影片
港鐵香港大學站 C2 出口, 步行約4分鐘
繼續閱讀
電話號碼
53368552
營業時間
星期一
12:00 - 14:30
18:00 - 22:30
星期二
全日休息
星期三至日
12:00 - 14:30
18:00 - 22:30
以上資料只供參考, 請與餐廳確認詳情
🍢🍶麻麻地，我今日就去咗間蠻有人氣嘅日式餐廳一試究竟。首先，啲雞泡魚乾真係一啖皮一啖肉，炭火香味喺口腔裡嗌嘩，好夾！大蔥雞肉串同芝麻雞肉串又香又滑，尤其係芝麻撲鼻嘅味，真係過癮！雞翼就更加唔使講，啖啖肉，炭香四溢，啃到啲骨頭都唔捨得放落枱。再講吓呢個燒饅魚，小小一條但炭味十足，甜汁配上魚肉嘅鮮嫩，我只能講，正！至於那一口芝士，簡直係芝心滿滿，濃郁香氣令我陶醉。🧀當然，唔可以唔提我嘅最愛，豚肉。啲肉質韌勁十足，湯底甜溜溜地好味到伸手再要一碗。定食方面，雞扒皮脆肉嫩，搭埋埋附送嘅沙律同湯，整體來講算係中上。呢間日式小餐廳雖然空間唔大，但環境靜心，加上親切嘅服務，晚餐時光過得格外滋味。🍚😋下次有機會，我一定返嚟試多啲佢哋嘅特色料理！
繼續閱讀
是晚想食日本菜，從遠處已經見到焰亭外掛著紅色日式燈籠，咁就向目標進發。晚上七時半，差不多滿座，只剩下一張最近廚房既檯同一張坐得唔太舒服近門口既檯，唯有坐近廚房果張啦！全店只有一個店員加一個廚師，店員要照顧6-7張檯真係唔容易！佈置有日式居酒屋feel 很多小店都會用黑色食具，呢間有點心思！點了兩份晚市定食同三串串燒炸廣島蠔定食通常「定食」會有湯，前菜都有兩至三款，然後有一個長方形日式便當盒一格格的盛著。呢個presentation and 份量真的令人有點失望！前菜少得可憐味道方面，飯淋上鰻魚汁，廣東蠔都正常味道。炸漿太厚～不過呢個set 連加一要$78，就唔太抵了！日式x 燒拉麵味道普通過普通，X燒好硬拉麵唔好食，好彩得「兩住」，好快食完！係屋企煮個即食麵都應該好食d同飽d~既然咁多人推介串燒，點都要試下既！梅子醬雞肉串， 好酸呀！左：煙肉車厘茄，太薄身既煙肉，薄到食唔到味來右：日本小蕃薯，唔似日本果種甜見到呢間咁多正評，especially 串燒，真係幾失望！食完派左印花card ，但都不會再來了！
繼續閱讀
當雙11果日網絡購物如火如荼時，我同喵星人就去左食同個”1”睇落都好似既日式串燒。 位於皇后大道西既焰亭係一間細細間既居酒屋，大概6-7張細枱倒，但員工都只係有2位，一位樓面，另一位就負責廚房。而果晚好旺場，基本上係坐滿，而就算有客走左，都未能提供俾在外面想食的客人，因為無人手清理張枱及碗筷。我同喵星人有一刻真的想幫忙執枱，哈哈。 番番黎食物上，燒物整體確實係唔錯，並無話因為太多單而求其燒。唯獨最後個冷烏冬，真心唔好食，太硬身。 總括來講，我會建議平日夜晚黎食，同埋主攻燒物便可。
繼續閱讀
因為工作需要 又黎到香港大學站西環出名多特色餐廳同美食今次係openrice見到呢間好多好評既焰亭所以就入黎試下午餐收費黎講呢道唔算貴平均$50就食到一個午市套餐每個午餐會奉送前菜同麵豉湯豬軟骨拉麵$55識食一定食豬軟骨豬軟骨含豐富既骨膠原 可以幫助皮膚修復焰亭既豬軟骨用秘製醬汁烹煮到好冧入味之餘唔咸 豬肉肉質有入口即溶既感覺至於拉麵麵質好彈牙 軟硬得宜拉麵吸入左豬骨濃湯唔洗再加七味粉已經好夠味除左豬軟骨 拉麵既配料有半熟溏心蛋 紫菜 香葱同魚蛋令拉麵色彩更豐富之餘 唔洗剩係食豬軟骨咁寡飲品方面 小編加左$4要左支提子汽水整體黎講 小編好喜歡店內既裝修 好有日本特式餐廳既午市menu價錢得宜 係食晏既不二之選
繼續閱讀
嗰日喺堅尼地城游完水，肚有啲餓咪去搵嘢食囉，行過間野見果門面幾OK，咪入去囉。啲套餐定食唔算好貴。入到去雖然細細地，但係見到個環境都幾好。之後叫咗個串燒餐，有雞翼，青椒仔，冬菇，厚切牛舌同牛柳粒。雖然少少地，都好飽肚架。嗰度仲有Wi-Fi添，服務員態度都幾好架。
繼續閱讀