜，雲吞大大粒，雞又滑，菜又新鮮。＜霸王炒飯＞炒得都尚算乾身，不過就普通咗Ｄ。食到最後媽咪問有冇甜品？所以食到最後先叫呢個＜草莓桂花糕＞，第一次見用草莓，都幾特別。桂花糕都幾甜，有塊普通厚到的草莓，一點點酸，我唔鍾意食甜野都覺得呢個唔錯。呢餐埋單都要６百幾，抵食就唔算架喇，不過起碼食物都幾好食，環境唔嘈燈光照明坐位都舒服，雖則唔係物超所值，但起碼算叫做物有所值已經好好喇。都可以翻兜嘅~~
繼續閱讀
住在沙田近一年，第一次來霸王山莊，兩個人，四個菜一共260HKD。霸王小籠包 味道可以，但32文才四個擔擔麵黑醋排骨鍋塌豆腐果然，這種店還是得人多才能吃好。味道還可以，也抵食，就是價格實在高，不過如果有優惠會員卡，應該會平不少。
繼續閱讀
友人話去完旅行返黎有手信，且手信快到期要火速交收，所以就約出黎食飯小聚喇！早兩日打黎訂位，店員問要唔要訂片皮鴨，因製作需時，預先訂的話，坐低十五分鐘有得食。三個人密密針究竟食唔食得晒一隻呢，有冇半隻架呢？最終括出去，一於三個人一隻片皮鴨啦，當然係叫一食啦！早到左十五分鐘，安排了靠邊的圓枱，比較迫，我地見卡位有人走，馬上要求調位，店長亦馬上安排，很好。坐低點菜，因為有隻鴨，就住就住唔敢叫太多野。每人點一樣，我搶先揀左小籠包，友人就點左口水雞同埋上湯菜苗。首先黎o既係口水雞, 是日係夏至, 我地專登搵呢個涼菜, 點知黎到唔夠凍呀, 有d失望! 雞都很香, 有酒味, 但係因為唔夠凍, 影響左整體個味道, 晒左呀~跟住就黎小籠包喇, 層皮厚薄適中, 唔會一夾就穿漏晒D汁出黎, 一啖擺落口, 好味! 食完兩樣野，鴨黎喇，可能喺走廊位，店員話拎去後面片皮再上，就係咁冇得影隻鴨嘅全相，亦都冇得睇住佢片囉！呢度啲片皮鴨都幾好味，冇乜肥膏唔覺肥，有淨皮，亦有啲係連多啲肉嘅，冇咁漏，但真係好多，食極都仲有，仲有兩籠薄餅皮跟上添，每塊餅中間都有紙隔住，唔駛痴埋晒，好細心，可以夾青瓜及大䓤一齊吃，但青瓜太少了，好彩有得再添咋！最後仲有上湯菜苗, 湯夠濃味, 菜苗亦很嫰, 不錯吃~由於轉左坐卡位, 坐得好舒服, 店員亦有及時換碟及加水, 服務不錯! 七點半入座, 食下傾下坐到十點幾關門先走, 哈!
繼續閱讀