影片
附加資料
本店之拉麵日本直送，百分百正宗傳統日本風味，自家制豬骨湯底秘傳配制，獨一無二給力推介！人氣辛辣湯底必食！
營業時間
星期一至日
11:45 - 15:00
17:45 - 23:00
以上資料只供參考, 請與餐廳確認詳情
來過這店數次，每次都是吃點壽司刺身，因為好新鮮~ 今晚好特別，因為老闆特別炮製了勁辣小食送我們~~ 師傅說這是特別禮物，並不在menu上，但愛辣的我，當然眼前一亮~!!頂層係超辣魷魚墨魚，中間係豆腐(中辣)，低層係青瓜絲，煙煙un un又滑lut lut，感覺好特別~~ 最緊要係夠辣!
繼續閱讀
天有不測之風雲, 與友在附近遊蕩完, 晚飯時候來到這條食街, 開始下起滂沱大雨, 很多食肆都大排長龍, 恰巧看到這間店子有位, 飢餓二人組便進去醫肚。餐廳環境頗暗; 供應的食物價錢頗大眾化, 由三十多元起也有交易。吉豬飯+溫泉蛋$59.4, 有水準的。炸豬排表層脆口, 肉質鬆化, 日式咖哩汁帶甜, 少辣, 加上滑入口的溫泉蛋, 佐飯佳品~~~友人點的义燒拉麵$68.2湯底亦不遜色, 豚骨味濃, 麵有咬口, 义燒也好不錯, 不錯。在無心插柳的情況下, 又試到一間不俗的街坊式拉麵店。
繼續閱讀
原本LUNCH想特地走去紅磡區食滑蛋, 點知冇開門, 就唸住睇下附近有咩好食好多店都食過想試下新野, 點知發現呢間大鐵碗和魂拉麵好似新開張~(仲記得之前呢個鋪位又係食日本野的~都唔錯架~咁快就執左@@)睇下佢門外個餐牌, D食物款式都係果D大路野, 主要食飯呀, 拉麵為主睇落普普通通咁, 但個價錢都幾吸引~因為唔係好貴~大約三十幾蚊就有個飯/麵於是就入去試下啦! 環境都幾乾淨~幾靜~小貓三四隻咁~店員都好nice~仲同我地推介好多人都order的餐~就係咖啡飯同埋,,,,,忘記左^^"好喇~d飯黎喇~~賣相唔錯bor~起碼吸引到我的食慾!呢個係我朋友order的~d咖哩唔係甜果d, 幾好味!!!唔係淨係我curry架~仲有好多配料~真係好有heart一d都唔求其~!! 咖哩初食時唔覺辣~慢慢食多d就開始feel到少少辣喇~如果你好食得辣應該唔係好岩你~哈哈~至於d蝦~真係好新鮮~不過就唔係睇落咁大隻, 因為d炸粉厚左d~不過味道係唔錯的~呢個玉子炸豬扒飯就係我架喇~開頭都驚佢d肉鞋架~點知口感幾好woo!!!比我上次食果間Izumi Curry Grill的豬扒更有口感更好食!!旁邊的伴菜用來"lo"飯岩哂~不過如果有d汁會再好d^^" 因為我自己都"畢"左朋友少少咖哩汁黎送飯 呀~未講玉子tim~~原來就係佢~初時仲以為係黃色果d~hahah~~佢係類似溫泉蛋的蛋~不過佢入面就係糖心的~好好味呀!!!呢個滑蛋蠔飯係我朋友order~d滑蛋一d都唔流~唔係勁多生粉果d"獻"lo~真係好egg架~~炸蠔又係炸粉厚左d woo朋友說~不過隻蠔都係好新鮮喔~我一睇就睇得出@@v 另外, 由於該店BOSS聽到我朋友好食得辣~特意比左少少辣醬我朋友送飯~我朋友話好好味~仲想買TIM呀~可惜BOSS說佢地唔賣啦~哈哈~食完之後我地個個都覺得值得再黎多次!! 估唔到一間唔係咁令人起眼的店竟然有不錯的水準~絕對比出面好多大集團式的食店好食和抵食~!!希望佢繼續努力KEEP住個水準啦>"<
繼續閱讀
本來一心想黎食街食辣魚, 點知勁多人排隊..朋友就決定過隔離串燒店食燒物啦..天寒地凍, 見到依間拉麵店..好似新開就決定外賣一碗過串燒店, 暖一暖胃 (特別一讚串燒店老闆, 真好人)一碗諗住暖下胃既拉麵, 我都唔會特登走上黎寫食評不過真係幾驚喜..因為一開頭睇佢餐牌, 都係大路野,豚肉拉麵, 餃子拉麵呀咁…先50幾蚊..小店一間..店員都係年輕人多..客人亦唔算太多 (以依條街計)見到佢即柯打即煮, 見到廚師都幾用心, 慢慢整下麵, 又好細心咁切開個溫泉蛋..外賣拎走, 雖然都係行去隔離食店即食.. 但紫菜已淋, 無辦法...拉麵個麵質都不過不失, 最令我驚喜係個湯底..夠熱, 辣咀的.. 仲要好鮮甜(好似係魚乾湯底..唔記得全名).. 食得出係用心熬出黎,唔係味精水..塊豚肉亦係高質素, 入口juicy唔韌估唔到依個價錢, 都真係有流心既溫泉蛋最後..好難得我會清晒成碗麵相信留係店入面食會更加好味..50幾蚊找數.. 實在驚喜..天寒地凍都係一個好選擇..不過我見條街食店好多.. 老實講,如果唔係辣魚要等…我最初亦未必會試食依間新店..希望依間小店, 會keep住咁用心整拉麵.. 多d人識欣賞啦!
繼續閱讀