影片
以上資料只供參考, 請與餐廳確認詳情
招牌菜
隨住地鐵工程展開,好多舖頭都已經係咁轉手恐怕加租加得厲害,小本經營o既舖頭不論幾多年歷史都走唔甩今日路過見到貼出"租約期滿 光榮結業",冇問老闆實際係做到幾時,相信日子不遠二人餐$188,有湯有飯連兩個餸,要加埋飲品都係多兩三蚊今晚o既係薯仔蘿蔔煲瘦肉,足料而且清甜雖然係好家常o既湯款,但又有幾多人可以煲我 出呢種味道呢?唔好睇呢個煲咁細,兩個人絕對夠有突原本想食蒸紅鮋,點知賣哂,揀左呢個蝦球炸漿一d都唔厚,真係食緊舊蝦配上青紅椒同新鮮菠蘿,至於個咕嚕汁都係少見,以柚子蜜製成食落少左油膩感由於我堅持要食菜,咁o岩又見到有豆苗,冇可能唔叫呢味餸蟹肉唔算多,偏咸,所以連埋菜一齊食就剛剛好再俾多d菜我可能食多一碗飯添呀
繼續閱讀
特餐, 火腿奄列, 牛油多士, 沙嗲牛肉麵, $32, 午餐時段的收費, 不算貴, 但質素認真麻麻. 火腿奄列, 煎得很乾, 义開表面薄薄的蛋皮, 包住了的火腿絲也不算少, 只有十分微微的濕滑, 就如炒蛋和火腿分開, 多士外表烘得微燶, 但翻開裡面, 接近全白, 未烘過一樣, 塗了牛油也難食.沙嗲牛肉還好, 未至於醃得過份, 還有些少牛肉質感, 麵身一般, 偏硬, 未煮夠時間, 但點都好過煮得過淋.甚少見到有茶餐飲係午餐和下午茶時段, 有供應啤酒作為餐飲, 認真夠新穎.
繼續閱讀
04/04/2010 驟雨收工後我和嘉豪去了黃埔睇電影<美麗密令> ,我覺得最好笑是詹瑞文扮陳志雲, 都好攪笑, 睇完之後大約是八時幾, 之後我們去了黃埔shopping, 走了幾個圈後去了<有飯局>食飯, 想食下些家庭小菜, 有位女職員不停向我們sell 店內的食物是冇味精, 聲稱食物好美味!那麼我們入了去食個飯了店內的餐牌大多以小菜為主, 有些多款小菜套餐, 而且包括一煲住家湯和白飯, 就算一人都有小菜套餐, 不過飲品不論凍熱都是另加$8, 餐牌更寫上"謝絕味精","天天不同"的自選餐, 看來都滿是誠意, 都不妨一試, 同嘉豪討論一番, 我們點了一個金牌小菜套餐, 兩款小菜是$158,三款$228,四款$298, 於是我們各自點了一款小菜, 叫了個兩款小菜的套餐, 奉送兩碗白飯及一煲二人用的住家湯, 是日湯係粉葛赤小豆西施骨家常小菜雖然是創意特色, 但是好多都不是好match和明白,令人疑惑, 例如"青蘋果脆牛腩",看來怪怪的小菜,牛腩是脆? 餐牌內更有"雙蝦肉崧A菜煲",什麼是A菜?令人看不明白, "焦糖咖啡雞中翼" .雖是創意但不吸引, 已經是差不多九時, 客人已經不是多,又冇多過五人的客, 想坐將大些少的枱都被個老板叫坐細點的枱, 真是不理解, 之後店員常站在旁邊等候你落單, 感到壓迫的感覺, 之後食物更令我們食到一把火, 瑤柱鮮菌扒時蔬只是得白菜仔, 而且又老不新鮮, 西蘭花,甘荀都冇一粒, 時菜都應多一款蔬菜啦, 又冇擺設,馬虎撈埋一碟, 瑤柱又少又零碎, 冬菇出水更冇味, 鹽都應落些少?更送了一條鋼絲刷??真是荒唐!更令我最不滿更是不是即煮已經是煮好一段時間,食出是冇火喉的味道??第二道小菜是黃金焗龍鳳球, 一看表面的汁用火槍燒過, 看來都欠些誠意,更是馬虎, 食落芝士汁帶有好重雞粉的味道, 好有火槍gas的味道, 為何不是焗呢?餐牌本寫"黃金焗龍鳳球",都不是焗,被騙了的一刻!講起龍鳳球, 原來是雞肉&蝦球點了炸漿去炸, 但是脆漿腍, 冇咬口又淡而無味, 蝦肉又不是爽口, 雞肉又不是嫩口, 更不明白菜色上孜冇點綴,冇視覺的效果, 都應有些蕃茜或其他配菜配襯一下, 為何有些mushroom?mushroom出水令個小菜水汪汪, 芝士的汁反而變作雞粉汁, 芝士味又淡, 失敗更是令人不滿的菜色, 製作都好差今晚令我們最滿意都是個例湯, 真是冇味精,但見不到有赤小豆?只有粉葛三件&西施骨兩塊,都可以接受, 如果煲耐一些更入味, 白飯都賣相不錯, 不會好爛, 而且是一粒粒食落香軟埋單是$166,之前order了凍檸茶所以另加$8, 兩款小菜套餐是$158,今晚我只是食了少少的小菜, 真令人失望的一餐, 雖然是不用味精, 但都不要淡而無味?後來都問職員取樽salt, 雖然我們差不多食完, 但職員好快收了我們樽鹽, 真是不可埋解, 老板&職員更冇笑容,不過都好有禮貌, 總括來說, 不會下次再光顧, 食物水準差過茶餐廳, 創意差服務一般, 最慘衛生方面竟然不足, 食物更送鋼絲刷!!
繼續閱讀
由於我地9個人怕冇咁大張枱, 中午時份訂埋枱, 個老細好好招款話你地想食啲乜即管講, 我地可以幫你準備, 如果想食海鮮可以幫我地買, 但我地冇唸過咁叫嘛, 只係想試下佢啲小菜, 咁就答番佢話唔駛啦, 到時先算! 夜晚7點我地準時到達, 門口中間位佢地開左張大枱比我地9位, 我地只係散叫左啲餸, 老細理都唔理我地, 明知啲伙記做緊野, 都唔走過黎幫我地落單, 埋單時個樣又衰衰咁, 好似一定要幫襯佢食啲餐, 又或者覺得我地食得平掛, 埋單四百幾蚊, 但佢啲小菜都係一般, 價錢都唔算平家, 外賣炒粉麵飯唔會送湯或熱飲, 如果要湯就要加$8, 熱飲同凍飲都係要加錢家!
繼續閱讀
呢間食肆開咗超過一年，周時經過但始終都無試過，當晚行過附近時已經9點幾，本來想去打邊爐但新星同寶哥都竟然仲排長龍，邊個話經濟唔好。入到嚟都幾冷清只得三幾檯客，睇吓牆上貼滿菜單，有D名幾有創意但係第一次嚟都係穩陣D好，叫咗個套餐有湯、飯同兩味餸（$113），例湯成煲上，南瓜雪耳煲雞同豬骨，D湯煲得好夠火喉，湯渣都有半煲夠晒真材實料，時菜牛肉同醬爆野菌雞柳兩碟餸都好大碟，味道亦唔錯。此店走經濟實惠路線，但同區已有不少相類似嘅食肆，要殺出一條血路實在不易，不過佢地有D比較新款嘅菜式應該可以吸引到年輕一族嘅「無飯夫妻」。
繼續閱讀