影片
港鐵烏溪沙站 A1 出口, 步行約4分鐘
繼續閱讀
付款方式
以上資料只供參考, 請與餐廳確認詳情
今日經過呢間「哥斯喵」買左一杯「貓爪百香果現泡茉莉綠」加珍珠，現場得我一個人買，烏溪沙真係好少飲品店，第一次買就有咁差嘅體驗。呢間野其實都唔平，一杯$32另外加珍珠$4，一共$36，攞返屋企先發現冇加到珍珠，但係仲比埋粗飲管我，再睇番個杯，上面亦都寫住「珍珠」兩個字，真係唔明點解得一個客一杯飲品，都做唔好，收左錢冇俾珍珠，真係好嬲😡😡😡😡杯野茶味超淡，好似水加糖漿溝出黎，我一定唔會再幫襯😤😤😤下次寧願去馬鞍山買，都唔會再買呢間乜乜喵失望透頂，咁都可以漏左加珍珠？！
繼續閱讀
咁啱同屋企人行過烏溪沙。就打算試下呢間新開嘅鋪頭。唔試由自可，一試就大獲。 個價錢都唔平，等嘅時間都特別長，性價比比較低！唔推薦大家去試呢度嘅嘢！首先講下嘢飲，喺嗰度買咗幾杯野飲，①珍珠奶茶嘅話:茶味完全唔夠，但珍珠都算有咬口。②水果茶嘅話:水果茶嘅橙片霉霉爛爛完全唔新鮮，不值推薦！③奶蓋飲品嘅話: 呢個價錢唔值得去呢間試，奶蓋嘅芝士味唔夠重，鍾意飲奶蓋嘅朋友應該會覺得比較偏淡！④ 士多啤梨鮮奶:味道都ok嘅但係就偏細杯，冰都幾多！嘢飲唔多ok，咁就講下佢哋主打嘅雞蛋仔同埋格仔餅！！①原味雞蛋仔:蛋漿蛋味唔夠，雞蛋仔唔夠脆身，份量唔多！② 朱古力星星: 相對原味嚟講比較好食， 朱古力味都比較重， 可能加咗星星嘅關係雞蛋仔就會比較脆身，但都要27蚊！③格仔餅: 感覺上好漏唔係話特別脆身好食！至於炸物方面，① 魷魚鬚唔係特別新鮮！ 而且都幾燶！②油溢味過重，唔知係無點換油定係油嘅質素唔好！③ 芝士麥樂雞嘅芝士都算係少， 就咁上面少少就算！總括嚟講呢間嘢唔係特別好ok， 咁嘅價錢可能係其他地方可以食到更好嘅， 但服務質素都算ok嘅， 只不過食完之後屋企人都有肚痛嘅跡象！可能處理食物嘅衛生方面呢間舖頭都唔係特別好！
繼續閱讀
見新開所以幫襯，第一次去我就買左黑糖珍珠鐵觀音奶茶🧋，價錢唔平$33一杯，味道偏淡，無咩茶味，黑糖味較少，似奶水多啲，珍珠超硬。好失望。性價比超低。見飲品唔得，第二次再試下雞蛋仔，睇下會唔會好啲，點知一樣唔掂。叫左比利時朱古力雞蛋仔$25，已經即食。雞蛋仔即整都唔夠脆，係硬，咬落似粉團，真心好耐無食過咁嘅雞蛋仔...唯一好係個朱古力味夠香，但朱古力粒偏少，唔太足料。比過兩次機會，唔會再幫襯了！！
繼續閱讀
上次試咗雞蛋仔&黑糖珍珠鮮奶，今次決定試下佢哋嘅套餐！今次幫襯發覺人流比上次多咗，喺等外賣嘅過程中都幾多人幫襯😮 等咗16分鐘終於等到我個外賣，等候時間都係有少少耐。❤️ 貓抓水果四季春 $32幾好飲，正常甜度都唔會話太甜！入面嘅水果比例都幾多，果味比茶味濃。好飲度：⭐️⭐️⭐️ (3/5)❤️ 芝士四重奏珍寶 $57有細薯條、豬扒、麥樂雞、雞柳！芝士配炸物係無得輸，唔會差得去邊🤤 豬扒炸皮少少脆，肉就偏薄。雞柳啖啖肉，口感比豬扒實正。薯條同麥樂雞都偏腍，但口痕嘅時候都可以買嚟代替M記😂好食度：⭐️⭐️⭐️✨ (3.5/5)❤️ 小炸寶 $36有爆谷雞、帶子、餃子&香芋丸。爆谷雞正常，炸得幾乾身。帶子大大粒；餃子皮薄，餡料就無咩特別。值得讚下嘅反而係香芋丸，外脆內軟，外層充滿奶香，內層係芋頭蓉，係小炸寶之中唯一甜炸物。好食度：⭐️⭐️⭐️ (3/5)餐廳推薦度：⭐️⭐️⭐️✨ (3.5/5)幫襯第二次都覺得唔錯喎👀 選擇又多，每樣都想試，下次有機會過嚟幫襯再寫食評俾大家💁🏻♀️
繼續閱讀
聽到傳聞好一段時間，哥斯喵雞蛋仔終於係烏溪沙迎海開店，今天早利亞就買咗伯爵茶雞蛋仔，即點即做，耐心等候約十五分鐘，攞上手熱辣辣，薄身，入口都有脆感，越咬越有伯爵茶香味～仲有好多味道，抹茶及粒粒朱古力都好吸引。小店提供炸物小食如薯條、豬扒、炸餃子、炸鵪春蛋等，下次試～區內亦沒有這類台式飲品店，款式不少，有台灣茗茶、現泡茶、鮮果茶、珍珠奶茶、燕麥茶、芝士奶蓋、巨峰多多、柑桔檸檬及柚子茶等，依家食完lunch 想買杯珍珠奶茶飲都好方便啦～
繼續閱讀