影片
港鐵銅鑼灣站 F1 出口, 步行約3分鐘
繼續閱讀
電話號碼
28861683
營業時間
今日營業
07:45 - 21:45
星期一至六
07:30 - 21:45
星期日
07:45 - 21:45
公眾假期
07:45 - 21:45
以上資料只供參考, 請與餐廳確認詳情
哇，呢間嘢真係又貴又難食。啲嘢好普通。就係因為有池記個名。根本係同一個老細。成間鋪係 target 啲內地人。本地人應該去其他地方食。銅鑼晏大把好食過佢哋嘅鋪頭。至少平過佢哋。個男老闆個樣仲要好白鴿眼。聽見啲客講國語就好好笑容。聽見你講廣東話笑都唔笑。雲吞麵細碗又冇味。啲麵淋過公仔麵。啲波羅包多油到係核突嘅。冇樣嘢係直嗰啲價。啲侍應叫幾次都唔認你。但其實佢哋又唔係忙緊。真係不如行多小小路去渣甸坊個邊啲茶餐廳，麵店食仲好。根本就係間大陸鋪
繼續閱讀
講真，我係為咗佢個蛋撻仔而來，每次食都覺得好好食。其實啲鹹嘅嘢冇乜太大特別😂我今次食呢個係叉燒雞扒煎雙蛋飯（太陽蛋），我嘅同伴就食咗豬手雲吞麵。個餐可以跟一個蛋撻仔，呢個蛋撻仔夜晚係冇得買嘅，淨係可以每一個餐跟一個。每次去到叫嘢食嘅時候都好驚冇呢一個蛋撻仔😂 每次都同自己講，我下午茶要來食蛋撻！！個面應該都算係香港偏好食嘅雲吞麵，個飯就多餸嘅，而且我要求嘅太陽蛋，佢都真係整到係太陽蛋。價錢$80左右，再用埋$7嘅coupon，即係每個人平均消費係$70幾蚊。銅鑼灣喎，OK啦！
繼續閱讀
食物正正常常中規中矩，但個別店員態度服務極其惡劣，喺香港絕對有更好嘅選擇。本身晚餐用膳堂食，中間加咗一個外賣俾家人，最初該「副店長」表示會如餐牌所示會有一個蛋撻仔。（當時18:20，如果我選擇叫下午茶餐嘅話就係預設唔會有蛋撻仔，晚餐就會有，因此我選擇落單叫較貴嘅晚餐）都隔咗一段時間（當然過左18:30下午茶餐截止後），另一名店員，亦都係態度10分惡劣西面既X盈，走來同我哋講外賣唔會有蛋撻仔，我話頭先你個店員同我講有，佢冇理到，只係再三強調外賣有九折就冇蛋撻仔。我再表示落單嘅時候你哋話有，如果冇嘅話我就叫下午茶餐啦，佢就話下午茶餐而家已經截咗止。佢好似借咗聾耳陳隻耳咁樣聽唔到，西面之餘完全冇回應自己同事一早講錯咗或打算認衰道歉 。其實本身真係好小事，呢一個店員連一句好基本既「唔好意思同事講錯咗」「對唔住呀」都冇，我嚟過呢間餐廳我諗都有50次以上，本身落單嘅時候你哋講錯咗，少少責任都唔負，少少謙意都無，你咁大支嘢放心啦，以後都唔會再嚟☺️
繼續閱讀
同朋友兩個人食飯，叫左碗牛根腩雲吞竹昇麵，雲吞有四粒同牛根腩份量都足，湯底鮮甜，竹昇麵都好煙靭，有咬口，但麵的份量偏少，胃口大啲嘅人可能唔夠飽。友人叫左溫泉蛋石鍋乾炒牛河，河粉好淋身，無咩鑊氣，而且牛肉得4-5塊左右，上面加左隻溫泉蛋令到個河粉再滑身啲，多左陣蛋味，但同時都令到碗麵更加膩，友人食唔曬就停左手。另外，佢成個餐都偏貴大概70-100蚊，一個主食配一邊野飲，要讚佢野飲種類好多，我叫左薑檸蜜，友人叫左南北杏雪耳糖水，但整體黎講都係有啲啲貴😮💨想食竹昇麵可以試試，但乾炒牛河就不了。
繼續閱讀
銅鑼灣嘅茶記有種好地道嘅感覺🥰尤其是幸運星嘅菠蘿包🍍🍞外皮酥脆 充滿牛油香🧈一咬落去好鬆軟🤤唔似平時出面嗰種空氣多過包嘅texture🙈相對上比較厚實少少🤏🏻啖啖都係滿滿幸福感❤️-This pineapple bun should be the most impressive one that I’ve ever tried🥹The taste of butter is delectable with a relatively firm texture🤩Super recommend this traditional cha chaan teng in Causeway Bay🇭🇰
繼續閱讀