新天地蘇杭菜館 (已結業)

阿媽介紹呢到lunch set 又平又好味, 今日就即管黎試試。lunch 時間都無咩人, 唔洗等位。lunch set $36起, 有好多款揀, 份量唔少。我地5個人叫左1) 担担麵 + 3隻小籠包 x 2: 担担麵既麵質唔係正宗的那種, 不過都好味, 好滑, 湯底都有濃濃花生醬味, 不過不失。小籠包, 皮薄多汁!2) 上海粗炒: 好耐無食特別好味, 唔係炒得好油3) 雪菜肉絲炒年糕, 味道ok, 但d 年糕切得太厚, 食幾塊已經飽左。4) 煎煱貼, 唔係平時煱貼個樣黎既, 好似炸餃子咁, 太油. 見到都唔想食。5) 豆沙窩餅, 勁多豆沙, 唔太甜, 不過點解會厚身左既~每個lunch set 都有豆漿/庶水總括: d 野食比以前好左, 同埋三十幾蚊個餐唔可以要求咁高。

當日放工爸爸黎左車我去食飯~~佢話荷里活廣場好泊車 , 所以就決定去尼度食了~~可能時間算早 , 冇人等位...(7點左右服務都算係咁...自動有人加水....上菜都唔係等好耐~~叫左 小龍包~鍋貼~回鍋肉~生炒骨~銀絲卷 X 2小龍包 , 夠肉汁~皮也不太厚~鍋貼 , 煎得唔夠香口~皮厚左DD~但都有汁~回鍋肉 , 唔算太辣 , 但菜太少了....同埋咸左DD~生炒骨 , 正常很好吃喔~銀絲卷 , 這個....很難難吃吧...不過不失的一餐~~

食物又難食，服務又差.想落 order 叫野食，D服務員好像見不到我們的，值行值過. 我們叫左6 個送，得5個來左，第6個送要等到我們三番四次去追先到D送菜味道是很難食，我相信普通茶餐廳的送菜都好過佢

又係表孝心既時間今日同婆婆食佢食蘇杭菜無他既　因為婆婆是上海婆是也７點去到已經８成滿坐低望下餐牌原本想叫２人套餐選擇唔多　所以最後決定散叫冷盤有城皇廟素鵝（＄３８）冷盤真係好夠凍　雖然碟細但份量多有２０片素鵝　不過唔夠入味　所以有ｄ似齋食＂附＂皮點心有素菜包（＄２０）一籠４隻　雖然話係包　但外形似餃子多ｄ即叫即蒸　所以熱辣辣　包入面餡好豐富一啖咬落去除左好多菜絲　亦有冬菇同冬筍絲　而且包皮充滿冬菇香氣小菜一有三鮮燴津白（＄４２）三鮮包括木耳　竹竺　金華火腿菜好鮮嫩　而且吸引哂ｄ湯汁湯汁有好濃既金華火腿同瑤柱味道　好味！木耳脆　竹竺爽　唯獨金華火腿片有ｄ怪唔咸　而且顏色似雪藏火腿小菜二有醬爆雞丁（＄５８）很惹味既一道菜　除左有雞丁亦有筍同菇粒　食落又有３種唔同既口感味道亦適中　送飯一流不過如果可以加ｄ辣椒會更正飯類有杭州炒飯（＄４８）呢個飯係我每次黎親呢度都必點因為呢個飯好特別　唔係四圍都食到飯用左牛展去炒　加埋蛋同青豆粒　應該會好好味但今次真係失哂水準　飯粒好多仲係白色　明顯無用足夠豉油去調味而且食落口好淡　加上飯內既洋蔥仲未炒熟　生洋蔥既味蓋過其他味一個字：差！！！！！總結呢間餐廳其

開心日子, 最好就係配上美食。與女朋友來到新天地, 之前黎過一次, 覺得唔錯。可惜今次就差D喇。不在食物, 在於環境。點了以下四樣野食: 第一次食, 覺得普普通通, 唔會再試 呢個唔錯, 又入味又好食 保持水準 好食!!以上四樣都唔錯, 可以一試, 不過環境就差少少。先有被安排係間房的角落位, 隔離就有檯客叫左蟹肉乜乜乜, 蟹粉物物物點知一句話唔好食就原封不動放返係度浪費食物其後可能因為房間的關係, 有一檯十多人的客興高采烈, 大聲得有點騷擾同時, D侍應態度麻麻 十問九唔應, 問到又敷衍作答。整體黎講食物質素還可以, 只係侍應有待改善。

星期天為了排骨麵而介紹朋友去了這間新天地之前食過一次覺得ok沒想過今次如此的爛下午3點幾去到無咩人即刻有位點了兩份下午茶+ 一份炒飯 + 椒鹽魷魚鬚下午茶盛惠$34 一個麵+ 一款點心送一杯蔗水或豆漿排骨麵+小籠包 同 牛腩麵+素包應該預期不會等候太耐時間到吧點知杭州炒飯跟椒鹽魷魚鬚到了特別一提椒鹽魷魚鬚中的椒鹽多得很, 魷魚鬚少得很囉牛腩麵, 小籠包 及素包都陸陸續續上了排骨麵居然失蹤了等到不耐煩問了個著西裝的女侍應追單她去了廚房問了問就大大聲向我們說"等多一分鐘好快就有"我身邊還有人向我們重複她的"一分鐘"那句話我們成枱人望向d 侍應們等了近5分鐘見到比我們後到的客人都上了他們的麵食那一刻已經明白了大概是漏了單d侍應個個你眼望我眼自顧地傾計明知我地已經好不滿都沒有人過來交代一下後來忍受不了他們的服務態度及上菜速度決定唔要排骨麵埋單走人連埋單都可以拖你時間真的令人憤怒不滿心情再度提昇最後那"一分鐘"承諾的西裝女侍應持了張單過來解釋了個下午茶要$34, 現在扣返$15所以無計我地三人茶錢張單計法下午茶 $34 x 2 = $68炒蛋 $40 = $40魷魚鬚 $2

因為阿媽係飯桶, 所以lunch揀左黎新天地食客飯小菜首先來個老火湯, 有西洋菜 + 好咸既水, 但無西洋菜味莫講話老火湯, 即使例湯都好差粟米斑腩 斑腩唔錯, 炸得香脆, 微暖 粟米芡好有蛋香, 幾杰, 落足粟米粒同蛋, 唔會溝好多水, 可惜是凍既 紅燒獅子頭 獅子頭做得好有水準, 肉質實淨有嚼頭, 好有肉香 菇片: 竟然係酸的, 應該係變壞左

(sorry, 以下食評之前post 錯落鑽石山荷里活廣場的潮客, 正確地點係新天地蘇杭菜館, 請更正, 謝謝)d野雖然分量大, 但味道真的很差蜜汁火方, 無蜜味, 得個甜字, d餅皮又濕立立, 差勁雲吞雞, 咸到苦, 仲要唔知幫我地放左去邊, 最後才找番出來鎮江肴肉同其他店相比又係難食個位又逼, 唔舒服埋單四百二, 二人, 咁既價錢咁既味道, 唔會再去

如果一間食店食物好味, 而服務嘛嘛地, 我可以接受, 因為還有食物吸引你再去幫襯. 如果一間食店食物不濟, 服務態度好的話, 我都可以叫食佢個服務. 而今次這一間, 兩樣野都唔掂的話, 我只可以講一句, 無下次 最最最有問題係, 連店的上至經理, 下至侍應都係服務差的話, 我真係再無話可說了......首先入門口, 一位經理小姐帶位, 帶左我地在大堂一張枱, 由於當時並沒有很多食客, 所以我地要求坐去另外一張角落位的枱, 沒有咁迫. 那位女經理竟然黑面走左去. 我地心唸唔坐你安排張枱都黑面, 唔係掛 算啦, 無出聲. 跟住坐左一陣再有另一位侍應小姐set 位. 嘩!!! 放茶杯, 碟時超大力, 呯呯嘭嘭, 我真係驚佢會"鏗"爛d杯碟, 再算, 我地都無出聲... 我見人地有倒洗碗水的大碗, 但我地枱無!!! 再算, 我就自己拿出去倒吧 叫左排骨麵, 嫰雞煨麵, 菜肉雲吞, 小籠包, 春卷, 豆漿三杯. 嫰雞煨麵我不嬲都知係糊, 但佢糊得黎, 有打玻璃獻, 變得更加黏口及一pat pat, 同埋雞肉很不似雞肉, 已經不是講雞味了, 是沒有味, 沒有肉的質感, 我食素肉的咬口都會

荷李活廣場基本上平價野食已經試得7788 係時候走入高價野食區食 今次選擇新天地係因為呢類型既菜色,本尊都好鍾意食..難得有機會就一定試下啦!! 但係咁岩之前下午茶食得多....而家4個人 肚仔又唔係太餓 於是叫左幾樣野食算:清炒河蝦: 係咪河蝦我就唔肯定.但蝦肉 爽口彈牙...可惜蝦味差少少..鎮江淆肉: 食落口有d凍..肉味唔重..加了醋都冇咩特別..醉乳鴿: 平時醉雞就食得多 今次第一次食醉乳鴿 肉質比雞更滑山煎包x2: 友人介紹必試..可惜有d失望...包底唔香脆...入面雖然有肉汁..但肉味超淡..松子桂花魚: 比想像中好食..一來個汁唔稀濃度適中..而且炸得香口 肉質又冇雪味...食完想再食!環境乾淨.同埋因為6點幾尚早 人流唔算多所以唔嘈..而且服務都幾體貼 但飲品錯左單...! 下次可以再來..但會選試新野!同埋呢個廣場食飯始終方便...渣車又可以泊車...食完又可以行街 一生一樂也XD

本想在荷里活的金煌庭飲茶，誰知我與其他網友一樣，去到才知已經結業，於是改去了這間新天地。相對其他食肆，這裡不算太多人，不用等太耐己可入坐。可能由於坐在角落位的關係，侍應不太見到我們，要多次舉手才有侍應來招待。食物方面不太突出，和一般酒樓分野不大，不過坐位尚算舒適。

話說今日又是一個第一次的嘗試 : 第一次帶親子義工服務 - 賣旗雖然很累, 但見到學生家長們積極地向途人募捐, 各人皆鬥志高昂, 家長亦不惜請假陪子女參與義工活動, 十分感動 =]今天在街頭來回了N次....很累很累....但每次見到學生有所進步, 能夠主動向途人募捐, 連平日不願多說廣東話的同學, 今日亦作大膽嘗試, 我真的覺得 "老懷安慰" 哈哈哈~~~ 所以再累一點, 又如何?? 還有十分感謝兩位朋友仔的幫忙, 與我一同帶著這班親子兵團作戰, 真是感激不已~~~~所以嘛~~~~ 完成創舉後, 當然要吃個靚飯, 抖一抖, 涼涼冷氣~~~~今次選擇了這間蘇杭菜館, 雖然之前已經路過了十萬九千次, 但都提不起勁入去試, 今次應友人要求, 所以一試亦無妨 三人點了三個 "一面一點"套餐, 包括:1) 擔擔面 + 素菜飽 (2個) $34 - 擔擔面少辣, 麻醬唔算太多太肥, 味道入口不俗, 但略嫌上海面太淋身, 冇咬口, 但面質不錯, 很幼滑. 此外, 我最喜歡素菜飽, 熱辣辣, 菜的味道剛剛好, 但我唔識分佢入面用左咩菜, 正~~2) 辣肉面 + 小籠包 (3粒) $34

今日一家人去食飯,六點九到左,諗住吾駛等好耐 ,點知一等等左半個鐘有多。終於叫到我地,點知入到去,張枱已經俾左人,明益熟客!!!又再等過!最終七點半先入到去。food:::::麻辣鴨舌:純粹係將鴨舌放落d辣椒油到,咁吾麻就奇啦!!!!擔擔面::已經叫左中辣,但都冇乜辣味,d麵仍然黏住哂,煮既時候都冇整開晒!!!!!!!!!!!!!!川北粉皮:又係將粉皮加辣椒油同豆豉小籠包,鍋貼:不錯~~~高力豆沙:差爆!!!d服務都差!!!!!!!!!成枱野又吾收,好似冇伙計咁!!!!!!揾個著黑西装叫埋單,等左好耐都冇人黎,最尾要叫多次先有人!!!!!!真係可一不可再!!!!!

前排得知朋友將為人母後, 當然要出來吃飯慶祝一下! 為了遷就大肚婆, 就近地到工作地點附近的荷里活廣場吃飯. 大肚婆說要吃得"正氣點", 選擇了來新天地吃中餐.平日晚上的六時半, 店內客人只有小猫三幾隻, 可以挑個坐得舒服的位子. 雖然我們有"四"個人, 但食量都不算大, 於是點了個二人餐, 另加一些小菜. 先來的當然是餐前的一小碟小食, 在蘇杭菜館內奉上的不是酸薑, 而是 -- 雪菜! 通常吃雪菜都是"雪菜肉絲米粉", 單吃雪菜實在是第一次. 看起來和吃起來都跟平常吃的味道差不多, 鹹鹹地, 無甚特別. 再來的就是套餐: 沙鍋雲吞雞 + 五隻小籠包. 小籠包的皮很薄, 用力一點已經很容易弄穿; 肉汁方面不算多, 但比較肥膩; 餡料的肉團也不多, 只屬一般水準而已. 沙鍋雲吞雞, 除了雲吞和雞之外, 還有津白和金華火腿. 湯的味道也頗清甜, 雲吞約有四五粒, 味道也是一般, 沒甚鮮味; 雞肉則是預期中的o鞋口. 可能由於湯渣多, 湯卻比較少. 單吃以上的當然不足夠飽, 所以我們另外點了津白咸肉炒年糕和豆沙鍋餅. 炒年糕這碟菜的味道十分十分清淡, 油也不多, 除了咸肉本身帶點咸味, 津白

媽咪想食上海菜見金煌庭執左唯有去呢間啦好耐之前(我諗有一年前)都去過一次估唔到而家佢都係無進步價錢又唔係平...今日食點左蒜泥白肉,豆腐咸肉湯, 醉豬手,酸甜菊花魚, 京式蔥油餅, 鱔糊炒年糕首先, 等左差唔多半個鐘先上菜, 仲要係上左酸甜菊花魚先...見倒碟魚, 個presentation完全無美感可言.. 唯一一點OK 的係炸得幾脆醉豬手,件件都好硬, 想食得斯文D都幾難。蒜泥白肉, 我完全見唔倒有蒜泥, 唔知係咪我孤陋寡聞蒜泥白肉0既意義唔係真係有蒜呢?..鱔糊炒年糕, d年糕切得太大舊喇。豆腐咸肉湯,無乜特別。但D服務員明知有湯, 點解唔攞多份碗俾我地架? 唔通要我地用隻成碗面都係油,醬油0既碗裝湯?京式蔥油餅, 無乜特別, 都係炸得幾脆, 但無乜餡囉..仲有叫埋單叫左十分鐘都未埋倒.. 但D服務員卻係行行企企, 傾下計咁..唉~ 我都唔明點解係金煌庭執, 而唔係佢執...