影片
開飯介紹
日式西餐廳，提供超過三十款咖啡如藍山咖啡，還有日式拉麵及各種甜品小食，包括卜卜脆的蜜嘜厚多士。各款定食如咖喱豬扒、鰻魚、牛肉都頗有水準。
繼續閱讀
營業時間
星期一至日
11:00 - 23:00
以上資料只供參考, 請與餐廳確認詳情
食評 (129)
今日約左去銅鑼灣見客又傾成左張單, 去食個high tea獎勵自己是常識吧^^ 老公又響附近做野, 佢就帶左我黎呢一間, 其實我之前都去過雅蘭中心分店食過, 食物質素都幾好, 而銅鑼灣呢間裝修又靚, 所以我都毫不猶豫走左入去! 坐低唔洗諗叫左下午茶三寶 : 格格多士、麥嘜多士、咖啡。格格多士 : 我每次去Pokka都會食, 凍雪糕配暖多士果種入口即溶既感覺真係大滿足! 而佢又唔會太甜, 連我老公平時不能食得太甜都話鍾意食!蜜嘜多士 : 第一次試, 唔錯!鬆脆內暖, 好有口感!咖啡 : 去其他地方飲咖啡都需要落糖落奶去抵銷苦味同令口感更幼滑, 但我認為Pokka既咖啡冇咁既問題, 反而乜都唔落更保留到咖啡香味。而老公叫左一杯凍咖啡, 佢話ok但我始終個人唔鍾意有冰既咖啡~.~值得一提既係staff介紹我地飲一隻桂圓紅棗杞子茶, 反正有時間就試下啦~ 茶香味幾突出, 雖然話有紅棗杞子呢類中藥成份, 但桂圓既清香味好突出, 值得推介!
繼續閱讀
同媽媽搵飯食就算了這間餐廳間餐廰好長menu日式豚肉飯套餐，沙津普通，湯冇味，豚肉普通，個汁0K湯普通頭盤鹅肝醬卷，唔知點解覺得好硬羊架好大份, 不過味好羶，太熟完全唔合格甜品芝士餅0k最好飲係杯奶茶股務一般價錢唔係平味道又唔係好食應該冇下次
繼續閱讀
相約兩好友於銅鑼灣Pokka Cafe吃晚飯，點了一客會員晚餐。餐包質素普通，用上茶記貨式。餐湯椰菜花湯，質感略薄，菜香不重。雜菜沙律賣相味道合預期。主菜海鱸魚比較細件，男孩子很大機會不夠吃。魚塊滑度一般。伴碟有一三文魚小袋，外脆內軟味道不俗。甜品藍莓奶凍拼忌廉泡芙，奶凍本質味淡，但面上的藍莓醬幾甜美好吃。忌廉泡芙無特別。餐飲藍山咖啡一杯，順喉味香，好喝！最後一談服務，上菜很慢，個別服務員好似雲遊咁，時有甩漏，需要改善。
繼續閱讀
第一次同朋友黎呢到食野…叫左四樣野！香辣牛肉石窩湯：好香好濃既牛肉味，小小辣…十分開胃！凱撒沙律…自選左三文魚和雞肉…普普通通…羅文菜都好新鮮！鮮蕃茄雞肉火腿奄列飯：係落單個陣我已經問個個小姐可唔可以做到蛋包飯入面既蛋呈半熟狀態。小姐話可以我先叫！我都心知有難道！但出到黎竟然係全熟！勁失望！味道雖然唔差…但真係唔係個回事！香辣牛柳意粉：又是一個失誤…明明叫香辣…我仲叫埋加辣！點知係一啲辣都無…真係灰到無朋友！總括而言…因為二道菜既失誤我決定唔係到食甜品！隨左裝修可以欣賞外！我係唔會再黎第二次！！
繼續閱讀
Pokke Cafe，我已經去過很多次了，但是越來越退步我們到吃晚飯，看一看Menu有沒有新的驚喜，但是我真的好驚，好失望。個Menu完全沒有新的食品，會員餐與上次一模一樣，我們叫了兩個會員餐，一個三文魚扒餐和一個豬扒拼田螺餐。首先，前菜。兩個紅菜頭沙律，味道差不多，兩個芝士焗南瓜，芝士焗得不夠熱，令到南瓜冷了,失敗。湯那方面，薯蓉紅籮蔔湯，湯很有紅籮蔔味, OK啦！不過，話薯蓉，但是出來的時候是薯粒，為甚麼呢？失敗中的失敗.主菜方面，兩個鵝肝西冷牛扒，我們叫了一個是5X，一個是7X，但是變一個7X, 一個10X，so ridiculous! 我們於是叫服務員換一換，但是足足等了半個小時才回來，轉回5X，哎！失敗中的失敗中的失敗.此外，豬扒像鐵餅，花了整整三分鐘才切出來。失敗中的失敗中的失敗中的失敗。只有甜品稍微好一點。最差的是埋單要等十分鐘。陰公！
繼續閱讀