影片
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
5-5-2024(Sun)會合去完教會嘅老公食晏，食邊間?佢話呢間，係都要食醉雞麵。咁好啦，佢先搵位，都係坐返上次個位（上次食評係3024年5月1日刊登嘅呢篇:https://www.openrice.com/zh/hongkong/review/yeah-%E5%89%B5%E6%96%B0%E5%8F%A3%E5%91%B3%E9%A4%83%E5%AD%90-e5437555），老公就揀咗$50.00嘅醉雞麵，要雞湯店灣麵，同$12.00嘅凍豆漿。我就揀餃子，有咩特色餃子呢?好似上次已經試晒，今次見到洋蔥薯仔牛肉餃子，就要呢個啦，就揀$46.00嘅湯麵，要台灣麵。 老公幫我喺QR code入單，但就冇呢隻餃子，於是我問侍應，係咪冇呢個餃子?佢哋答呢隻只可以煎餃子。於是我就改要$50.00嘅煎餃湯麵，都要台灣麵同番茄薯仔湯。落完單，凍豆漿到嚟，今次飲管唔係插入杯豆腐喥，亦唔係放喺枱上，而係擺喺杯蓋上，不過我哋俾返飲管佢。飲吓先，今次甜返少少同都夠凍，OK咗。3分之後老公嘅醉雞雞湯台灣麵到嚟，當然雞同都分開上，我食吓雞先，佢酒味幾濃，而雞胸嗰舊好嚡，唔得。1.5分雞湯就同上次食湯餃子嘅一樣，唔夠味。1分等好耐，我嘅煎洋蔥薯仔牛肉餃子番茄薯仔湯台灣麵至到嚟，餃子有5隻，都脹卜卜，食落，啱啱煎起，好熱同脆，味道好夠，唔使蘸醋食，見到有洋蔥粒嘅，但薯仔就唔多見到。5分至於番茄薯仔湯台灣都呢?唔知係咪驚啲麵會腍，夾起時係仍黐埋一堆麵，未煮開，之後散開到，佢口感正常，湯嘅味道都濃郁，唔錯嘅。5分而菜脯呢？由於上次食過唔辣，今次就放心試，點知冷不防，今次辣咗，我唔再食喇，而老公食到佢哋有蝦米喺入面，不過梗係都好辣呢。環境:呢日冷氣明顯開大咗。服務:原本都冇乜嘢，係我老公想問用QR code落單係咪冇 洋蔥薯仔牛肉餃子時，叫極3個侍應都聽唔到， 因為佢哋一直對住門口傾計，於事我就大聲啲叫，短頭髮戴眼鏡嘅就應我行過嚟答我哋嘅問題。到埋單，呢個侍應負責收錢，我俾$120.00佢找，佢就找4個核突嘅2蚊銀我。我唔明點解要咁散同專揀核突嘅俾我，係咪我哋問佢哋嘢係阻住佢哋偷賴?我哋食完呢次，已經問係咪冇第三次?因為啲特色餃都好似已經試晒。而呢個收銀咁做，彷彿幫我做咗決定，唔使嚟第三次咁。抵食係2.7分
繼續閱讀
-大推呢間餃子店🥟😋 餃子唔算好大隻但係每隻都超飽滿充料🥰 特別鍾意煎餃唔會好油膩，外皮薄脆帶少少煙韌🤩 推介粟米🌽芝士🧀️雞肉餃，粟米好甜芝士香得黎溶入哂成個餡好正😋 湯餃都食到啲餡好新鮮，蔬菜爽脆鮮甜，蕃茄薯仔湯都唔錯唔會有味精味😛 荃灣分店係新開嘅，質素都keep到同其他分店一樣☺️煎餃 $48 (8隻) $52 (10隻)湯餃 $44 (8隻) $48 (10隻) 湯餃子麵 (5隻) $46煎餃子麵 (5隻) $50📍甜記餃子 太子砵蘭街450-454號HQ大廈地下C-D號舖旺角通菜街2Q-2Z號鴻輝大廈地下2號舖長沙灣福華街593-595號麗新商業中心1樓108A號舖荃灣蕙荃路22-66號綠楊坊2樓S25-26號舖🍽️ 8.5/10@jan_foodiary#janfoodiary_中菜 #janfoodiary_荃灣 #janfoodiary_太子 #janfoodiary_旺角 #janfoodiary_長沙灣 #janfoodiary_encore #janfoodiary_💛
繼續閱讀
聽說甜記過左黎荃灣聽過未食過，一於一試自己隨便食既菜莆（朋友話好辣）我叫左杯豆漿 （好似12元）不過不失 （最緊要唔好太甜）湯餃叫左雙拼 $44香芹茜+白菜豬有蕃茄傻仔/雞湯，我揀了傻仔好飽滿，好滿足(⁎⁍̴̛ᴗ⁍̴̛⁎)另一個，煎餃 $48西洋菜豬+香芹茜豬個西洋菜完全食唔出係西洋菜料係好足既好香口，同出面唔同既感覺似煎餡餅👍👍👍👍👍最後打包埋外賣加$1，味道都係正！
繼續閱讀
試業期間及見食評話餃子界天花板，便去試吓，座位較少所以兩人也等接近半小時才入座，空間少較迫，湯餃比煎餃好食，煎餃偏鹹，整體有點失望，但價錢合理，只有辣菜脯好辣，台面唔見有餃子醋提供。
繼續閱讀
我一直都幾支持甜記餃子無論堂食、定係買生餃佢都係我食餃子頭3位嘅選擇今次見佢荃灣開咗新分店，見多人等位就轉買外賣返到屋企一開盒，就見到有2隻煮爛嘅餃子一隻小爛、另一隻係爛到皮肉分開其實煮爛餃子都唔係奇事但煮到爛到咁一開盒就見到嘅爛都仲可以出比客真係好無語唔知係我唔好彩、定係呢啲係喺店舖買外賣常見嘅事總之就唔開胃囉
繼續閱讀