影片
以上資料只供參考, 請與餐廳確認詳情
心知團購未必一定係抵，亦預左再叫其他野食.但你問我無論質素、份量我覺得連三佰幾都唔值,賺到咁盡,冇回頭客,我亦唔覺得佢地有心留客,所以冇散叫其他野。食評:清酒一淡到呢海膽豆腐:除左小童份量，味都oK蛋:冇味、4粒份量(2隻打個D麻雀咁大)刺身及壽司:味oK，份量每人一舊壽司，二片刺身炒豬:冇野講(一口豬)泡飯:飽肚(白飯撈清湯)面豉湯:我覺得餐廳知大家唔飽，所以份量有湯碗咁大，我都想飲湯飽，但超咸，放棄了。甜品:啫喱糖每人二粒我同老公食完完全唔覺得飽,只係一肚水+氣。
繼續閱讀
早前透過團購網買了一張$388兩位用的日本餐, 由於快要到期, 於是便和b仔來試一試。在用餐的3天前已打了電話用訂檯, 去到的時候空的位置也蠻多的, 把團購的單據給了侍應他們便會安排上菜。菜色如下:1. 吞拿魚腩海膽豆腐: 豆腐硬身, 雖然沒有什麼豆香, 但上面放的吞拿魚腩海膽帶有鮮甜味, 不過不失。2. 鮮蟹肉玉子燒: 玉子上檯的時候只是暖暖的, 蛋沒有一門就那麼滑, 但還吃得出蟹肉的鮮味。3. 特級O-Toro刺身& 特級O-Toro壽司: 這絕對是整個團購的重點!!!! 和平日數十元一件的壽司質素完全沒有分別, 更可說是略勝一籌! O-TORO入口即溶, 鮮美, 真想多吃兩件, 唯一要數的不足是刺身有點筋, 但絕對是可以接受的。4. 有機奄美島黑豚松子仁野菌燒: 雖然吃不出黑豚有何特別, 但味道還算不錯。 5. 日本海鮮大根煮: 如下面的食家所講, 份量不用, 只得數件三文魚碎和籮白一件, 由於不太喜歡煮的三文魚, 全部都送給B仔了6. 日本原隻塩燒鮑魚: 每人一隻, 蠻彈牙的, 只是沒有什麼的味道7. 鮮三文魚茶漬飯: 不是我喜歡的食物, 像冷掉了的粥一樣8. 奄美黑豚味噌湯: 很大一碗, 味道是不錯的, 但只有一片黑豚9. 自家清酒一支: 不太懂得欣賞清酒, 但B仔很喜歡酒精, 把整支都喝掉了10. 蘋果特飲: 普通吃完後還想試一試餐廳其他的菜色, 於是點了一串明太子雞翼($20)和牛舌($28), 味道都不錯, 只是價錢略貴。看過正價餐牌後, 價位較高, 如要以正價吃以上的菜色在其他地方會有更好的選擇, 沒有團購的話相信都不會再來了。如下面的食家所講, 餐廳由於近海, 有很多的蚊子, 還有一隻飛到我的杯子裡。好評是給那肥美的O-TORO! 回味至今!
繼續閱讀
我地兩個人買咗張團購$388特級套餐（所謂原價9百幾蚊喎，如果真係呢個價，食到一半反枱都似)個餐有：吞拿魚腩海膽豆腐: 豆腐唔使介紹，吞拿魚腩海膽，真係攞膽，腥到爆炸，唔合格鮮蟹肉玉子燒: 可以話係最好食的一道菜，因難度唔高特級O-Toro刺身: 呢個我覺得還可以，60分特級O-Toro壽司: 同上有機奄美島黑豚松子仁野菌燒: 黑豚肉？亞媽煮D瘦肉好食好多，最多40分日本海鮮大根煮: 得㗳笑，一D類似三文魚碎，煮籮白，平淡日本原隻塩燒鮑魚: 如果呢餐喺內地吃，我會以為食緊假鲍魚，完全無鮑魚味，質地亦怪怪的，零分!!!鮮三文魚茶漬飯: 食左一啖，算把啦！放棄，感覺似過夜茶撈飯奄美黑豚味噌湯: 大大碗，不過都係飲左兩啖，未至於好難飲，但已經急不及待想走，又放棄自家清酒一支: 因唔鍾意飲酒，不作評論蘋果特飲: ok la除食物唔掂之外，環境衛生極其惡劣，一入到去已見大量烏蠅同蚊四圍飛，出來成身痕就唔使講，最後，好彩對面有麥當奴，食到一肚氣，唔夠？食個飽啦！
繼續閱讀
時常都會在赤柱出沒既我,一見到有新食肆就一定會出現, 今次終於見到有間規模大D既日本料理店出現, 我當然即刻飛奔黎試下啦~係美利樓下, 轉左出去後面, 出面又唔見有大既招牌同BANNER, 明顯比較輸蝕, 如果唔係一早上網搵左, 真係唔發覺有間舖係呢樹....所以當我行到入去, 午餐時間都只係得一檯客, 都有少少驚, 唔知得唔得架~午餐餐牌全部都係SET, 種類唔算多, 唔知係唔係因為新開張既關係呢, 希望佢運作上軌道之後, 內容可以豐富一D.......我叫左一個吞拿魚SET, 因為午餐餐牌既主要魚生都係吞拿魚, 我當時估1) 老闆對吞拿魚好有研究; 2) 同吞拿魚批發商好熟......前菜係WASABI 魷魚, 但係唔知點解個味道同其他食肆既有D唔同, 同埋咸左少少, 所以我食左兩啖就冇食啦~ (跟住我就有D擔心之後黎既..........)之後成個SET就送上黎, 可以見到仲有個沙律, 個湯係一個好足料既味噌湯, 有蘿蔔之外仲有少少肉, 所以比一般既仲甜D右邊既吞拿魚同魚腩, 左邊係鐵火光。右邊個4件完全無筋, 不過唔知咩原因, 我覺得魚生, 唔係應該係雪櫃拎出黎切架咩?! 點解我呢堆吞拿魚都係暖既?! 整體壽司感覺鬆散, 師傅手勢麻麻, 我用筷子一夾就已經散開。好有進步空間, 希望老闆/管理層多多改善~
繼續閱讀
我地兩個人買咗張團購$388特級套餐，一於去試新嘢。個餐有：吞拿魚腩海膽豆腐，好好味，唔錯鮮蟹肉玉子燒，不是太凸出，味道唔錯特級O-Toro刺身，呢個係亮點之作，入口好甘香，超好味，推介！特級O-Toro壽司，都係非常好味，好甘香！有機奄美島黑豚松子仁野菌燒，好味道，不過太油，唔知同黑豚肉有無關係日本海鮮大根煮，味道好，不過份量太少了，份得一件蘿蔔，唔值錢嘅嘢，俾多啲都得呱？日本原隻塩燒鮑魚，細隻，同隻鮑魚殻唔夾，覺得大細不一，個殻唔似係隻鮑魚嘅。。。味道普通啦** 食到呢個時候，覺得未飽鮮三文魚茶漬飯，一人一大碗，食咗就立即飽曬！奄美黑豚味噌湯，一般的味道，有啲鹹自家清酒一支，細，食到一半已經飲曬，唯有飲蘋果特飲北海道綠茶軟凍，ok啦加埋$40服務費。成晚O-Toro係最好食！其他食物無特別亮點。地方好好，好舒服。如果隔離枱嗰位先生無喺門口食煙，令煙味入餐廳，仲正！當然，兩條友一齊晚飯最正！
繼續閱讀