影片
港鐵鰂魚涌站 A 出口, 步行約3分鐘
繼續閱讀
電話號碼
2562 4331
附加資料
無肉餐單詳情: 每天供應少量素食菜式
營業時間
星期一至五
07:30 - 19:00
星期六
08:30 - 15:30
星期日
全日休息
以上資料只供參考, 請與餐廳確認詳情
哎呀！今日行過這間店，心諗吊吊下午餐咋，咪就走入去試吓囉！入面環境嗲嗲的，坐落下來要咗個Meatball Roll。嘩，我講你知啊，啖啖肉丸，多汁、爽口，滾燙的肉汁一啖咬落去，真正是鬼香！跟住又攞咗杯Mango and Passionfruit Yogurt，酸酸地碌升腦，頭先食嗰啲肉又收得返啲油膩，但係又唔會甜到簡直，飲完杯Latte，啱哂，滑滑哋，咖啡香宜家諗起都仲嚟電。啱啱要走，店員幾好心，送咗杯南瓜湯試，免費㗎😲！飲落去，濃郁嘅南瓜味，滑到出晒界，真係駛唔到去高級西餐廳都食唔到咁正宗。下回一定要再黎，專登點南瓜湯！轉個頭，又試咗藍莓優格，微甜中帶點清新，藍莓嘅酸香仲撲鼻添！揼實訓一杯，瞓前都想再嚟一杯👍。你話呢，一間普通咖啡店，有咁質素嘅湯品，真係少有。喺呢啲凍天，飲盞暖笠笠嘅湯，真係心都暖哂❤️。
繼續閱讀
有一天心血來潮，想食d新鮮口味 好似沙律做lunch。但係又唔想食一般凱薩/什菜沙律（又俾自己一個搵食機會）於是專程走到位於太古坊既pret a manger。這間餐廳其實都幾多外國人幫襯。很適合外國人口味吧。店員也大部分都係外國人，亦好熱情介紹推薦食物。這就是外國人好客之道。餐廳環境都幾舒適，是自助形式但又比一般快餐店高級些。食物選擇都唔少，三文治，沙律，熱食既有湯，意粉。小龍蝦牛油果藜麥營養杯份量真實都幾細杯，但整體好吸引我，因為材質都係健康食品，小龍蝦算幾爽口，清淡新鮮味道，牛油果只有2小切件，而我最喜愛佢有近年既健康食品新貴：藜麥，增加飽肚感，含蛋白質，營養豐富。藜麥焗芝士甘藍菜 椰菜花通粉 另外再叫了一個熱食，是蔬菜既焗通粉。也是一個清新選擇。面舖滿了車打芝士，配白汁好香。主要介紹返羽衣甘藍呢個菜，而家被吹捧得熱烘烘，此菜可當作沙律菜，具有排毒抗癌之效，本身菜都幾脆口，焗完都唔會變淋。雖然用了芝士焗，但整個都變得清新！食物份量：如果只食營養杯又差少少 飽肚感唔夠，想keep fit既都可以另外叫個湯，都係唔錯既選擇！年代不同，人也漸老，係挑選食物方面除了味道亦漸轉重質，對自己好d，心情好d，健康又好d，迎接更多美食呀嘛，係咪先Re 姐推介：4/5抵食指數：3/5
繼續閱讀
多年前認識Pret A Manger ，就由她的小龍蝦三文治開始，首次光顧，應該在IFC店。當年確是革新，用上乘的小龍蝦作三文治餡料，是成本高的大膽嘗試，卻又非常成功，至少令我一試難忘。公司搬往太古坊數月，天天來往此店，今早受不到誘惑，外賣一份小龍蝦牛油果三文治回味。不知道有否老主顧如我，知道現在一份的份量是當年的半份，從前的一份賣價頗高，改為半份令價錢吸引之餘，亦適合白領麗人的胃納。多年後的今天，$22/份小小的三明治，又不可評為便宜，但可以接受。這個口味，始終是我最喜歡的。爽甜的小龍蝦，質感與其他普遍的饀料不一樣；例如雞肉、番茄丶火腿等等，因為始終是海鮮，就是跟漢堡包用的炸魚相比，炸魚多了一份酥脆，但多是雪藏貨，魚味欠奉；這處的小龍蝦，縱使並非新鮮，亦需要冰鮮貨，絕非久久雪藏貨式，否則肉質會霉，那種鮮甜爽口之感依然保持，與別不同！小龍蝦份量亦豐富，足料製作，配上黏稠口感牛奶果醬，爽脆的生菜及青瓜，舌尖上的享受層次分明，豐富滋味。早上的店其實人流不少，但流程暢順，皆因食品全自助，客人自取後到食物櫃檯找店員，櫃檯上面附設多個八達通拍咭位，店員檢閲食品及調較銀碼後，客人拍咭即走，銷售快速，店員亦友善，客人無可投訴。美好的一天從美味早餐開始，今早加足油喇！隨時迎戰！！
繼續閱讀
閒時都會來到這間最就腳的Pret A Manger, 一向都對它的食物滿有信心, 日日製造, 選用的食材又有益又天然, 新鮮健康是它的賣點, 正正是吸引我之處。 間中還會發現驚喜, 定時推出新產品, 也是另一吸引的地方。餐店的環境一直沒有改變, 闊落而光猛, 設有沙發座位, 亦有普通椅子位, 整齊企理, 還播放着輕快的外語歌曲, 感覺舒適休閒。餐店自助形式, 客人走到三個放了三文治、蛋糕、沙律、凍麵水果盆、乳酪和凍飲的大型凍櫃或一個放了湯類和烤卷的Hot Wraps揀選心水後, 便走到收銀處付款, 再自取餐具。餐店追求創新, 致力為客人創出健康有益的菜式, 今期讓我發現它推出超級杯, 究竟如何超級? 超級杯共有三款, 包括韓式豬肉麵沙律超級杯、芝麻雞麵沙律超級杯和蘇格蘭三文魚藜麥沙律超級杯, 身為魚痴的我, 根本不用多加考慮, 三文魚是必然之選, 加上有被稱為 "五穀之后"的藜麥, 完全合我心水。******************************今日午餐就來一客蘇格蘭三文魚藜麥沙律超級杯 Scottish Salmon Quinoa Super Bowl ($65)及一杯熱朱古力咖啡 Mocha($31), 滿足極了!別看那碗超級杯不是載得滿滿的, 以為會不夠, 其實份量十足，相當飽肚。其配搭數款青綠的食材, 賣相清新, 選材有益健康。數數看, 食材款式眾多, 舖在面層分別有爽脆的青瓜片、幼嫩清新的菠菜葉、挺有咬口的毛豆、脆口天然什錦籽仁, 當中包括有葵花籽、南瓜籽和松子仁。當然不少得主角煙三文魚, 肉質柔軟亦有咬口，鹹鮮味濃, 還配備一小碗法式醬汁。底層放滿富有咬口什藜麥, 即是三色藜麥, 有味道較淡、質地較腍的白藜麥, 還有口感煙韌的黑藜麥 及紅藜麥, 再混入半腍而帶青草味的青豆, 口感豐富, 很有咬口。略嫌淨食蘇格蘭煙三文魚 味道過鹹, 個人認為最佳食法是先唧入檸檬汁, 再將其搓碎, 與所有食材完全拌勻。淡口的藜麥、清新的蔬菜和豆類中和煙三文魚的鹹香味, 再加埋香脆的什籽仁, 口感層次豐富, 吃時混入一些酸咪咪帶胡椒辣的法式醬汁, 味道多變，更加吸引。在悶熱的夏日來一碗既飽肚又清新有益的超級杯，最適合不過!******************************在飲品餐牌上發現餐店選用了有機咖啡和有機香茶, 為食客帶來更健康的選擇。愛喝咖啡的我, 點了一杯熱朱古力咖啡Mocha($31)。咖啡面層雖沒有令人讚嘆的拉花圖案, 但以可可粉 灑上星形圖案, 與杯子上的圖案互相輝映, 賣相亦不錯。於未拌勻之前先呷一口, 入口微暖, 一層輕型的粗泡, 口感並不幼滑, 味道偏淡, 再拌勻試試, 能嚐到甘苦的朱古力味, 味道突出, 甜度合宜, 最怕甜溜溜的朱古力咖啡, 其味道很合我口味, 只是略嫌咖啡味 偏淡, 若然兩者能取得平衡, 那便更理想。------------------------------超級杯內有豐富Omega 3的三文魚、有被稱為「超級食物」的藜麥、有豐富植物蛋白的毛豆、有營養豐富的什籽子, 還有鐵質豐富的菠菜, 果然超級杯送上超級能量, 再加埋一杯熱量十足的朱古力咖啡, 簡直充滿能量, 叉電至100%。超級杯還有兩款迷你版, 可一次吃兩杯不同口味, 50%+50% 加埋同樣可叉電至100%, 哈!
繼續閱讀
颱風過後，來到週末，天氣超級睛朗，本打算和家人外出逛逛，點知原來個個都另有節目，反正得一支公，決定去住處附近的《Pret A Manger》吃頓輕怡的沙律午餐。最喜歡的就是這裡週末人流較少，可以靜靜地享受獨個兒的樂趣，盡量不思考、唔使用腦，好正！《Pret》的夏日沙律，向來都是筆者的心水之選，尤其是配上凱撒蛋黃醬的雞肉廚師沙律，帶意大利風味，既健康又有營。不過無嚟一排，發現原來餐廳近日推出咗另一全新系列的沙律《夏日超級杯 Summer Super Bowl》，當中包括有韓式豬肉麵沙律、蘇格蘭三文魚藜麥沙律、芝麻雞麵沙律三款。走近凍櫃細看，原來芝麻雞麵沙律 ($58)，內裡除咗有雞肉之外，仲配上我愛吃的牛油果同腰果，用料吸引，就一於揀這款試試。另外原來餐廳依家做緊優惠，凡購買任何沙律，即可以 $10 優惠價，享用任何有機咖啡一杯，咁抵，當然唔可以錯過喇！安坐後先試一口雞肉，肉質雖然唔算好滑，但由於面頭撒滿粒粒黑白芝麻，所以咬下特别香口。當然還有口感超脆的烤腰果、香甜軟滑的牛油果、和碗底的清爽蕎麥麵，加上新鮮的菠菜、醃製的胡蘿蔔同卷心菜等，再以附上的一小兜芝麻醬撈拌來吃，帶來多重口感，再擠少許檸檬汁上面，散發濃濃夏日氣息。至於 +$10 點選的有機咖啡，揀咗杯 Iced Latte，咖啡喝起來頗幼滑，只是稍嫌冰粒下得有點重手，令咖啡味不太濃香。講真，其實對另外兩款韓式豬肉麵沙律和蘇格蘭三文魚藜麥沙律 Super Bowl 都有興趣，要找天再來試試。
繼續閱讀