影片
付款方式
座位數目
200
其他資料
酒精飲品
泊車
詳細介紹
電話訂座
外賣服務
加一服務費
電視播放
以上資料只供參考, 請與餐廳確認詳情
同屋企人食飯, 老人家唔喜歡西餐, 於是訂左中菜.由於多人, 可以叫到好多款野食.特色黃魚餛飩: 黃魚微微煎過, 魚肉鮮甜; 一口餛飩, 皮同餡料都唔錯. 而且個湯底都幾好味幾鮮甜.紅棗湯浸時菜: 湯底超清甜, 紅棗, 金華火腿, 菇, 紅蘿蔔, 清得黎非常好味.水晶肴肉: 無乜味, 而且刀功差左D, 切得唔係咁好.花雕醉黑棗: 少少酒味, 少少桂花味, 食落幾清新.東坡肉: 燉盅裝住的, 肉肥瘦分明, 人口溶化而不膩, 醬汁做得好好味.桂花糕: 個樣做得好靚, 桂花既清香, 冰糖既清甜, 配合得好好.整體黎講係滿意的, 屋企人滿意, 應該再黎.
繼續閱讀
朋友在團購網上購買了這飯店的四人套餐, 於是約了今晚一起來吃晚飯. 我還是第一次來這飯店, 一上到飯店, 便見四周掛放了飯店所獲得的獎項, 很多都是國內的獎項. 由此可見, 飯店質素應該有所保證. 飯店環境一般, 裝潢不算十分高貴奢華, 但感覺也不錯, 跟一般中式飯店差不多. 朋友團購的套餐有很多菜餚供選擇, 包括: 四款前菜(冷食)、湯羹、魚類、鮑魚/蟹、疏菜、糯米飯蒸鴨、點心、甜品及飲品. 侍應給我們團購專用的餐牌, 另有一份圖片供參考(值得讚!). 我們在各項菜餚中挑選了心水選擇:杭州素鵝: 比起其他地方吃的素鵝來說, 這裡的並不算算厚身, 腐皮內的餡料也不算多, 但味道還不錯.麻醬油麥菜: 感意外的一道菜. 看起來, 菜好像沒有清洗過的樣子, 但連同那些麻醬一起吃起來, 感覺相當不俗. 唔講還可能會以為自己在吃西式/日式的沙律!花雕醉黑棗: 外表看起來黑漆漆的並不討好, 但吃入口卻又跟賣相不同. 醉雞大家吃得多, 醉黑棗則很少機會吃得到. 可以一試.糖醋小排: 一般, 不論賣相或味道, 跟一般上海飯店吃到的沒有什麼兩樣.海鮮野菌燴花菜羹: 清清淡淡的一個湯羹. 用料豐富, 有帶子、蝦肉、魚肉、菜粒等, 味道不錯.蠔皇扣八頭鮑魚: 我們沒有選擇蟹, 選擇了這個鮑魚(每位一隻). 原本以為"八頭"鮑應該會大隻些, 但......., 不過, 坦白講, 以這個價錢, 有這樣質素的鮑魚已經是超值的了!松鼠黃魚: 份量十足! 酸酸甜甜的醬汁, 加上有點點脆的魚皮和滑滑的魚肉, 感覺良好. 不過魚真的幾大條, 四個人吃的話, 很快會有飽肚感覺.雪菜柏葉浸菜苗: 跟味道濃郁的松鼠黃魚剛剛相反, 這是一個清淡的菜式, 正好中和其他菜餚濃烈的味道.百寶糯米飯蒸醬鴨: 另一個味濃飽肚的菜式, 雖然四個人只有半隻鴨, 但其實已經是叫人吃不消的了. 糯米飯蒸醬鴨, 有糯米飯的香, 亦有醬鴨的鴨味, 不過, 由於糯米難消化, 建議不要吃得太多.上海小籠飽: 傳統上海點心, 都算ok, 但未見突出.酒釀丸子: 本來在一餐的末段吃個甜品, 會有一個圓滿的感覺, 但這甜品卻真的很甜, 丸子內的麻容, 吃起來好像吃方糖似的. 起歡吃甜的朋友, 可能會喜歡, 但對我來說, 真的有點甜過了頭.杞子桂花糕: 比起酒釀丸子, 甜度好得多, 雖然是甜, 但不膩.豆漿: 普普通通啦, 不能說好好飲, 又不能說不好飲. 就是沒有什麼特別.整體來說, 以這個價錢, 吃到這麼豐富的一頓晚飯, 真的算抵食! 當晚我們四個人吃到飽飽的抱著肚子離開呢! 真的感謝朋友的介紹!
繼續閱讀
一向都鍾意食上海野, 一行六人本來諗住去X泰豐食嘅, 但條隊長得好恐怖...咁岩係電話個APP見到Groupxx團購網同呢間餐廳做緊限時優惠, 仲可以即買即用, 所以就膽粗粗即刻買左黎試一上到去見到佢掛晒D 獎係門口, 先知原來豐收日係上海係幾有名嘅飲食集團黎我地個餐有九道菜, D菜式都幾名貴, 其中最好食係蔥油蒸膏蟹同埋花雕蒸羔蟹今次真係一個意外收獲, 又認識左一間好嘅食府
繼續閱讀
豐收日。太過分的酒樓。好久沒食過上海菜啦，聽friend講豐收日啲野食比出面啲上海菜平，所以特意來食。一到門口就有個超低胸資客，立即感到好驚訝，而家仲有酒樓著成甘乜。之後低胸資客帶我地入去坐啦，睇左一陣既iMENU就點菜啦，跟住來左一個著黑色衫女人幫我地落單。但系呢，佢幫我地落單既期間，不停就聞到濃濃既味道，真既有啲想嘔，所以呢落左小小冷菜食住先，然後叫佢走開先。再次叫落單，穩左個第二個人幫我地落。區開頭問有冇會員卡，話冇，就不停介紹張卡，有好多優惠。我話考慮下，跟住就求其幫我地落單。但系呢，食住一半果陣，叫翻佢幫我地加水，佢就當見唔到走開左，真是什麽態度。就算唔買卡者都冇必要甘珈，好過分。好了，到買單，買單都要等15分鐘，有冇甘離譜。
繼續閱讀
很久沒來的酒家,以前食過一般般,無乜特別吸引,不過今次有驚喜,出咗唔少新菜:百頁浸雞毛菜.菜仔小小,有似小菜心,但爽爽哋,加上豆腐干絲,很特別.講是上海來的.豉椒xx聖子炒年糕.這個最驚喜,用彩椒,洋蔥加上豉汁炒手指年糕,聖子好甜,估唔到味道咁夾.麻醬油麥菜:菜好爽,醬好味.南乳醬骨:超香,條骨一人一條,不肥,肉質嫩.漁家四喜:第二道讚的菜,魚丸,魚餃,魚麵,魚肚,最特別係底下有種綠色的香烏筍,配合得恰到好處.生煎飽.比上次多咗好多汁,而且底脆,飽肉滑.甜品係棗泥鍋餅,超正,不太甜,而且很香.吃完飯,朋友用會員卡埋單,跟住話送月餅劵俾會員過中秋,真夠特別.
繼續閱讀