影片
以上資料只供參考, 請與餐廳確認詳情
食家推介
朋友話呢間鍋貼大王幾好食帶我嚟試 。 點知一入到鋪頭就聞到有啲酸酸哋味 唔識點形容陣味 反正就係令我唔想留係到食 然後我哋就嗌咗外賣拎返屋企食 點知等外賣期間 見到鋪頭裡面有隻超大隻嘅老鼠 個身濕濕地 啲毛就啡啡黃黃咁 望落都好邋遢下 。然後佢一嘢就鑽咗入門口個豆漿櫃下面 而個豆漿櫃係一個趟門 佢哋啲膠樽就放晒係裡面 而且佢哋個趟門係常開嘅 。我就咁望住隻老鼠係個櫃底行過 啲膠樽仲要係冇樽蓋嘅 真係唔知個樽口究竟有冇俾老鼠掂過 然後個店員冇洗冇抹就咁拎上嚟裝豆漿俾我哋 我已經覺得好核突 感覺好多細菌🤢🤢🤢同埋佢哋個舖頭冇玻璃門 係直接用膠簾 我真係想像唔到平時有幾多老鼠可以自出自入。之後我哋走嘅時候 隻老鼠跑埋入廚房🤢🤢🤢真係好恐怖 佢令我諗起薩莉亞個老鼠頭。返到屋企我打開啲野食嘅時候每一啖都要慢慢睇過有冇污糟嘢先敢食。個豆腐花11蚊 已經唔係平 點知個質感仲要好諧 係我食過最唔滑嘅豆腐花 個感覺好唔舒服然後菜飯味道唔差 但係聞起身有陣唔知點嘅臭味 總括而言 唔會再有下次
繼續閱讀
好耐冇黎呢頭，見到鍋貼大王，想起幾年前吃過的味道，今次帶上朋友來吃，一上枱賣相完全不吸引，而且細隻左。皮很硬，肉汁不多，點上辣醬後較好吃！朋友說想試紅油抄手，以為會好辣，點知冇辣，而且上面有些肉鬆，同平時係上海店食的那種不同！除了覺得肉鬆的配搭不好之外，味道比鍋貼更好吃，皮滑，個汁落左陳醋，幾開胃！加杯豆漿，埋單56
繼續閱讀
早兩日夜晚八九點喺荃灣有少少肚餓，諗起晏晝經過大圍見到有鍋貼大王，隔離乘客話幾年前佢都會間中食下價錢經濟又唔會太差自己又想食酸辣湯就揾下荃灣鍋貼大王開到幾點。但係去到門口見到話因為業主疫情期間仲加租已經捱唔住要結業，於是就上openrice睇下附近仲有無其他相類似嘅食店見到呢間君滬鍋貼大王開到十一點就開車去試下。去到門口見係一般正常舊式上海小店裝潢就坐低睇餐牌揀食咩，但係一坐落未夠兩分鐘餐牌都未睇完阿姐就問食咩所以同佢講話要睇睇先，每隔兩分鐘就問一次問到第三次個阿姐就口噏噏講諗咁耐之類，怕咗佢所以就快手嗌嘢食。食品叫完另外加咗一杯豆漿，但係個阿姐就自把自為寫多杯飲品，問返佢點解會寫多咗錢仲講你係咪都要飲㗎啦飲汽水囉而態度亦十分之差，見佢唔多耐煩就要多罐汽水。之後有其他食客叫外賣亦聽到話咁少你夠唔夠食不停叫人嗌多一兩樣嘢，最後個食客當然拒絕咗。再講店內衞生，廚房地面非常濕滑，檯面又“黐立立”進食期間亦不停有烏蠅飛嚟飛去有一隻仲走咗入碟紅燒牛肉度。總結：價錢算平但係服務態度差，衞生情況有好大改善空間，當然係永無下次。
繼續閱讀
今日回母校參加師生聚會，見到以往一齊奮鬥的同學，都成熟了，大都有自己的家庭，慶幸大家還保持聯絡。 這區都開始老化，以前的餐廳都改變了。但當我行到和宜合道附近，見到有間食窩貼的舖頭完全冇變過，格局和陳設都跟以前一樣（除了食物的價錢之外）。 我叫左菜肉雲吞豬扒麵，咸豆漿和窩貼，好耐冇食，可能叫多左！ 菜肉雲吞有三大隻，咬開滿口都韭菜香味，麵是上海麵如以前一樣比較硬。豬扒是新鮮炸的，送上來熱辣辣香噴噴，與麵分開上枱是最聰明的。 咸豆漿裏面有小蝦米，榨菜末和油炸鬼，有淡淡的豆香味，都算0k。 窩貼15蚊有5隻，好抵食。但今次送來的應該是放了一段時間，皮有D硬和「謝」左，冇新鮮出爐咁好食。 其實這舖頭的食物味道很一般，但裏面蘊藏著另一種味道 —— 回憶的味道。
繼續閱讀
order左淨雲吞，來左碗野就食，越食越唔妥，有陣怪味，睇清楚包法，再問雲吞定水餃，佢答水餃，我食淨一粒話換返一粒雲吞我，有冇攪錯，佢地做錯，唔係整過一碗來，攪到我係揾着數咁，咁嘅手法同服務態度，而家喺大陸都唔得啦，唔該唔好喺香港揾錢，走返大陸啦D小鎮呢埋做幾碗野人地食算啦，上唔到大抬，永遠原地踏步算圾，成日整錯野，D野又越來越差，又too salty。今晚夜左先去食，以後唔會去食。
繼續閱讀