影片
港鐵灣仔站 A1 出口, 步行約5分鐘
繼續閱讀
營業時間
星期一至六
09:00 - 22:00
星期日
全日休息
以上資料只供參考, 請與餐廳確認詳情
依間魚蛋皇食過幾次....雖然環境一般, 裝修是普通茶記的裝修...也坐得比較迫,其他食物普通...但牛腩整得相當有水準...而且招呼有禮！等候時間合理,唔會話等好耐！今日中午叫了個牛腩河同腐乳通菜！牛腩肥瘦適中，入味又唔韌，份量唔少，起碼有六七舊！牛筋軟淋，入口即溶！其實夾起嗰陣時已經感覺到好淋。湯底加了腩汁，有濃郁鮮甜的牛味~~河粉吸收了腩汁超好味呀！食完意猶未盡！腐乳通菜啲通菜夠翠綠同新鮮、咬落爽口！腐乳醬份量又啱啱好！
繼續閱讀
其實每朝返工經過呢間鋪果陣, 都聞到好香. 心成日想入去試下, 終於今日Lunch time走嚟試~~都好多選擇,最後要了牛筋河同油菜...牛筋河，炆得入味，又有膠質柱候牛腩醬夠入味、份量十足。河粉選用較細既河粉，相當滑溜！湯偏咸及重口,可能過多腩汁！倘若愛辣之人記得要落辣椒醬，味道會加分啊！油菜係腐乳通菜, 腐乳適量通菜爽口嫩綠！賣相得入口亦掂~午市時候雖然要搭枱,四十零蚊已經食得好開心,完全冇壓力｡雖然地方唔係好大,環境我覺得接受到~
繼續閱讀
性價比超高的一間潮州粉麵館。疫情期間任何粉麵加10元可以送油菜和飲品實在超划算，所以進來試試。點了最基本的雲吞麵+腐乳通菜+熱齋啡才38元。性價比爆棚。不過老實話雲吞麵做得一般般。雲吞粒比較小，湯底也不是正宗雲吞麵湯底。不過味道還是可以的。再加上這個價錢你實在不能要求太多。腐乳通菜還可以，只嫌腐乳醬實在放得太多太咸。反而我最欣賞是那杯熱咖啡😂這裡裝修算是乾淨。服務屬於正常水平整體不過不失。想便宜點吃一頓的話是值得推薦。
繼續閱讀
前兩日同同事去左位於灣仔嘅潮隆泰食晏, 之前同事試過呢間餐廳, 話lunch幾抵食大食妹一於去睇一睇<京都炸醬麵>大食妹嗌左份炸醬麵, 份量唔會話好大, 但炸醬幾足料甜甜嘅炸醬撈麵食味道唔錯仲有送湯, 俾你食落唔會覺得太乾加多10蚊仲可以跟菜同飲品, 大食妹揀左通菜腐乳太多, 有啲太咸, 建議大家叫腐乳另上, 咁咸度就可以自己調整<凍檸茶>凍檸茶味道standard, 不過不失Overall, 42蚊可以食到咁多野, 潮隆泰嘅性價比可以話係above average
繼續閱讀
公司附近的潮式粉麵店，本身已經算抵食，最近推出抗疫價，加10蚊有油菜同飲品！食咗墨丸河，墨丸做得唔錯，算係彈牙，唔會好似食緊一團麵粉咁樣！佢地用嘅係較幼身嘅河粉，食落夠滑身，亦唔會一夾就斷，比好多粉麵店出色！加咗一碟通菜，睇得出呢個腐乳汁係有誠意嘅，色澤金黃油潤，舖滿在菜面，食住啖啖沾滿腐乳嘅通菜，都幾有滿足感！附帶一提潮隆泰嘅辣椒油做得出色，辣得嚟夠香，亦無一般潮洲辣椒油咁咸，為碗麵加分不少。總體而言，潮隆泰性價比高，環境乾淨衛生，服務都唔錯，會繼續成為我同同事嘅飯堂！
繼續閱讀