影片
以上資料只供參考, 請與餐廳確認詳情
之前每次來都是午餐時段，難得能來一次吃早餐。早上的客人種類和午餐的學生、白領不同，中間一檯像是剛做完晨運的太太們，旁邊每檯一個叔叔雄據一方，另有一番舊區味道。首選的沙爹豬頸肉沒有貨，有點失望（在我之後的兩檯客人都和我一樣失望，似乎是必點項目？）；結果點了西班牙牛肉通心粉。西班牙牛肉，就是蕃茄，蘿蔔，椰菜，雜菜等加軟稔的牛腩。湯底很鮮甜，雖然應該也加了不少調味，還是忍不住喝了幾口；通心粉是扭扭粉，讓湯更容易掛在上面，讚。餐飲點了朱古力，滿足的一餐，為搏殺的一天揭開序幕。
繼續閱讀
朋友介紹下去試，食左個$105巨型肉眼扒餐(包埋多士、湯、沙津、甜品)價錢唔算貴，但味道一點都唔值得我特登黎食!!肉質硬、湯非常淡。有個是日精選$78同我呢個既分別只是鐵板與非鐵板之別，建議選擇$78就夠!
繼續閱讀
今日跟同事去食晏同事話呢間餐廳既牛角包好好食所以好奇去試下去到餐廳，都幾多人不過好快就有位坐叫餐既時候，淨係諗有咩唔熱氣(岩岩病好)結果就中左伏...先睇餐牌E餐先黎餐湯一飲，嘩，咸到爆隔離位唔識既都話好咸再望下其他枱，全部都飲剩半碗....牛角包因為冇咩問題，所以好快食左都唔影啦之後個飯一上台D海鮮丸呢，魚蛋都有掛擺明寫錯字最慘個飯又冇磨菇，得D青椒絲...同事點既什扒算正常，不過塊雞排得平時SIZE三分一重要係擺明一開二咁分俾大家，隔離枱都忍唔住投訴期間D侍應都好恐怖收碟將D汁倒到一地都係又無啦啦放低其他枱食完既碟響我地枱面總之下次一定唔會再去食！
繼續閱讀
Leon莉萊是長沙灣的老牌港式西餐廳，食物質素普通，而咖啡就幾香，我很多時都是為杯咖啡而來。今天來吃個下午茶餐。先來杯咖啡，依然香濃，當然不能跟專業的咖啡店作比較。但以港式西餐廳來說，這杯啡算幾出眾。茶餐我點了「蝦多士」多士炸得幾香脆及鬆化，略微燶了點及油份少了點。這裡服務也算OK，有舊冰室感覺，也是我常到訪的另一原因。
繼續閱讀
以前小店有一角是用來自製麵包, 現在麵包都是買現成的, 再經過微波爐叮起, 那麽一個腍糍糍的牛角包便奉上。名字叫餐廳, 不是茶餐廳, 為何賣的大部分都是炒粉麵飯? 價錢依舊是餐廳價, 但為何出品會相差得那麽大? 下午茶餐B $31, 可從吉列石斑、芝蔴八爪魚、蟹柳、雞翼、珍寶腸裏任選一款, 配沙律或薯條。叫吉列石斑沙律就看似較值$31, 怎知道炸皮下的魚肉是很薄, 肉質滑滑的並能夠一小片一小片的义出來吃。 什果薯仔沙律就冰到牙關震根本薯仔就雪死咗 薯仔纖維內有碎冰, 放耐些溶些雪後, 薯仔質地頓時腍腍地渣渣地, 尤如揸乾後的海綿不知道是雪櫃太強力還是客人較喜歡叫焗/炒粉麵飯來吃??
繼續閱讀