影片
營業時間
星期一至日
09:00 - 21:00
以上資料只供參考, 請與餐廳確認詳情
等30分鐘都炒唔到碟泰式干炒牛河，我見過左我的編號的客都已取餐（而且我已等了15分鐘）跟住我走埋去收銀問，那大叔問了我的號碼竟然同我講，「哦⋯⋯唔係跟號碼架，等一等啦」好...我再等多一陣，又有幾碟碟頭飯出左，另一樓面亞姐知衰，話個廚唔肯炒河粉，我話你地咁都得，跟住兩條友先肯幫我追下，叫入去炒左我碟先，隔了幾分鐘又係碟頭飯出來，跟住兩條友仲話，佢唔肯炒我無計，我回佢地，「你地覺得理所當然？」，叫佢地回返錢俾我，不知所謂，攪到我一肚氣。個個淨係帶住打份工既心態，我絕對已經好包容，貴 公司請左一班咁既員工（尤其個廚同收銀大叔）幾好食都無用！上年食過一次覺得ok,今日去完旅行，諗住食埋野先回家，點知一肚火。👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻⋯⋯係夾硬要我俾星，我想俾負分
繼續閱讀
夜晚飛機八點幾抵港，之後去返冇咁多人又價錢平d嘅t2食野。去到都近九點喇，依間店其實都快關門，好在想叫嘅野食都有整到。我一向好愛金邊粉，同埋香葉肉碎抄飯。我地兩個就叫左依兩款。份量都好大，早知我地兩個叫一份都夠。金邊粉比較淋，如果可以乾身會比較好。我比較揀飲擇食，我同師傅講想走青走辣，佢都好好咁幫手整。炒飯就比較肥，多油，味濃。仲有隻蛋真係煎得好恐怖，好似成個太陽蛋再把落油鑊炸咁樣，得人驚。最後吃得太過飽飽仔仔食唔落啦。因為太夜，雖然呢個晚餐唔係太好味，但都接受啦。反正依個價錢都合理嘅。
繼續閱讀
點兩份餐，一份肉碎飯 $59，一份肉片炒飯 $52，係機場食都唔算太貴。但味道唔算特別好，真係寧願食隔離粥鋪。出餐慢，又漏單，等餐阿姐係咁‘壇’。點餐唔可以用八達通/Visa，只收現金，好麻煩。完
繼續閱讀
機場食嘢貴過人人所共知，不過呢間泰國餐廳嘅價錢可以算得上比較親民今次試咗碟乾炒牛河海鮮河粉賣相都OK，而且用料都幾足有魚柳、青口、蝦同埋魷魚都算係幾豐富口感方面都幾爽口啲河粉唔會太短或者一夾就散。。整體來講都算幾好唯一美中不足就係嫌佢油膩咗啲反而呢間啲小食就貴啲但係會高度推介牛油雞翼，春卷同埋炸蝦餅呢三樣叫做比較好味啲其他嗰啲就同茶餐廳其實冇太大分別飲品同樣都係貴。泰國最出名嘅椰汁冰又或者三色冰喺呢度都賣得比較貴而且冇椰青，所以嚴格來講佢都唔太算係稱得上為一間正宗泰國餐廳。但作為旅客，呢間既味道夠好
繼續閱讀
去機場因為趕住搭飛機，唯有去food court快快趣趣食完上機啦！見到有間食泰國菜，似乎唔錯，就諗住轉下口味食泰國菜。隨便叫了香茅豬扒金邊粉和泰式炒河，等咗約10分鐘就有得食。香茅豬扒金邊粉金邊粉煮得唔夠時間，有啲硬，湯底冇乜味，材料有蘿蔔、香茅豬扒， 蘿蔔味道可以，豬扒有少少香茅味，不過唔得鬆化，死死實實。泰式炒河材料有蝦、青口、草菇、雜菜， 海鮮唔新鮮，成碟炒河水汪汪， 得個鹹字， 最好食係啲菜！除非趕時間，否則都係揀第二啲嘢食， 唔好食泰國菜啦！
繼續閱讀