百里鮮海鮮火鍋酒家 (已結業)

去海洋公园玩了一天，晚上路过这里，就过来吃呢。在服务员的盛情推荐下点了冬瓜虾仁汤，真心不错啊。在那里吃的最美味了至少在大陆没找到那么鮮的。八爪鱼拌海蜇也很喜欢。另外还点了个排骨的也还好了，反正都还味正。看那里吃火锅的人也蛮多，热气腾腾。怎么最近结业了啊，有点可惜，我还想去吃别的呢。哎。

同班會友到銅鑼灣百里鮮打邊爐，門口姐姐問是不是要任飲任食或自選，同行會友說我們人多勢眾當然要任飲任食抵D！我們叫了３個鍋 鴛鴦鍋 香西皮蛋鍋及番茄薯仔鍋 整體都OK，美国肥牛有雪花、芝士包心丸 龍蝦丸 三寶丸 花枝片都好彈牙 值得一讚＼墨魚滑及牛肉滑好彈牙，魚片、粉腸、九肚魚、鱼頭、黃沙潤、牛呢D係必叫，唔錯架、佢一碟一碟上、唔似有D任食店好似垃圾一盆咁一齐上，都有漏單、同佢位大大隻男部長說都好快補返，以銅羅灣地點 環境 服務 價錢＄108全包，料新鮮及多選擇係抵食之選！

湯底小選擇，只有焉鴦鍋之類，最重要既肥牛又肥又唔新鮮，仲有藍色出廠印喺邊位！又無野食，只有牛豬雞羊片，大路丸類同菜類！其他一係要比錢，一係就無，野食又唔新鮮，仲話叫百里鮮...好似去左80年代...完全無跟時代步伐，我諗老細都唔細，又無人接手之固，入面既侍應大多五十有多，個個好似做左幾十年咁，毫無朝氣，唔係歧視年記大，係管理不善，導致員工度日如年!

成人$108全包2個半鐘, 但係當日要等15分鐘才有第一盤生料上檯, 奶奶叫我問有無得補時, 咁個西裝先生(我估係部長呱)就話:「夠鈡就会自已嚟收錢。」沙爹湯底奇差, 未加水都已經淡茂茂滑牛無味, 雞片有雞味即未去到「拿」死芝士包心丸爆芝士, 姑仔話這間選的包心丸夠足料墨魚滑彈牙, 食到墨魚肉粒灼完完全無味, 尤如嚼蠟肥牛片勁抵, 又厚又大又豐富牛味黃沙潤好甜又無根, 粉腸就唔得.....乾夾硬任飲飲品要問侍應生拿, 令我唔好意思叫太多(怕他們太忙, 只好每次叫多兩三罐放在枱面)每次部長都要開定罐頭, 我話唔洗, 佢話老細規定一定要幫客人開, 咁奶奶話緊係怕d客運走d汽水......原來如此！飲品可選酸梅湯(好淡), 竹蔗汁(超勁甜), 百事, 七喜, 藍冰啤酒

今個星期五晚去了銅鑼灣百里鮮海鮮火鍋酒家吃飯，在伊利莎伯大廈位置比較方便，裝修就一般。但食物真的是多樣化，除了有粵式燒味、小菜、各類海鮮外，還有潮州滷水、北京填鴨，當然還有火鍋啦，仲有優惠1元隻鮑魚仔添(但一人只準叫一隻)。因為人數較小，祇叫了粵式燒鵝(不知是否給了脾位我，幾好食)、金銀蛋浸莧菜(皮蛋和咸蛋黃都算多，都幾好喎)、潮式大眼鳮魚(一般)、還有鮑魚仔(生鮮和彈牙，好味)、味道算是中上。 另外如果喜歡熱鬧的人，就喜歡這兒的氣氛，有啤酒小姐殷勤的招呼，感受到周邊枱朋友雙聚食飯的高慶、或一大伙人吃火鍋的熱鬧，實在是典型的香港食市，很有親切感，好好！

因為太多酒樓都BK 唔到位, 只有百里鮮有位, 照BK, 去到差不多FULL, 我地一行5人,食左:1) 燒汁銀雪魚 $68 ---- 有好多洋蔥係面, 如果唔食洋蔥死硬2) 花膠湯 $108 ---- 好菜乾味, 一盎個SIZE 似富臨, 有4件薄花膠3) 西蘭花貴花蚌 $78 ---- STANDARD　無驚喜4) 片皮鴨一食$138 ----- 幾好　脆皮，Ｄ　皮都夠分5) 牛尾ＢＯ --- Ｄ牛尾好細粒，　有人話唔入味，　但都淋身，尚可啦每位每人10蚊，　食左600蚊都OK，　片皮鴨下次會ENCORE但D SERVICE 真係有Ｄ似大陸...WAITER 扮到好熟咁，有Ｄ長氣

銅鑼灣 火鍋酒家] 旅行友相聚, 今次 12人. 張大枱好細. 應該只可坐 10 人.但, 無計! 叫左~1. 海皇冬瓜盅: $88 Good. 有蝦, 瑤柱. 人多叫左 2 個 tim.2. 片皮鴨 2食: 隻片皮鴨唔肥. 正!3. 生菜鴨肉碎: 正! 鴨肉碎好大碟人多生菜唔夠分. 我地加生菜. 加$20. 唔緊要. 但終於無來到. 唯有取消. 結果, 無生菜我食唔到. 4. 金銀蛋莧菜: ok.5. 雜菜煲: 好大煲.6. 花胶鴨掌 : 全卓最差的. 無味. 鴨掌賣相倒胃. 口感怪怪.7. 東江豆腐煲: ok.8. 什麼腐球: ok.9. 魚腸蒸蛋: 正! 唔腥.10. 豆醬'貢'菜鮮尤: Good! 好野味. 11. 山瑚磅西芹: 無味. 唔多掂.滿意. 下次旅行友相聚會再來. 不過張大枱真細左 d.

今日放下晝同老公去行吓時代廣場馬拉松展銷集，睇吓有無平嘢執。行咗一輪，無乜收穫，都係時候去醫肚喇。老公話伊利莎伯大廈有間“二奶酒樓”? 吓！“二奶酒樓” ? 乜嚟? 原來老公話伊利莎伯大廈6樓有間百樂門宴會廳，裝修靚啲、有氣派啲，比較起嚟2樓呢間百里鮮就噏耷啲，所以叫呢間做“二奶酒樓”. 唓，乜唔係二奶身光頸靚啲咩？講番嘢食，呢度星期一至五，早茶及下午茶，大中小點一律$8.8，而星期六、日及公眾假期更是全日大中小點$9.8, 超抵。野食就叫咗香煎蓮藕餅、蜂巢帶子茘茸盒、沙薑鮮雞腳、紅油抄手、燒肉生麵、鮮蝦雞包仔及原隻鮮蝦腸。除咗個燒肉皮唔夠脆同埋個蓮藕餅煎得唔夠香口之外，啲點心大至上唔差嘅。埋單$76, 以咁嘅價錢食一餐，都算超值。最值得讚嘅反而係啲侍應嘅服務同態度。收碟同冲水都幾勤快，到結帳時，無論個部長以至門口個知客都同我地講拜拜及多謝，真不錯。

賣點係大中小點都係$9.8;但原來除了特, 頂點外, 仲有"超點"!!!真係未聽過有"超點"...咁都係叫一般飲茶的點心等;除左d 紅油炒手, 係有刀切過的跡象, 其他都正常, 腸粉, 燒賣及波菜蝦餃仲推介添.叫了碗特價燒味飯, 媽要瘦义, 又真的幾瘦. 係d飯略硬.服務有d 混亂, 但仍ok.兩人食了88蚊, 銅鑼灣來說不錯了.

每隔一段時間我就想食片皮鴨諗左好耐銅鑼灣邊度有得平平地食呢???諗左好耐終於記起有呢間酒樓, 於是上去望下有冇上到去見到大大個推介$58一食片皮鴨~~~cool~~~好開心啊~不過由於o個時已經2020左右我地再reconfirm d staff有得$58一食先入座, 好謹慎啊~晚市都算仲有幾多人, 我地2口子坐o向卡位度舒舒服服等食 $58一食片皮鴨當然必order啦~ 不過lee度鴨居然有2個價錢, 正價$138出現o向個menu度........我地真係再問係唔係$58先落單, 費時到時有咩爭論啦~佢地都算細心o既, 有2碟甜醬, 唔洗爭用, 至於個皮就有一籠, 都幾夠熱, 不過就冇數有幾多塊 初時隻鴨一上我對佢好有期望嫁, 因為佢都片得幾靚, 不過一路食就有d不對勁!!! 因為有d佢真係得塊皮, 完全冇肉痴住嫁, 而且d皮仲好肥好多油, 但咬落去又冇肉食, 又冇比乜味~~~到底想點先??? 超級失望~~~ 我記得有次去明star 食推介片皮鴨都係咁上下價錢但就好味好多, 而且仲切埋隻脾俾你啊~~ lee度真係好差啊~ 唉~~~ 入錯酒樓食錯野添!!! $68沙爹金菇肥牛煲, 其

突然想吃大閘蟹，剛巧同事生日，而大家又嗜蟹，想起上次在這裏飲茶，有大閘蟹供應，便相約下班來。晚上九時，碰正是任食火鍋時間，門口堆滿了人，等位也等了半小時以上，好不容易才有張檯，環顧四週都是吃火鍋的人。我們還是要小菜，大閘蟹分 $28 和 $58 兩種價錢，我們要了兩隻大的，三個人祇要兩隻蟹？因為其中一位同事見到周秀娜也不會流鼻血，但每次吃完大閘蟹都必定會流鼻血，萬試萬靈，令人費解。我們又點了蜜汁脆鱔 $48，晚飯孖寶 $148：粉絲蒜蓉蒸元貝及招牌脆香雞半隻，上湯豆苗 $68，一支大嘉士伯 $6。蜜汁脆鱔，乍看外表似一碟叉燒，鱔已焗至脆身，加上蜜汁，是佐酒妙品，但鱔的鮮味則欠奉。粉絲蒜蓉蒸元貝有四隻，元貝頗肥美，蒜蓉香氣滿溢，將元貝的鮮味提昇，肉質爽口，粉絲未浸透，一敗筆。招牌脆香雞頗有水準，皮脆肉香，上湯豆苗亦不差，夠大碟，夠嫩，惟腿絲質素一般。主角最後才出場，兩隻大閘蟹來了，都是蟹公，但顏色不同，一深一淺，我不懂得看有多少兩重，我讓生日的同事先揀，蟹蓋內有膏，入口黏黏的，很香，而蟹肉的鮮味不及一般的肉蟹鮮甜，事實上，吃一隻蟹是頗費勁的，加上酒樓又沒有提供工具，吃了差不多一句鐘才吃完

約親戚飲茶，上次她建議去「客家好棧」幾抵食，今次便約她再去「客家好棧」，但今次她建議到「百里鮮」，話抵食之故，她已是祖母輩，閒時到處試，那處好那處差，瞭如指掌。一看點心紙，星期六的早上，在伊利沙伯大廈，駛唔駛賣得咁平？南瓜排骨飯賣 $2.8，臘腸雞粒飯賣 $4.8，特價點心由 $4.8至$9.8，而大中小點一律 $9.8，真是匪夷所思，平就夠晒平，且看質素如何？順德煎魚餅，不過不失。柴魚花生粥，夠綿，夠料。干蒸牛肉賣，有牛肉味，彈牙。韭皇火鴨絲腸，這味較失色，乍看以為是羅漢齋腸，因大部份是紅蘿蔔絲，木耳絲和菜，祇有微量火鴨絲。鮮蝦豆苗餃，非常新鮮，豆苗無臭青味。擂沙芝麻球，是麻蓉餡，很有水準。香茜牛肉腸，都唔錯，芫茜增添了香味。叉燒包，餡算多，是近期吃過最好的。香煎韭菜角，煎得幾香口，金金黃黃已夠吸引。臘腸雞飯，實則是潤腸，雖是得三份一盅滿，但賣 $4.8，味道又Ok，無得投訴喇。點心質素普遍合格有餘，以上食物連四位茶收 $91，一定會再來。看晚巿的海報，大閘蟹由 $28 起，片皮鴨 $58，頗吸引，也會改天來吃晚飯。

今天應該是我第一次去也是最後一次去這間酒樓，真的離哂大譜叫了五樣小菜，兩個小時只是來了兩個，有一個在等了一個小時才說沒有，有一個原來直程無落單，又唔無人加單。我以為只有法國餐才要食這麼久，原來平時中菜晚餐一樣也可以。等我講下我今日發生咩事:八點半:我們落單了，叫了大閘蟹，魚，燒雞，炒聖子，同蝦子柚皮幾分鐘之後，落果張單回來，發覺左蝦子柚皮無落到，咁諗住叫侍應先生加返佢啦，點知個侍應先生(應該是內地人)好似聽唔明咩野叫蝦子柚皮，又唔明原來係落留單，咁還掂三個人食咁多都食唔哂，就算數啦，唔要蝦子柚皮九點十五分:都差唔多九個字，無理由一碟野都無得食架...咁又走去搵個部長先生問啦，點解咁耐都無野食架，人地遲過我地都有其他小菜到啦。咁個部長先生就問「差邊樣未到呀，蟹係耐D架WOR...」我地答「唔係呀，係咩都無到過」，佢竟然覺得我地好似玩佢咁囉，之後唔理我地走左去拾其他枱....九點半，終於有碟燒雞到喇，大家已經好肚餓，好唔好食已經唔理，食左先算，講真D雞好咸亦都好老，一D都唔好食。好啦咁嚟左一碟應該好快有第二碟，點之我地等到十點都係得個桔之後再問部長先生點搞架，好耐都無WOR...佢先講「M

屋企人突然想食游水石斑, O係報紙見到百里鮮有68一條既優惠, 所以特登黎試!百里鮮呢期仲有其它優惠, 片皮鴨58一隻, 或瀨尿蝦16一隻~ 我地本來想叫埋瀨尿蝦, 但係佢話我地得3個人, 所以只可以叫其中一個優惠既餸~ 如果有5個人就可以叫2樣喇..我地因為食一條魚唔夠喉, 叫左個孖寶優惠, 198有多條老虎斑同埋一個豉油皇蝦~ 見人地D雞靚, 仲加叫左半隻招牌雞, 同埋一個蒜蓉白菜仔~碟蝦上先~ D蝦望落去都OK大碟, 但係望真D, 佢將每一隻蝦'介'開左一半, 隻蝦炒完再捲起左, 所以望落去幾大碟, 實際上其實唔係好多~ D蝦仲要係冇咩肉, 同埋勁油~ 一路食, 一路有D紅色既油滴出黎 =0= 隻雞都OK肥美啦, 可接受~ 冇咩特別~白菜仔正常份量~ 都係冇咩特別~重頭戲係兩條魚, 其他枱D人可能以為我地癲左, 3個人食兩條蒸魚.. 每條都足一斤架我諗, 68蚊O個條唔會比正價個條細~ 條魚好似比上次O係'稻X'食個條海斑仔大~ 酒樓既蒸魚一定比屋企蒸好味, 因為火喉夠大~ 呢條魚唔係紅色斑, 係黑色, 所以肉質可能'UN'少少~ 但係好好食~ 魚腩O個D位可能鯹少少, 但係魚身

是晚國慶日我們成班人去到銅鑼灣百里鮮訂房間食飯及唱K有D餸真係好好味 沙律大明蝦球 D蝦好大隻好脆蒜茸香爆骨 超好味下次一定再食特別介紹 油鹽水海花甲浸芥膽 D海花甲好大隻好鮮甜成班人都俾手指公西蘭花炒班球都唔錯是晚每味餸都有水准 己約好下次聚會再來