影片
港鐵長沙灣站 C2 出口, 步行約7分鐘
繼續閱讀
電話號碼
96809781
92073390
營業時間
今日營業
13:00 - 22:00
星期一至日
13:00 - 22:00
以上資料只供參考, 請與餐廳確認詳情
我真係好掛住花園街世一辣魚蛋😢大部分好食嘅魚蛋都執哂，陳皮魚蛋我唔食，想食辣魚蛋除咗去長洲之外，究竟有咩選擇？今次特登行去長沙灣為咗食辣魚蛋😂係咪好痴線？因為燒賣關注組比較多人討論而魚蛋，你冇理由為咗食一串煲個辣汁浸🙈呢度有兩種魚蛋，我當然揀大魚蛋（佢唔係長洲大魚蛋咁大，不過一定比陳皮魚蛋大粒嘅）簡單啲講就係炸皮魚蛋同陳皮魚蛋兩種嘅分別！大魚蛋亦都係我正常食果種炸皮魚蛋🥹辣汁分大中細，姐姐問我譚仔食到幾辣，我話3小辣冇問題，佢落左大辣比我，我都只係覺得係咖喱level😂😂😂不過係好熟悉舊時嘅咖喱辣魚蛋風味！#串魚蛋
繼續閱讀
突然想食啲小食，第一次幫襯，買咗咖喱魚蛋、咖喱牛柏葉、咖喱魷魚、咖喱齋四樣嘢。竟然係無一樣嘢OK，啲齋入面係白色，完全係不能入口。雖然唔想浪費食物，但最後都係吐左出嚟。
繼續閱讀
今日路過昌華街，本來想去金華美食食燒賣，但見到檔好似陳記魚蛋嘅小店，所以試左串魚蛋，個汁同陳記一樣分大小辣同唔辣。叫左大辣果然好勁，食完出汁，不過個汁多渣比較揩，可能中係啲薑嚟。我見有人叫腸粉餐好似都唔錯，比隻膠碟你企埋一邊食，腸粉汁仲可以跟佢啲辣汁。臨走見到佢兜碗仔翅幾靚，於是買左碗拎走。雖然冇野遮可能有啲塵，但見佢幾靚同埋始終街邊檔，所以我覺得算係咁，個翅都齊料（雖然唔夠自己整可以勁多），木耳爽身，證明兜野算新鮮，$12好難搵。
繼續閱讀
之前間中買一串半串食下覺得味道ok ，後來唔知賣野果個亞姐佢有心定無意，買得多過一樣野就收錯錢。收錯錢仲要晦氣回應。第一次，我買魚蛋燒賣各一串，諗住俾廿蚊佢找。佢唔找錢，竟然話收齊頭俾多幾粒我，完全冇問我意見就自把自為，我算數~第二次，佢又用同一個藉口唔找錢，我堅持只俾兩串魚蛋的錢，佢夾走返幾粒魚蛋，最後佢西住面咁找返錢俾我，補多句"俾多幾粒你食姐"。心諗係咪要多謝你！第三次，我買碗魚肉湯和碗仔翅兩溝，佢竟然意圖魚肉湯和碗仔翅各收我一碗錢。幸好及時阻止，仲要俾佢串，兩溝應該叫"魚肉翅"而唔係"魚肉湯碗仔翅兩溝"。最後最大整蠱的是，佢又一次自把自為，落左五份之一支醋落我碗"魚肉翅"度,碗野酸到同飲醋冇分別。真係唔知個亞姐係溝通有問題定係想搏懵收多你錢。以後經過如果係呢相片入面果個短髮亞姐當值，我絕對唔會幫襯！
繼續閱讀
檔仔細細，在橫街雜行，要揾不是那麼容易。阿姐用心整理串串。整個檔口就只有那麼細，但五臟俱全。令人食指大動的秘制魚蛋汁，有大辣和小辣，除非本身好食得辣，否則唔建議大辣，因為真的辣到飛起。小辣其實都好辣下。檔仔有其他餐可以選，我見當時就有人點了A餐。友人唔食得辣，點了牛栢葉和魚蛋。牛栢葉爽脆，魚蛋細細粒堅實身。我可以食辣，就點了咖哩尤魚和齋。尤魚好爽，配以小辣咖哩汁，好野味。咖哩汁辣得來帶點甜味，不是刺激的辣，而是辣得有層次。第一次食咖哩味齋，齋吸引收了咖哩汁，正。
繼續閱讀
您可能會有興趣的...