影片
招牌菜
之前有叫過外賣食, 覺得不錯, 上星期同友人去堂食, 一坐底見到佢午餐都只係22蚊, 好底食與此同時, 友人見到牆上ge意粉覺得唔錯, 想問下佢lunch hour有冇做個d意粉...我叫左當時個位女服務員2次, 第一次我唔知佢係聽唔到定點, 第2次係佢捧住好多麵c湯行緊過黎....佢見到, 但冇出聲, 係有客ge枱上佢就放底一碗湯. 黎到我地到時, 佢亦放低左2碗湯 (我地重未叫野食ka!) 友人即時問佢有冇個個意粉, 未問完佢就行番去自己個收銀位到...(個時佢跟本冇野做=_=)當時我地聽唔到佢有冇回答, 所以我再問一次, 佢回答: 冇loi都話, 我頭先咪答左你loi我 : 咁我聽唔到先再問你者佢 : 冇呀, 要食就睇番餐牌上面個d, 係得個d ka ja 餐牌冇就冇友人就覺得點解會咁樣答我地, 我地唔係客咩?!所以我同友人就起身走人, 入面個chef見到就問咩事, 個女服務員重係到話我地ma煩 送外賣ge員工係好有禮貌, tips都唔肯收, 真係冇諗過會有d咁ge員工...咁冇禮貌ge女服務員會令lee間咁底食ge日本店關門大吉!.
繼續閱讀
行去火車站時留意到呢間餐廳~上黎OR先睇食評後..都略知道係食邊類型既食物..於是lunch hour叫埋個fd過黎試下先~我要左個焗豬扒意粉-$20友人要咖哩雞扒撈烏東-$20, 另一友人就要茄汁龍脷柳雞扒意粉-$28每人先有一碗牛蒡湯, 味道清清地..仲有d紅蘿蔔做湯料~三個主菜同時端上..我既焗豬扒意粉..賣相唔錯~..意粉份量好多~食唔晒…豬扒唔韌好淋…$20黎講已經放足貨~咖哩雞扒撈烏東用一個日式便當盒裝住…見到盒底,亦即係話烏東份量好少~但味道唔錯~咖哩唔辣..有幾粒薯仔同甘荀絲..雞扒大大塊…以細食既胃黎講~呢個都唔錯~至於茄汁龍脷柳雞扒意粉..同樣好似好大碟…龍脷柳同雞扒都唔細~冇焗過..只係就咁淋茄汁..所以冇咁香~試左少少龍脷柳…都幾厚肉~我地食緊野既中途落order叫餐飲~等左都幾耐先黎~而熱飲杯超耐熱~所以下次趕時間記得早d order.不過~呢度既服務都嚇親我~侍應們自己既對答較大聲同惡~對客人就麻麻地啦~人手有d不足~所以呢度係以抵食為賣點…後來我地既$20餐要加$3先會有餐飲架…不過我都係埋單先知咋~
繼續閱讀
剪完個頭同朋友食Lunch.其實本身係去食麵.不過... 人地勁爆...走返黎又食呢間野,真係食過太多太多次啦...呢個世界不進者必為退.豬軟骨飯一樣水平,但係菜係滾熟都唔緊要啦...加少少味or淋d汁比d誠意都好呀!? 茶走好難唔好飲但佢地真係比d好難飲的你試下.茶唔得其實都有d奇,因為家下係有得直接買茶膽;當然呢d茶膽唔會係好好味不過叫唔難飲嫁ma...奶又用d唔知咩牌子... 煉奶都搞成咁...
繼續閱讀
呢間野其實裝潢一般，但勝左抵食，所以不乏捧場客。墨魚咀係正式日式店都幾十蚊先食到2串，呢度加埋烏冬麵同 Miso Soup 都係 $28 咋。佢連個外賣盒都係用番個透明飯碗咁好有 heart。
繼續閱讀
舖內燈光昏暗, 坐在近門口邊的我們也得靠街光睇menu一行三人, 父親大人上次光顧後大讚平平平! 是晚重臨, 我之外再加多一個靚女2個set包餐湯+包一片 $28 / set鍋燒豚肉飯 - 父親大人果真識食! 以咁既價錢有湯有包仲咁大鍋, 絕不欺場! 熱辣辣基本上已加分, 汁從肉流至鍋底, 伴飯吃, 好美味~鍋燒滑蛋牛肉飯 - wow~ 賣相不比街外四五十蚊的差, 這才$28?!? 好味! 讚!依然滯滯的我試了鰻魚拉麵 伴前菜(2粒豆卜) $42, 分開上都ok細心, 湯不過不失, 鰻魚也許鯹了少許, 拉麵一般。好吃麼? 不難吃亦不是好好吃。下次會試鍋燒飯~ 當晚也看見甚多客人, 一人食亦有很多, 外賣亦已經有熟客了, 免加一, 係邊搵?? 紅磡愈開愈多特式食品餐廳, 這一帶祇要不要難吃(很視乎有否用心做吧~) 且價不要太高, 不難長做長有。而且行過幾步又有一間食差不多既野lu, 不過有良性競爭是好事!
繼續閱讀