影片
港鐵粉嶺站 A1 出口, 步行約4分鐘
繼續閱讀
營業時間
星期一至日
11:30 - 21:30
以上資料只供參考, 請與餐廳確認詳情
又係粉嶺，又係晚飯今晚經過1條好偏僻的捷徑，竟然有間餐廳。入面都有唔少人，試下先。入去樓面非常光猛，直頭有d光高頭，和門口黑漆漆形成強大對比。地方十分整齊及乾淨，感覺都算幾好。坐位都很舒服，沒有太迫。去到收銀order左個特盛麻辣牛肉飯，打算用paywave比錢。Paywave功能同八達通差不多，但佢要竟然要夠$150先可以用。重點來了來自天堂的牛肉牛肉出奇地非常好食! 刺激的麻辣令人十分回味，肥瘦剛好，洋蔥使牛肉鬆軟，但又郤十分有彈性。 此味只應天上有，人間難得幾回魂!地獄的白飯無飯點會飽! 但這碗飯真係使我好失望。好硬，放唔夠水，根本就未熟。點樣可以用電飯煮出咁硬的白飯，絕對唔簡單。就算自己無食過，負責畢飯的時候無理由會唔知道。我認為這底級錯誤是沒法原諒，而且知錯不改。
繼續閱讀
今日黎到粉嶺，見到有間最新既連鎖餐廳，加藤屋，一於入去試下新野內部既裝修好光鮮乾淨，但係午膳時間得小貓三四隻。入到去見佢d食物好似另一某連鎖餐廳，但係價錢就比較便宜，第一次食就試吓佢個最普通既牛肉飯啦，可配飲品或者湯唔夠飽既話佢仲有個特盛餐牛肉切得比較厚身，食落去感覺到比較韌，肉質鞋口左少少，牛肉汁味道上還算可以，但無叫多汁，搞到個飯有少少乾不過值得一讚係佢個麻辣牛肉飯，日式既牛肉飯配上中國氣既麻辣，出奇地夾麻辣汁最重要既麻同辣都做得唔錯，食落口真係有麻既感覺，而且辣味又唔算重，岩晒我呢d唔食得辣又想食麻既人！準備離開既時候突然黎左廿幾個學生，全場即刻爆滿，原來岩岩隔離間學校放午膳，所以下次要就岩時間過黎埋單39 幾抵
繼續閱讀
睇到唔少關於加藤屋既負面食評. 最近試過幾次, 有唔同既睇法.第一次黎食係農曆新年之前, 係附近購物時先知道佢開業, 又有未曾試過既麻辣牛肉飯, 於是普通 size 同中辣試下, 感覺係有四川麻辣既花椒味, 但同辣椒味一樣較輕手, 個中辣可以話係小辣, 而最大既問題係牛肉切得較厚, 煮出來比較韌, 同邁唔夠肉汁, 令碗飯幾乾身. 整題上有改善之處, 同埋我想如果落單時有所準備, 效果可能會更好, 所以...第二次黎食係上星期五, 再 order 麻辣牛肉飯 (特盛 size, 要 '特辣; 同 '多汁'; HK$50):今次叫左特辣, 花椒味明顯強左, 而辣椒味就唔算太辣, 只係小至中辣左右. 牛肉切得夠薄, 所以比上次容易入口. 而由如 order 多汁 , 所以成個飯食落唔乾身, 飯夠煙韌亦好有麻辣汁水. 作為快餐牛肉飯, 呢個價錢同水準係食得過既.我想呢個集團都唔會唔關心自己既食品水準, 尤其係見到咁多 Openrice 既食評之後, 定當有所改善. 麻辣牛肉飯就係個好例子. 希望加藤屋會繼續改善, 能夠同吉吉有得fight啦.
繼續閱讀
其實上次一開張已經覺得好似吉野x mix pepper luxch , 試左1次，當佢新開張未穩定，唔緊要，今次再試，點知都係咁。。。今次試激似pepper lunxh 既鐵板牛肉飯呢個係攪拌之後影既欣賞佢鐵板夠熱，有炸炸聲，整到飯焦。但係一撥開牛肉，牛肉底係一層油，閃令令，食落都好油，而且牛肉唔似吉野x肥牛, 咬落去比較鞋口實淨，成個飯冇乜汁，亦冇得自助加汁，比較淡口，唔似pepper luncx，但價錢同佢一樣咁貴。味噌湯冇乜特別，係味噌粉既味。冇下次
繼續閱讀
牛肉飯我真係試過好多間，但似乎未有一間好似依間野咁難食...難食程度可以話冠絕全港！個日放工見肚餓就試一試粉嶺依間新餐廳，我外賣左個牛肉飯番屋企食，一食就發現成個飯完全唔得，牛肉汁咸到不得了，完全冇牛肉汁應有味道，我不如直接落豉油，牛肉又唔好食又好難咬，完全浪費左我$38，中伏...
繼續閱讀