影片
港鐵長沙灣站 C2 出口, 步行約7分鐘
繼續閱讀
電話號碼
46257950
24111668
營業時間
今日營業
12:00 - 15:30
18:00 - 22:00
星期一
18:00 - 22:00
星期二至日
12:00 - 15:30
18:00 - 22:00
以上資料只供參考, 請與餐廳確認詳情
我哋今次去食餐好嘅，一於就搵間異國菜料理啦🍴。見到呢間位於長沙灣嘅小店評價唔錯😆，舖頭食西班牙菜，成個氣氛都有南歐風情小酒館嘅感覺🍷。侍應服務親切，仲會介紹當日推介菜式🧑🏻🍳。.🍷Sangria ($88)呢款絕對係食西班牙菜必嗌嘅餐酒😍！以紅酒嘅甜香味作為基底🍬，加埋生果同埋梳打，令到酒精嘅嗆口感降低，反而加重咗生果嘅清新果香味🎐！.🥂Domino De Los Duques ($78)配合住咁chill嘅氣氛，另一杯餐酒就揀咗Sparkling🫧！飲落順口，提子香味好出，無論係甜度定係提子發酵嘅香味🍇，都好易入口。加上氣泡感足夠，好夾嘢食😝。.🥩Hanger Steak ($168)封門柳真心整得幾好，推介👍🏻！火候控制得啱啱好，外層有火炙過嘅香烤味道🔥，中間肉質仍然多汁軟身，粉紅色嘅肉質，流出好邪惡嘅肉汁💦。配埋鷹嘴豆泥，軟滑順口，打得超級綿👅，好好味。.🍝Fideuá De Pescado ($188)好有特色嘅碎麵，食落超級香口😋！海鮮味道超級濃郁，全部炒到入晒味，加上炒到邊位焦香嘅麵🔥，令到食落多一重香味。麵嘅質地本身夠腍，有一種東南亞炒碎米粉嘅感覺🍳，好特別。.🦑Squid Croquetas ($20)日式嘅可樂餅成日都有機會食到，正宗歐式嘅可樂餅又食過未呢💥？嚟到呢度真心推介嗌！外層炸得酥脆，裏面超級軟綿，而且魷魚嘅味道好濃郁🤤，一食落去香味係口裏面爆發出嚟，一食難忘！.🍨Churros ($78)當然唔少得食埋咁近期大熱嘅西班牙油炸鬼啦🇪🇸！新鮮炸出嚟，食落味道同口感比起市面上舖頭更加高質💕！外層超級酥脆，裏面有空氣感又鬆軟💨，仲有用雲呢拿籽整成嘅真正雲呢拿雪糕🍦，同埋黑朱古力漿🍫，超滿足。
繼續閱讀
依間餐廳主打正宗既西班牙菜,可以品嚐到地道既西班牙風味,用餐環境都好chill同有情調,價錢吾算貴,而且仲可以睇住廚師即叫即席烹調食物❣️松露蘑菇可樂餅($20)蟹肉可樂餅($20)松露蘑菇可樂餅係由鮮香嘅蘑菇炒香,拌入奶油同芝士,然後製成圓形既可樂餅,外層包裹著金黃酥脆既麵衣,每一口咬下去,先係酥脆既外殼,然後就係充滿著香氣同奶油芝士味道既蘑菇內餡好好食!而蟹肉可樂餅內餡充滿蟹肉既鮮味,啖啖肉好有口感!西班牙辣味薯角($68)西班牙辣味薯角係一道西班牙既傳統小食,切成塊狀既薯仔炸至外層金黃酥脆,內層柔軟,搭配蒜香蛋黃醬同Bravas醬,食落去帶辣椒同番茄味,口感好特別!西班牙蒜蓉蝦($108)蝦同蒜蓉係橄欖油中煮熟,蒜蓉會係橄欖油中爆香,同蝦一起炒熟,蒜蓉蝦可以就咁食或者將多士蘸橄欖油咁食,味道充滿蒜香又好鮮甜!西班牙海鮮飯($258)海鮮有蝦,青口同蜆肉,每粒飯都保持住鬆軟而粒粒分明,仲充滿了濃郁海鮮味🥰西班牙油炸鬼($78)Churros既外皮酥脆色澤金黃,外皮上灑滿咗肉桂粉,如果唔食嘅朋友仔就要注意啦🤣將Churros浸係朱古力醬度食,朱古力味好濃又唔會好甜好夾!
繼續閱讀
呢間位於長沙灣嘅西班牙餐廳已經encore過好多次，食咗幾次都覺得質素好高，覺得佢哋嘅Tapas好出色，不過入面座位就唔太多，如果平日夜晚嚟嘅話都可以book定位🍽️Broken egg🍳$98西班牙壞蛋薯條用上炸到超級脆嘅幼薯條，太陽蛋煎到燶邊，蛋漿同煙肉碎撈埋薯條一齊食好正Gambas al Ajillo🦐$108蒜油蝦份量好多，每隻都好大隻，個蒜油先係重點，啲蒜片食落都好香，啲蝦好入味，配埋多士食一流🧄Tortilla with Spicy Chorizo🥠$92我哋揀咗辣肉腸味嘅西班牙蛋餅，入面真係好足料有好多薯仔，辣肉腸都幾惹味食落辣辣地，蛋餅面頭仲要加咗sour cream🥞食落真係好夾！Squid paella🦑🥘 $108雖然會食到成個嘴都黑晒，但食落墨汁味都幾重，個飯仲加咗蝦同埋墨魚，面頭嘅sour cream先係重點，撈埋個飯食真係超級邪惡🤤Churros🍨$78經典嘅Churros配上雪糕同埋朱古力醬，Churros外脆內軟，朱古力醬係用咗黑朱古力唔會太甜啱啱好，不過最好食都係個雲呢拿雪糕，係佢哋自家製嘅gelato🍨
繼續閱讀
二訪長沙灣西班牙美食 ·͜·呢個價錢以西班牙菜黎講真係性價比幾高 𖤐環境係橙色復古風，係好溫馨小酒館嘅感覺 好適合帶屋企人或者一大班朋友過黎幫襯服務態度都好好，會主動介紹Menu，亦會主動比水好少可會覺得嗌嘅全部嘢食樣樣都咁好食！（平時覺得有1-2樣驚艷到我已經好勁xdd)埋單人均 200 到真係超級抵食啊！！𓏸 Gambas al Ajillo | 108份量超級多嘅西班牙蒜油蝦個蒜油先係最惹味嘅嘢! 超級香!配埋多士真係一流～𓏸 Panceta with Toast | 62有芝士碎配埋 Panceta 同多士Panceta 油脂超多! 但其實最好食嘅竟然係多士？！！𓏸 Pan Tomato | 42呢間嘅番茄包最好食舊多士真係本晚 Highlight 極脆啊! 想 Encore 多士！！🍞呢到係被多士耽誤的西班牙菜店 ？！𓏸 Patatas Bravas | 68隔咗幾年之後再食依然咁好食！！從側面會望到層層分明嘅薯仔，食落去亦都食到每一層薄薄嘅薯仔係你個口入面融化!!面頭係蒜香蛋黃醬醬同辣醬好惹味！！超級推薦嗌千層薯仔食！！𓏸 Red Prawn Fideuà | 208聽店員推薦而嗌的平時食開 Paella 今次第一次試短麵(短麵吸晒啲醬汁超濃味！）好特別啊口感好似粉絲而且紅蝦膏超濃郁!呢個價錢真係唔貴！ 下次唔好再試燴飯啦，原來短麵都好唔錯～𓏸 Eclipse | 58賣相又靚而且入面係橙汁、黑加侖子、梳打水整體黎講唔算好甜食 Tapas 一定要配返杯嘢飲先叫下酒菜!𓏸 Churros | 78依然咁好食嘅 Churros上面撒滿肉桂糖，沾上雲呢拿雪糕同朱古力醬超正!見唔見到！！雲呢拿雪糕係有雲呢拿籽添啊真是真材實料!我有個小怪癖係將雪糕沾上暖笠笠嘅朱古力醬朱古力醬就迅速凝固做脆卜卜嘅表面 ～
繼續閱讀
長沙灣極高人氣餐廳，主打高質西班牙菜，人氣必試西班牙海鮮炒飯及可樂餅，建議預先訂座。😍- 蟹肉可樂餅 HK$20 🦀外脆內滑!!蟹肉可樂餅外皮炸得金黃酥脆，餡料充滿了蟹肉絲及質地柔軟順滑薯蓉，帶牛奶香氣十足!!- 墨汁魷魚可樂餅 HK$20 🦑濃郁鮮味!!可同樣外脆內嫩，餡料加入了香甜墨魚汁、鮮味龍蝦湯魷魚粒，味道鮮美濃郁。- 西班牙紅蝦飯(時價) HK$348 🦐🥘必食超鮮紅蝦飯!!超大紅蝦爆出濃郁蝦膏，將所有蝦膏倒入充滿魷魚粒的香脆西班牙炒飯中，炒飯口感香脆，飯粒圓潤且吸滿紅蝦精華，味道濃郁甘香，鮮味在口中爆發，超好食!!- 西班牙封門柳 HK$208 🥩可以不試!!表面調味咸香並微焦，但封門柳肉質不夠嫩滑多汁。底部薯蓉非常順滑而且吸收牛肉精華，肉香十足。
繼續閱讀
您可能會有興趣的...