夏麵館 (樂富廣場)

營業中

休息中

經過很多次，一直沒有入店內，今日決定試一試，選了旁邊坐位，首先看看環境，店內寬敞，裝修別緻，很喜歡，選了一份午餐，包小食，正餐及飲品，有麵有飯很多選擇，今次我選了涼拌粉皮，豬排菜飯及夏伯伯酸梅湯，非常好味，會繼續來。一點前埋單還有八五折，好抵食。

早前，兔小妹跟同事到樂富工作，順便到附近覓食，竟在樂富廣場意外發現一間幾抵食的上海餐館。 午市自選套餐由$50 - $100 左右，還包前菜（涼菜/點心）、主菜和飲品，份量豐富，且價錢親民。我倆點了個排骨菜飯 ($68) 配 鮮肉小籠包 (2隻) ，和酸辣湯餛飩麵 ($65) 配上海春卷，並追加兩件高力豆沙 ($18)，開心share~鮮肉小籠包即叫即蒸，外皮算薄，肉餡大大粒，充滿肉汁，味道不錯!上海春卷外皮亦炸得十分香脆，內裡是清甜的蘿蔔絲，外脆內軟。至於排骨菜飯，菜飯滿滿一碗，但排骨炸得略乾，味道一般，不過不失。但酸辣湯餛飩麵竟有點驚喜! 酸辣湯濃而不咸，帶點微辣，十分開胃。菜肉餛飩餡料豐富，份量十足!可惜高力豆沙卻讓人失望，蛋白的外皮過厚，欠缺蛋香，口感亦未夠鬆軟; 豆沙餡相對較少，味道偏淡，整體是皮厚餡少，水準欠奉。總括而言，這個午市自選套餐性價比挺高。若然偶爾午餐想吃個簡單的上海菜，這裡是個不錯的選擇。

成日見呢到裝修咁靚， 好想試下。 難得今日行過樂富， 打算試下。 明明係公眾假期，但係裡面好靜。 一試， 啲野食好伏。 首先係三鮮湯年糕， 淡到好似飲水咁。之後個炸雞排拉麵， 個炸雞有陣魚味，真係未食過咁難食既雞排好冇， 個拉麵湯都係好淡， 無咩味。 最後希望落左係小籠包上， 點知又係冇湯汁， 啲似超鞋。又貴又難食。 仲要待應既態度差到一個點， 講野冇尾音， 單字答你， 明明咁得閑塊面都咁黑, 用錢買難受。blacklisted

2023.10.28 夏麵館 午餐踏入秋天，又到吃蟹粉的時節。是日第一次到這家試試蟹粉菜色，想實測看看味道是否跟價錢成正比。蟹粉小籠包(4隻) $70蟹粉略嫌少了一些，看上去是混有蟹粉，吃卻吃不出有蟹粉味，就像普通的肉饀包子。蟹粉拌麵 $98令我意外的是蟹粉用小碗另上，比想像中來得份量更多而且不取巧。可惜調味不足，光吃蟹粉還可以，拌麵一起吃時顯得淡而無味。四喜烤夫 $48這前菜有驚喜，份量大，調味夠。想不到這一餐最滿意的是這小吃。

#MC帶你去樂富咁啱喺附近做嘢，又經過樂富廣場，就揀咗依間上海菜試下。「夏麵館」平日有Set Lunch ，包前菜（涼菜/點心）、主菜同埋飲料。🍽️ 前菜 — 鮮肉小籠包（推薦👍🏻）基本上咁多款前菜嚟講，小籠包喺最高性價比。Size正常，但食落都偏多汁，而且即叫即蒸，因為都等得幾耐，主菜上咗，小籠包都未到，食落熱辣辣，最推薦依個👍🏻.🥒 前菜 — 手拍青瓜想健康啲、想食清啲，可以嗌依款。手拍青瓜只有蒜蓉同鹽，簡單調味，唔重口味。.🥟 前菜 — 鮮肉鍋貼想食香口嘢嘅，依款就啱曬你。鮮肉鍋貼煎得非常香脆，食落肉汁多💦🐥 主菜 — 川味口水雞麵 $75好大碗嘅陽春麵，口水雞就另外上。口水雞都幾足料，調味偏辣，真喺川味🔥唔太食得辣可以落單時嗌少辣。雞肉幾嫩滑，配埋啲辣汁、蒜頭、香蔥，辣得嚟十分過癮😋🦀 主菜 — 鳥金蟹粉拌麵 $92墨魚汁製成嘅麵條，拌上金黃色嘅蟹粉，上一枱已經好吸精📸麵條十分有嚼勁，口感非常爽滑，撈埋啲蟹粉，每條麵條都沾滿蟹粉，十分滋味🤤🍝 主菜 — 回鍋肉粗炒 $78回鍋肉數量都唔少，味道微微辣🌶️惹味香濃幾易入口，配埋椰菜、青椒、豆乾，整個口感好豐富。🥛 豆漿味道偏甜不過凍熱

今次去左呢間食麵既餐廳，入到去有d茶樓feel，而佢地都真係會收茶錢（$5）同有壺茶比你😂 我地叫左一碟金牌菜肉炒飯（$62），呢個炒飯成碟揚州炒飯，味道都係揚州炒飯咁，冇乜特別，醫肚係絕對冇問題👌🏻另一樣就係排骨擔擔麵（$68），呢個就有番d特色，個湯偏濃，幾有花生味，佢個排骨好似成塊豬扒咁，幾大件，佢都幫你切定一細塊既👍🏻最後就係鮮肉小籠包（$42），呢個感覺普通d，佢入面d湯唔係話太好味，都係果句，醫肚呢計還好既🤣呢間舖如果普通諗唔到食乜過黎食係ok，唔好預佢好出色，不過就唔算差既，冇野食咪黎食下囉😆

今日小朋友有暑期活動，我就可以自己一個去嘆吓午餐。小朋友唔食辣，唔太鐘意中菜。所以有機會一個人午餐時，我通常都會去食上海嘢，我其實好鍾意食擔擔麵😋今日嚟到夏麵館，兩點鐘開始有下午茶，同一個商場既其他上海餐廳，好多都係兩點半先有下午茶。咁我肚餓，梗係兩點鐘食嘢啦😄我叫左排骨擔擔麵+凍豆漿。揀咗小辣，淋麵。小辣真係BB辣，唔覺得啲麵特別淋，我已經唔係即刻食，等佢浸湯浸多一陣。咁都正常好食嘅。想讚一讚，職員態度良好，地方寬敞舒適。我係平日下午用餐，見有三架輪椅可以入嚟，仲有一架BB車，四樣嘢可以同時喺餐廳入邊，感覺都唔擠迫。其中有一位食客，身體不適，講嘢唔清楚，職員都好用心慢慢聽吓佢有咩需要，值得一讚。餐廳賺錢係緊要，有愛心嘅職員真係唔係咁多👍🏻😋Yummy Yummy: 7/10😋

今日去咗依間中菜廳度食美食，我今日叫咗一碗水餃擔擔麵、蒸水餃、菜蜜同埋甜品。依間餐廳嘅位置好方便，地鐵站行去1分鐘就到。依間餐廳嘅侍應服務態度好好，佢哋會不停幫我哋收碗碟同埋斟茶，另外，餐廳環境也很不錯，枱凳好寬闊，一點也不會迫。🩷🩷 至於他們的食物，全部都好新鮮，同埋全部都係熱辣辣嘅，即整即出的。我好鍾意食佢哋嘅水餃，佢哋水餃裏面嘅肉好新鮮同埋好香，會令到我食上癮的。另外，他們的熱菜蜜好好飲同埋好大杯，飲完個肚好舒服。🥰🥰

這間餐廳有午市自選套餐，分量十足，非常抵食👍🏻👍🏻👍🏻內容包括麵、飯或年糕任選一款、涼菜或點心任選一款、及冷熱飲品任選一款。我選了菜肉餛飩麵、鮮肉鍋貼和凍豆漿。碗麵分量十足，有4個大大隻菜肉餛飩，鮮肉鍋貼煎得香脆，肉汁多，豆漿微甜豆味十足。整份套餐非常飽肚，絕不欺場，價錢合理。當日為免下午飯氣攻心，無法專注工作，只好放棄半碗麵條😫隔天我和同事再來光顧，兩個人分享一份套餐，大家剛好夠飽，不用浪費食物😊餐牌提供很多款式選擇，可以有不同的組合，即使日日來光顧，也不怕要重複。餐廳很大，即使是午膳時間亦容易搵位，絕對值得推介給各位打工仔👍🏻👍🏻👍🏻

今日去了夏麵館食晏，人流不算多，坐得舒服。平時經常食酸辣湯麵，今日𨍭一下口味，點了炸豬扒担担麵。份量頗多😊炸豬扒外脆內軟，不油膩。肉質帶有少許油脂部份但不會太肥，十分惹味。担担麵也不錯，起初還嫌湯底不夠味，誰知那種花生香辣味慢慢係口腔滲出來。麵條吸盡精華，越食越吸引，滋味。

鮮肉小籠包 （1個Set Lunch 有2粒）小編嘅小食揀左鮮肉小籠包，皮簿多汁。 Lunch嚟講都算可以接受，唔錯。排骨擔擔麵 $75排骨擔擔麵係重口味之選！擔擔麵湯底非常濃厚，而且非常掛麵，食到有花生味，但小編覺得可以再多少少花生味。排骨就正正常常。擔擔麵始終比較飽肚，仲要加埋炸排骨，呢個一定係heavy 之選。鮮蟹粉黃魚片麵蟹粉份量都算多，面呢，就係普通上海麵啦，小編就覺得個湯唔夠清甜啦，同埋啲面呢就有少少淋，小編都係鍾意多番少少口感，硬翻少少就Perfect池啦。而且今日嘅黃魚片仲有細骨，食落真係唔係好過癮。不過黃魚可能岩鍾意魚既朋友仔。但係小編呢，就唔太推薦俾大家啦

一行七人食上海菜…….首次到夏麵館用膳，我們分享用膳，揀一些大路的食物🤭🤭🤭食物水準不過不失，份量恰巧，每人也可淺嚐各款…..酸辣湯完全唔辣，沙鍋雲吞雞夠大煲，但雲吞較少，豆沙鍋餅即叫即制，不太甜，也稱上好味…….忘了影小籠包，不太多汁，起碼無噴汁，蒜泥白肉沒有辣油，只有蒜頭鼓油伴碟👎🏻👎🏻味道真係一般啦，醬油鴨也算多肉，可再食😋😋炒年糕與粗炒是一樣顏色一樣味道，上檯時也誤會炒年糕是粗炒😫😫😫有無下次也未知？🤔

呢間餐廳嘅地理位置好方便 地鐵站行2分鐘到就到 喺一田超級市場附近😛 同埋依間餐廳嘅價錢好便宜 每次都叫起碼兩碟嘢食 今次叫咗擔擔面同埋五小碟🩷 佢地個擔擔面花生味好香濃 熱辣辣的❤️ 食完覺得個肚好舒服💚 職員服侍周到 又有禮貌😛

樂富商場好大好多商店，今日約了朋友去行吓，果然行到腳仔軟。剛好食晏時段，揀了呢間麵館，人流不多，可能食肆多選擇。酸辣雲吞湯麵好鐘意食酸辣湯，夠酸夠辣好開胃，材又多，有口感。麵條有嚼口，沾滿湯汁好滋味。不過雲吞皮太厚，不喜歡。小籠包即叫即蒸，皮薄薄，餡料豐富，爆汁😚😚熱豆漿不會過甜，ok 喎。* －點前結脹可享85折…. 抵

樂富好多食肆，食上海菜就有兩間。今日午飯就去了夏面館，因為唔使排隊。叫了排骨擔擔麵，排骨有驚喜，外皮夠脆，粉漿唔厚，肉汁還在，擔擔面食第一啖覺得好辣，但食完就覺得都夠惹味，$68抵食自選。還叫了黃魚燴麵，呢個就爭啲啦，因為個湯落左味精，食完一啖已經口渴。但黃魚夠嫩。另外叫了醉雞，醉雞夠入味，但竟然有雞pat pat。醉豬手，呢個都可以。燻蛋就熟了少少，可以在流心啲。炸銀絲卷，呢個都幾好，唔太油，亦炸得夠脆。煎餅就唔得啦，唔夠脆，亦都好油。最後食埋高力豆沙，呢個正常。五個人，食咗$427 ，性價比ok