影片
以上資料只供參考, 請與餐廳確認詳情
本來午餐想吃喜萬年的,但多人到要多等一個鐘才有位,便決定轉地方. 好在敘榕軒有位...這兒的點心真的不錯,在酒店內的酒樓.以為會貴一截,但好彩都不是且有水準,還吃了义燒飽,奶皇飽,春卷,豉油皇炒腸粉,鮮cheuk卷,牛肉球,排骨...但沒有逐一影相呀!金鐘灣仔食飯真的越來越貴,這兒飲茶的價錢都算不錯了,但不能每天都這樣.
繼續閱讀
五月三十日 (星期一)來到新公司,人生路不熟不過,世界真細小老公仔的新同事之前在我的新公司工作,她的舊同事又是老公仔的舊同學呢相認了,我們相約飲茶去之前未曾聽過這間酒樓座落於榮式雞扒對面的酒店內食物質素真的不錯其中最值得推介的有魷魚鬚用了七味粉炸外脆內嫩,肉質豐富燒味併盆這裡的燒味真的很不錯肉質新鮮,又不覺太肥膩蜜糖雞翼老公仔的至愛甜度適中,雞翼肉質又夠嫩滑蝦餃很簡單-皮簿餡靚,蝦肉很爽!每款點心小菜都是水準以上之作完全不覺得馬虎…難怪我的新同事喜歡常來到這裡飲茶我們五人吃得很飽,每人約$100的價錢(加上用staff card有九折)相比起在中環的酒樓動輒百多元一餐(質素又不是太好),這裡的確是經濟實惠!
繼續閱讀
1時45分來到，等15分鐘喝下午茶。大廳面積比一般酒樓小，但枱之間空間很足夠，單邊是窗戶，引入陽光，環境也不嘈吵，很舒適。1.香芒雪花卷：長條形芒果糯米糍，一碟4小件。芒果蓉味香、加有椰絲的糯米糍煙韌，不會太厚，整體味道口感不錯，但份量太少。2.別有洞天炸兩腸：以為有甚麼特別，原來「別有洞天」是沒有任何意思的。只是一般的炸兩腸，腸粉有蝦米。炸兩不夠脆，是一般酒樓的共通問題。3.蒜香炸雞翼：８隻單骨雞翼，加炸粉炸，香脆不油膩但雞肉稍乾。4.黃金流沙包：甜味適中，有鹹蛋黃香，餡料一半固體，一半流沙，不會太熱燙咀。5.炸豆沙香蕉：外皮脆，不油膩，餡料是紅豆沙及原片香蕉，但豆沙與香蕉的味道不搭配，熱食香蕉怪怪的。進餐環境舒適，食物味道一般，份量略少。下午茶大、中、小點半價，抵食，5碟點心連兩位茶錢只是九十多元。經過可以一試，不用專程來。
繼續閱讀
may 08, 10,9大1小嚟做節,最後都喺揀咗個10人全包套餐 : 1) 錦繡乳豬大拼盤-有牛腱,乳豬,叉燒,油雞同臐蹄-個乳豬皮喺脆嘅,有水準,又薄,無厚厚的肥膏跟住,肉也嫩,不錯-其他4味都合格有餘 2) 翡翠夏果花姿胭脂蚌-個夏威夷果仁就唔喺粒粒都鬆化,有d帶點腍添-花姿沒多大的鮮味-普通 3) 紅燒鮑參肚翅-例牌幾"獻"吓-有冬菇絲,肉絲等-味道可以的,但翅feel就無嘜喇..........都好似食咗都唔覺 4) 鮑汁扣柱脯鵝掌-粒瑤柱大粒又完整,有鮮味,呢個不錯-鵝掌腍,不過唔夠入味,鮑汁味好薄 5) 上湯焗大蝦伊麵-上枱時,隻蝦嘅size大得令人嘩然,你唔會睇得到底下嘅伊麵,好有睇頭-蝦味都濃,尤其食蝦頭的膏時,不過肉質都喺唔爽-伊麵都喺酒樓1貫嘅腍腍哋版本,但個汁都有蝦的鮮味,所以伊麵索埋同食,都可以的6) 益菌竹笙扒菜膽 (走益菌)-因為家父不能食菇菌類,所以要求走菌-1見到好似倒水嘅獻汁,賣相同味道都大打折扣 7) 叙榕軒脆皮雞-蝦片很受小朋友歡迎,炸得鬆脆-隻雞嫩滑 8) 清蒸大海斑-蒸得over咗少少,未至於"鞋"/實,只喺有少少"un"咋-不過唔喺好大問題 9) 飄香鮮蝦荷葉飯-個飯太腍了,1來已經幾飽吓,所以只喺草草食了2口 10) 客家咸茶果-呢個友人話喺全晚最出色的-個皮好軟糯,仲有煙韌度添,又無"痴"牙/黏住筷子,而個餡就喺眉豆蝦米等,唔會過鹹,又惹味 11) 流沙壽桃包-真的吃不下,只見到友人"meet"開個包,中間嘅流沙蛋皇汁漏晒出嚟-外在賣相做足,味道相信唔錯 12) 桑寄生蓮子蛋茶-同我最讚嘅源x比,真喺連車尾燈都望唔到-因為桑寄生落得太多,所以帶咗d微甘味-而隻蛋連表面上色都唔均勻,更不用說入味啦 13) 果盤-用嚟清1清味蕾也不錯呢 14) 果汁+8罐汽水-套餐包咗 15) 白飯-因為我哋要小朋友食咗飯先有汽水飲,你真喺估佢唔到.........菜都未上.........佢即時要求個上個白飯食住先 * 始終喺大節week,主力供套餐,套餐嘅選擇倒很體貼,分別有12人,10人,1/2圍,5人同4人等..........不過侍應嗰晚有點催促落單,我哋人都未嚟齊,就走嚟2-3次想我哋落單
繼續閱讀
外公每年生日都會擺番兩圍，自己人食餐飯開心下，今年定了在衛蘭軒的中菜廳鈙榕軒設宴。之前來過幾次食晚飯，感覺上出品是可靠的。店方安排了一間VIP房給我們，大家飯前可以打麻雀和唱ｋ，各自精彩。兩者都唔太好的我，就揀了遲一點出席，待差不多開飯的時間才到場。食物如飲宴的種類和次序，先來的是乳豬全體。瘦肉夾著點肥肉，外皮燒得香脆鬆化，對辦，是真正的化皮豬。近年飲宴不少，感覺上大部份酒家的乳豬都做得有所進步，是可喜的。當然，有些是從外面交來的。按次序，第二味是芝士焗大虎蝦伊麵。芝士焗的伊麵，必定是香噴噴的，麵底亦做得有咬口，合乎要求；大大隻的海虎蝦，爽口彈牙，好吃。這味雖然沒有龍蝦名貴，但論味道絕不遜色。再後的百花釀蟹拑，同樣是炸的香脆可口，蟹肉彈牙，又夠熱，醮上甜酸醬汁，我也吃了兩隻。輪到翅了，一向對飲宴的翅沒有太多要求，總之見到有番咁上下材料便收貨。而這裡的，有竹笙，翅碎亦不少，還有點蝦肉，都算係咁。還有鮑片鵝掌，鮑片幾厚身，卻不會太韌，亦入味；鵝掌夠稔身，又不會溶溶爛爛咁，也夠味；墊底的西生菜爽脆，吸盡鮑汁的味道，自然好吃。到蒸魚時間，是蒸老虎斑，個人對吃老虎斑有點保留，因為不管怎麼蒸肉質都一定會嚡口。所以一係就豪一點吃星斑，再唔係就寧願走番去食桂魚，起碼肉質是嫩滑一點。魚是材料問題，估唔到炸子雞也不行。肉質雖嫩，不過味太咸，而且雞皮不脆口。個人認為，炸子雞的雞皮不脆，已經不可能合格。瑤柱竹笙扒時蔬，芡汁明顯弄得太厚，吃兩條娃娃菜便收手。之後是糯米飯和水餃，我揀了前者。可惜，糯米飯不夠乾身，吃起來過份糊口，又沒有太多腊味，唔得。甜品是紅豆沙湯丸，糖水甜度適中，湯太皮薄而滑，如果芝麻餡可以多些濃些就更加好；壽包反而有驚喜，很大隻，蓮蓉香甜，蛋黃油水足，再飽也可以吃得下。店方還敬送紅酒和生果，幾款生果都甜美，不錯！老媽子第日晨早要返工，生果仍未吃完便忽忽回去。
繼續閱讀