影片
營業時間
星期一至二
11:30 - 22:00
星期三
全日休息
星期四至日
11:30 - 22:00
以上資料只供參考, 請與餐廳確認詳情
路過聯和墟，發現多左好多新餐廳，仲睇緊餐牌個陣，侍應已經好有禮貌咁招呼，所以我就決定入去試下。餐牌價錢合理，大概60-80左右（免加一），就已有餐湯+沙律+主菜+甜品+餐飲。由上菜/擺盤/菜單設計都睇得出呢間餐廳既廚師/員工都好有心機，味道同賣相都唔錯，絕對唔係將貨就價既餐廳。只係影左主菜/甜品同餐飲，主菜試左煎豬扒茄茸燉飯同忌廉汁魚柳配飯，甜品係雲呢拿雪凍，而餐飲係即磨咖啡。整體真係唔錯，性價比好高，有機會會再黎食。
繼續閱讀
同事大讚呢間歐6餐廳好味，是日lunch即刻黎試下，午餐好多人，全店滿座要等位，好彩同事係熟客有得book定枱啫。點了一人一份午餐，同事點了牛扒同羊架，自己點了意粉。是日餐湯係南瓜湯，味道偏鹹，不太合我口味。附送的蒜蓉包，幾香口。煙三文魚白汁扁意粉（$66）自己點左呢款意粉，扁意粉煙韌有口感，但味道同樣偏鹹，料不多，而且醬汁很行貨，非常港式。凍咖啡餐飲點了凍啡，凍飲不用加錢，啡香濃，係好飲嘅。66元一個午餐中規中矩，港式口味西餐廳，一試無妨。
繼續閱讀
為愛人慶祝生日，因為是平日，放工已晚，不想舟車勞頓，於是決定在附近的歐6餐廳燭光晚餐慶祝餐廳不大，只有幾張餐桌，所以座位十分舒適。由於是平日，客人不多，電燭光中迴盪着一首又一首英文歌，安靜而浪漫。我喜歡這類小店的氣氛，輕鬆而不拘束。我們點了2人餐，索價四百多元，十分合理。套餐包括了蒜容餐包，、龍蝦湯、前菜--芝士酥皮磨菇沙津，主菜4款自選2款，我們點了12安士安格斯牛扒和歐6豬手、甜品--意大利芝士餅，食物非常豐富。2人餐食物份量足夠，芝士酥皮磨菇沙津，酥皮磨菇上枱仍然熱辣辣、香噴噴，沙津菜很新鮮，前菜份量十足又美味。主菜--歐6豬手外皮香脆配芥末醬，味道不咸膩，實在是絕配 !安格斯牛扒選了7成熟，外層咬感有點老，顯得比較乾，影響了質感!下次選五成熟可能口感會好味一點。由於訂枱時跟店員說了一下來慶祝生日，所以待應小姐幫我們於甜品--意大利芝士餅上加了生日牌🎉🎉和生日蠟燭♥️，還貼心的幫我們合照。另外一提，店裏的待應姐姐全程都留意客人進餐時的需要，服務細心，很讚👏👏飯後，一面談天說地一面吃甜品，簡單愉快又滿足!🌹
繼續閱讀
同事介紹來了粉嶺聯和墟的歐6餐廳食lunch。整體環境不錯，乾淨企理，座位不會太逼，且每張椅底下都有個籃仔放隨身物品，非常貼心。.烤豬扒配薯菜（$6x)食物lunch 價來講幾抵食，跟餐湯（蘑菇湯），2片蒜蓉包及1杯餐飲。.蘑菇湯味道較淡，且飲到一粒粒未完住溶解的麵粉，較為失望，飲了2啖便無飲。相反蒜蓉包喜出望外， 份量除了比其他餐廳多，入口還是脆卜卜，熱辣辣，非常好食。.來到正菜-烤豬扒配薯菜，份量比想像中多，有足足2大塊，且扒的質素頗佳，肉質juicy ，易切不韌，吾會好硬。不過薯條是幼身薯條，味道不錯，夠熱與爽脆，但因不是本人喜歡的粗身薯條，有點扣分。但配菜係紅蘿蔔與豆，紅紅綠綠，非常吸晴，令人食指大動。🤤
繼續閱讀
完全估唔到聯和墟可以有間咁好味嘅西餐廳今日朋友講起好想食佢嘅鵝肝意大利飯, 所以就約咗喺呢度食lunch 當然有點朋友想食嘅鵝肝意大利飯, 仲點左羊架同蝦多士lunch set 有包湯餐飲同埋沙律, 個湯唔係平時西餐嗰種紅湯同白湯,比較特別, 沙律都唔係平時好hea求其幾條菜加幾片番茄就叫沙律嗰種沙律, 係Caesar沙律仲要上面有埋Parma ham同parmesan,睇得出係每碟都有心機整. 餐飲冇特別都係凍檸茶凍奶茶之類等.朋友介紹得冇錯,鵝肝意大利飯真係好好食，鵝肝同飯嘅份量都唔吝嗇, 好大份, 食完係好滿足嘅感覺☺️羊架都好食,分量一樣都係唔吝嗇,三大件羊仲會跟半碟意粉,肉質唔韌,可以跟薄荷醬或mustard食.可能因為食都飽飽地所以淨係食咗一件蝦多士,蝦多士都有跟薯仔沙律的不過我就冇試到,食完冇乜特別感覺所以就不多加評論了.順帶一提其實我之前下午茶都試過佢哋嘅Tiramisu, 同樣都係唔錯㗎. 甜度和咖啡味啱啱好,mascapone同sponge嘅比例都好，值得一試架.
繼續閱讀